{ استفسار وين اسجل بنتي ..~

[سيدة الذوق]

السلام عليكم ورحمة الله وبركاته ..


مرحبا بنات ..

...............بغيت استفسر عندي بنتي باولي روضه الحين وبصراحه حيل تحسفت اني دخلتها روضه حكوميه ..

هي كانت بحضانه خاصه من عمر السنتين وحيل فرق معاها يوم دشت الروضه ..!!!


الحين ناويه سنه الجايه ادخلها سنه ثانيه خاص ..وتكمل الابتدائي بعد


بس وينت تنصحوني ؟؟

 

[عشق]

والله حبوبه يقولون الروضه الكومه تغيرت وصاروا يدرسون بس ما اشوف شي

انتي شوفي شنو تبين اذا بريطانيه والا امريكيه والا ثنائيه

وشوفي يم بيتج او قريبه يمج

انا بنتي سجلتها بقروب بلاي بالرميثيه

 

[مطيريه ماركه]

وديهآ آلتكآمل روووووعة يآسدسد كل عيآلنآ فيهآ

 

[سيدة الذوق]

جزاكم الله يخر بنات ..قاعده افكر والله ..~

 

[سيدة الذوق]

اب ...~

 

[ملكة زماني]

اذا انتي بالمنطقه العاشرة

شوفي مدارس المنقف

عندهم كذا مدرسه

عندهم الرساله مالت الدكتور طارق السويدان على ما اعتقد
وفي كيمبردج بعد

المدراس يبيلها انتي اتروحين واتشوفين كلش لا تعتمدين على تجارب غيرج
وانشالله تلقين المدرسه اللي ترتاحين منها
والله يبلغج بعيالج يارب


بس سؤال
بنتج كانت باي حضانه
واشلون مستوى الحضانه وشنو مواعيدها

 

[سيدة الذوق]

ملكة زماني مشكوره ..~

انا بنتي مسكينه من عمر سنتين وانا موديتها حضانه بحكم اني كنت موظفه

اول شي راحت المروج بهديه مو ذاك الزود بتعليم بس بالنسبه لعمر سنيتن يهتمون بنظافه والاكل


جربت برتش بلاي هاوس ماعجبتني

اما اللي طولت فيها هي حضانة الريان مو طبيعيه شي شي تخيلي ممنوع الكاكاو والشبس والاشياء المضره
احترام وهدوء مو طبيعي مع ان في اطفال مزعجين ..وعلموها الاحرف الانجليزيه والعربيه والقران حفظت منه شي

بس اهم شي الهدوء ومافي لويه وازعاج تدشين جنج داشه بيت اهلج ..~

 

[توتاتوتا]

حبيبتي انا دايره على كذا حضانه في العاشره يعتمد انتي شتبين

بالنسبه للحضانات في الرساله و هي مو لطارق السويدان كان مشرف على الابداع سكروا و الرؤيه بعد سكروا تسجيل

و الابداع روضه بيكنسلون من كلام ام عبدالله حاطين رقمها في موضوع الارقام مادري شوضيفتها بالمدرسه بيخلون بس حضانه و ابتدائي

حامل المسك كان تسجيلهم الاحد

السنبله اعتقد عندهم تسجيل طول السنه

فيه بيبي قاردن - بيبي اكاديمي بالعدان و روضات احياء التراث و المنقف مليان

abc جمب الرساله شفت لوحتها ما دخلتها

انا سجلت عيالي في روضة مدارس المستقبل في الفحيحيل ثنائية اللغه

و اذا التسجيل فاتح في الريان رجعيها شي تعرفينه و مرتاحه احسن

 

[Čut!e Quèéи]

حبيت ارفعه لج حبيبتي

 

[حلم الطفولة]

السلام عليكم ,, سدسد وايد مدارس وخيارات جيده موجوده لكن مشكلة الحين إما خلصو تسجيل أو ماياخذون من حكومه لازم متأسسين في خاص لأن ثانيه روضه خلاص يبدون يقرون..
شوفي الرساله : مديرتها ومؤسستها الاستاذه : سمية عبدالعزيز المطوع نفسها هي شخصيا مؤسسة مدرسةالبيان سكول , ومؤسسة مدرسة الرؤيا مع اختها نسيبه عبدالعزيز يعني روعه وناجحه وعندها خبرات سابقه كبيره ..
شوفي بعد : التكامل // الرؤيه // كمبرج // المستقبل ...
وان شالله موفقه للاختيار السليم

 

[حلم الطفولة]

السلام عليكم ,, سدسد وايد مدارس وخيارات جيده موجوده لكن مشكلة الحين إما خلصو تسجيل أو ماياخذون من حكومه لازم متأسسين في خاص لأن ثانيه روضه خلاص يبدون يقرون..
شوفي الرساله : مديرتها ومؤسستها الاستاذه : سمية عبدالعزيز المطوع نفسها هي شخصيا مؤسسة مدرسةالبيان سكول , ومؤسسة مدرسة الرؤيا مع اختها نسيبه عبدالعزيز يعني روعه وناجحه وعندها خبرات سابقه كبيره ..
شوفي بعد : التكامل // الرؤيه // كمبرج // المستقبل ...
وان شالله موفقه للاختيار السليم

 

[سيدة الذوق]

يعني ماينفع ؟؟

اخليها تعيد اولي روضه ولاشلون ..~

 

[فطومه الحلوة]

بالنسبه لي المرسه الانجليزيه الحديثه مافي لها منازع بس التسجيل عندهم صعب