استفسار:ياللي عايشين( بدون خدم )حياكم

[Miss-LuLu]

موضوع وايد حلو

 

[eman12]

انا من الناس اللي كان عندهم خدامه
ومن بلاويهم ومصايبهم اعلنت لا للخدم
عندى طفل 3 شهور والثانيه 7 سنين
اول الايام تعبت بعدها لما بلشت ارتب غرفه غرفه وانظمها واسوى جرد حسيت ان الشغل صار اسهل وانظم
بما انى حاليا باجازة امومه
اقوم الساعه مع صلاة الفجر اصلي وادعى ربي يقوينى على الشغل واجهز الريوق لبنتى وزوجى والبس بنتى للمدرسه واقعد الثانيه ارضعها والعب معاها بعدها ابلش طباخ قبل لاتقعد مره ثانيه وانظف البيت واغسل مرتين بالاسبوع وطبعا ملابس بنتى المدرسه يومى غسيل انظف مرتين بالاسبوع والويك اند نطلع مانرجع الا حزة النوم يعنى اجازة من الشغل بس اغسل غساله علشان استفيد من يوم السبت بالليل لما بنتى تنام حق المدرسه اكوى
اروح اسوي مساج تخسيس وهذه لما زوجي يرجع البيت من الدوام وياكلون واتطمن ان خلاص مافي شء احد قاصره وانومه الصغيره واطلع واروح اوجب الناس وزوجي يساعدني بانه يمسك الصغيره ويجابل الكبيره وبنتي الكبيره بعد تساعدني تشيل وتباري اختها
وكل شئ بسويه اليوم الثاني اكتبه علي ورقه يعني جدول باجر احطه اليوم بالليل
وبعد ماانوم عيالي اخذ شور واسترخي بالصاله واجابل النت اللي كل مالقيت فرصه فاضيه وماعندي شغل قعدت شوي وبهالوقت جريب رجعه زوجى يلاقينى مسترخيه والبيت مرتب
اهو تنظيم وقت بس لااكثر ولا اقل ولي داومت الطباخ من الليل ونفس برنامجى بس اسويه المغرب والصغيره بالحضانه
مااقول لكم موتعبانه بس مرتاحه اكثر من لما يكون عندي خدامه
ورب العالين يسهل وييسر الامور

 

[لجين]

خوش موضوع ..

>>> نشكي هموم ..هههههههههه

تزوجت شهر 5 /2009 والحين انا حامل بشري

السابع والى الان ماكو خدامه ولا شامة ريحتها ..

باول الاشهر كنت ارد من الوام اطبخ غداي ولا انام

اغسل الصجون وبعدين ملابس واوتي .. وطبعا غير التنظيف

والمسح .. شنسوي امرنا لله ,,

بس الحين اخذت مجلس طبي لان التليف اللي معاي

خففت شويه ..

ادعولي ان الله يهدي زوجي ويطلب خدامه

 

[أم يزيد &سديم&]

انا أدرس بالجامعة انتساب يعني ما أروح إلا الأيام الأخيرة لكي أجمع المناهج وبعدها الإختبارات
ولدي الكبير دخلته روضة والبنت عندي في البيت يعني لازم انام مبكرة وأصحى مبكرة أول
أقوم على الفير أقوم الولد وأروح أصلي بعدين أقعد أراجع له دروسه ثم أنتظر يجي الباص يأخذه بعدين أحط راسي على المخدة وأنام إلى الساعة 10 على جيت الولد 11 ونص
ألبسه ملابس البيت وأنومه وأنا أروح أغسل الملابس وأكويها مباشرة أهم شيء بعد الغسيل الكوي تكوينها وهي مبللة عشان تطلع لج جأنها جديدة بعدين أيلس أجابل النت إلى الساعة 2 الظهر وأسكره وأتجهز حق ريلي لأن وقت ردته من الدوام الساعة 3 ونص فأكون مزهبة عمري أنا وعيالي ويجي زوجي يرتاح شوي بعدين يروح للنادي وأنا أروح اجهز الغداء هو غدا وعشاء بوقت واحد بعد المغرب يرد من البيت ويجون العشاء جاهز
قلت قصة حياتي بس والله أحس براحة بدون خدامة والله لا يحوجني لها بصراحة بترتاحين جسديا أما نفسيا لا والله
بس بتييك أم الهواجيس شنو سوت باليهال شنو حطت بالأكل ووووووقلق بمعنى الكلمة
وكما قال النبي صلى الله عليه وسلم ( بورك لأمتي في بكورها )

