استفسار عن مطعم فريج صويلح

[babloo]

والله المطعم من احسن ما يكون الاكل لذيذ تحسينه اكل كويتي اصلي انا احب مموش ربيان طري هذا مو طبيعي والمرقوق يعد ممتاز بس ما جربت الباجي وقعدته حلوه مسوينه جنه ستايل فرجان قبل وفيه كباين واسعاره حلوه ويوصل لنا اقل من 5 دنانير عادي مو شرط 10 دايما اطلب منهم

بس اهيا السالفه اذواق انتي جربيه مو خسرانه

 

[فوفو التخينة]

واي قطيعة كرهته
العام كنت ألف بالسوق ليلة العيد وفجأة وليدي قال يوعان أبي عيش فرحتله
طلبت برياني دجاج لما وصل الطلب وإلا الدجاجة مأكول منها يعني تعرفين شكلها وغنتي قاطعتها بأظافرج جذيه (يع ) :cxxxp:
ناديت الجرسون ووريته قال أنا أغير الصحن
توقعون غيره ؟؟ لا زاد الدجاج من فوق وحط الدجاجة المأكولة تحت ، بس على منو بس قلبت العيش وإلا تطلع نفس الدجاجة :jumpon:
يعني انهم ياخذون الزايد (الدجاج ) من صحون الأوادم ويقدمونها مرة ثانية
لا عت جبدي بغيت أرجع
ناديت اللبناني مالت على وجهه اهو بروحه جذاب قلت له شنو هذا ؟؟ اطلب يغير الصحن راح ترسه دجاج ؟؟ جان يقول الجرسون مو انت يبي دجاج زيادة ويسوي روحه أهبل

والبناني سوه روحه كلش أنا بيدي مدام راح أدخل المطبخ وأغير لك الصحن ، جذاب بس زادو الدجاج
يع يع والطاولات وصخة والمعبوج طايح فيه عيش
يعني ما يقطون الزايد لا يرجعون يقدمونه حق الناس مرة ثانية
وأكيد المرق نفس الشي ن تيلي تاكلين مرق اللي قبلج مسعبل بالقفشة وحاطه فيه ؟؟؟؟؟؟؟؟؟؟؟؟
قال مستحيل مدام هذا من الملاس لما يغرف من الجدر تقطعت الدجاجة ( انا هبلة ما أعرف تقص علي ؟؟)

قلت له لو تموت مو دافعة قيمته وإنتو ما عندكم أمانة وقمت أصرخ بالمطعم عشان كل اللي قاعدين يسمعون وهو يهدي فيني:O_SHH_: عشان ما يسمعون الصراحة يبيله :eh_s(13)::eh_s(13): ، بس تحسفت لما طلعت لأني دفعت باقي الفاتورة المفروض على هالوصاخة ما أدفع ولاشي

ومن يومها ( قبل سنة ) ما طبيته وما خليت أحد ما قلت له هالقصة

صج الألكل حلو وأنا جربت القبوط - الجريش عجيب - برياني ربيان حلو - العرايس حلوة -
لكن السلطة ذابلة وما تسوى فرق بينهم وبين سلطة ميس الغانم صج فرش وتشتهين تاكلينها
ما أنصح فيه ريحة العمال خايسة والطاولات وصخة والأكل الزايد يقدمونه مرة ثانية

 

[بنات حواء2]

ما ادري انا مو ذاك الزود معاه لأني ما كل عيوش بس اهلي يحبونه

 

[بدون هويه]

يمكن يكون ردى متاخر بس تونى اشوف سؤالج قديم هالمطعم مو توا مفتوح وااااااااااااااااااايد حلو اكلات كويتيه قديمه ويلفون عليج بالقهوه واللقيمات اول ما دخلين هم نظام كباينهم مثل بيوت قبل روحى جربي ودزى لى شويه مرقوق

 

[أفرض هيبتي]

واااااااااااو روووووووعه

 

[خشف العرب]

لايطوفكم شي شي شي والله يابنات رهيب ويقولون الشيف اكويتي ومعلمهم عالطبخ السنع ومن يقول مافي كباين فيه كباين بالعدد جم تبين كرسي وصاده وشحلاتها مره رحت مع زوجي ومره مع امي وخواتي لايطوفكم مرق الربيان والعيش الابيض ومطبق وشوربة الذره حاطينها بصمونه عملاقه يم يم يم يم عاد زوجي يمي قاعد اقوله ودك نروح قال يبيله كله منكم شهيتوني عليه بهاللليل

 

[خشف العرب]

فوفو من صجج ماشفت اللي شفتيه توني رحت من شهر تقريبا الله يستر

 

[نور الدنيا21]

وااااااااااااااااااااااااااو اكلة حدة عجيييييييييييييييييييييييييييب

 

[ام خالد 78]

والله اكله ماعجبنا كلش الله يديم النعمه

 

[الملكة كوكو]

المطعم عجيب وايد اروحله في مكان للعوايل و في كباين ,, و عندهم توصيل بعد امي دايما تطلب منهم حق العزايم لانهم يبيضون الويه و اكلهم خنين

 

[شقرديه]

يوم الخميس اللي طاف كنا فيه غدا روووعه

طلبنا مجبوس دجاج وموش ربيان طري وااااااي تحطيم
تبوله فتوش شمندر كبه بلبن وتشريبه وقبوط ورق عنب ومشوياتهم عجيبه وعرايس ماكو منها وشوربة عدس وشوربة ذره




وكنا 7 اشخاص وحسابنا 18 وشي يا بلاااااااااش والاكل خنين روووعه