استفسار من خبيرات الكروشية

[أساور]

شلونكم يابنات وكل عام وانتوا بخير

يابنات انا شريت صوف من بومية ابي ا لعب فيه علشان اتعلم الغرز
بس ماني عارفة اي ابرة مناسبة له لاني بشتري ولقيت اكثر من حجم
ممكن تساعدوني يزاكم الله خير

 

[الهاجريه]

هلا والله حبيبتي
اعتقد ان ما تكون صغيره حيل علشان تمسك بالخيط
ان شاء الله انشوف ابداعاتج عن قريب

 

[أم هـجـرس]

مساء الخير حبوبة

انا بالنسبه لي دايم البنات الي اعلمهم الكورشيه يفضل انهم يستخدمون السنارات بأحجام كبيره بس مو الكبيره حيل بس الي تقدرين تمسكين فيها الخيط لان بالبداية لو تخترب الغرزه ماراح تعرفين شلون تطلعين الخيط من السناره وتعدلين الغرزه راح تكون صعبه بالسناره الصغيره فعشان جذي افضل السناره الحجم الكبير المتوسط

 

[حلاها بلاها]

اعتقد حجم 1.75 مناسب لصوف بو اميه

لانه مو وايد سميك

واخذي السناره الستيل او الحديد.. لا تاخذين البلاستيك او الخشب

 

[أساور]

مشكورين وبس افضى اشتري الابرة واتعلم

 

[3w!Shni]

صوف بو اميه قصدكم كشمير؟؟؟

انا احب حق التدريب خيوط برافو من بركات

معاهم ابره رقم 4 ..

موفقة قلبي

 

[princesse X]

صوف بو اميه قصدكم كشمير؟؟؟

انا احب حق التدريب خيوط برافو من بركات

معاهم ابره رقم 4 ..

موفقة قلبي

لا فض فوك

 

[miss-fofo]

ابره رقم 

 

[أساور]

الثنائي المرح تنصحيني اخذ خيوط من بركات ؟
ومشكورة على النصيحة

 

[3w!Shni]

اخذي خيوط برافو حق التدريب احسن

كشمير موشي

اما اذا بتشترين بكرات حلوة و احلى من بركات

في وحده تبيعهم جان تبين اعطيج رقمها

خيوطها عجاب واسعارهم حلوة

بركات صايرين بوق اشكره :/

 

[أساور]

اي والله جان زين تعطيني يزاج الله خير