 

[ام زاكي]

يحليلكم كلكم توكم بأول الطريج شقول انا

انا عندي خمسه الله يحفضهم ولا حامل ولاعندي خدامه بس مو موضفه

اقعد من الصبح وريق العيال ويروحون مدارسهم واقعد على النت ساعه او ساعه ونص

وبعدين ارد انام وارجع اقعد اسوي الغدا ويبتدي اليوم الشاق افتر على البيت من بعد صلاه الضهر لين

الساعه 12 وينهد الحيل والجسم وبعدها احط راسي على المخده وتوني بغفي شويه الا يجي بو العيال

بيتفرغ علي بعد السهره واجامله مجامله وانا مو مشتهيه بس شسوي غصبن عني بعد مافي مفر

وكل يوم على هالحاله احيانا احس اني بنفجر

 

[سروري]

يزاكم الله الجنه على الردود
و يلا همتكم يا بنات عطونا برامجكم بدون خدم
حلو الشعور لما الوحده تحس ان فيه ناس وايد نفس وضعها ويشاركها همومها:q8:

 

[zntoosha]

الله يسلمج انا بنوتي عمرها سنه وتقريبا شهريين
وماا عندي خداامه ولا افكر ايييب اصلا
لان جذي مرتااحه انا وريلي صج ان تعب بس ارحم من الخدم وعواار الرااس
ووو الحمدلله ريلي يسااعدني شوي بشغل البييت اليومي
و كل اسبوعيين تقريبا اييب خدامة بيت ابووي تغسل وتنظف
والغدا يوم بيت ابوي يووم بيت ابووه وساعات نييب من برره
وبنتي اخليها بيت ابوي الصبح عشاان ارووح دواامي
وان كبرت شوي بدششها حضانه
وووبس سلااامتج
بس من كنت باجازة اموومه كنت انا اطبخ ووابدع

 

[وصايف الزين 2]

وانا بعد ماعندي خدامه بس ناويه اجيب عيشتي بدونها ولاشي وعندي ولد الله يصلحه شيطان وانا الحين حامل وسبق اني حملت وسقطت من كثر الشغل لاني ادور الشغل دواره علشان كذا طاااااح من قبل وانا ابي خدامه لان ماعندي احد يمسك ولدي اهلي فديتهم بالسعوديه اذا رحت لهم ارتاح اما بالكويت اذا طلعت ولا تمشيت اكره الطلعه وارجع من ولدي علشان هيك لازم خدااااااااااااااااااااااااااااااااااااااااااااااااااااااااااااااااااااااااااااااااااااااااااااااااامه مراح اصبر صراحه

 

[اموله111]

انا متعندي خدامه وما افكر اجيبه ابدا
عندي اطفال ومنظمه وقتي
وكل شي احب اخلصه بسرعه وخاصه المطبخ لان هو اللي فيه الشغل
قبل لايجي زوجي من العمل البيت نظيف ومرتب
والاكل جاهز واكل المطاعم مانعرفه
بعد الغد انوم عيالي لانهم يصحون بدري على تسع
انا مو موظفه

 

[ًwo0ow]

بعد بنات نبي تجارب
نبي نستفيد
لان الخدم صج شر يخوفون اعوذ بالله منهم ومن بلاويهم
لا يوقف

 

[بنت الديرة2009]

أبي أسعل سعال

اقصد اسأل سؤال

(((ملق لق))

الحين اللي ماعندها خدامه

ولاهية بشغل البيت والعيال والزوج والمطبخ والغسيل وتدريس العيال و... و... و....الخ

من وين لها وقت تفتح الانترنت وتدش المتندى

وتقرا مواضيعنا

خخخخخخخخخخخخخخخخخخخخخخخخخ

 

[@الياسمين@]

موضوعج حلو
وانا من الناس اللي لا للخدم ... لان بلاويهم اكثر من نفعهم
اذا كانت الوحده منظمهه شغلها ما تحس بحوسه
انا ربة منزل وعندي بنت وحده .. بس منظمه كل شغلي
المطبخ تنظيف بشكل يومي عقب الطباخ عشان لا يتكود الشغل
الغسيل .. بما ان الغساله توماتيك فكل ما شفت شوية هدوم شغلتها وعقبها على طول الكوي ...اكره شي عندي الكوي
وقبل ما يرد ريلي يكون كل شي زاهب
واحرص قبل الويك اند مايكون عندي شي لان نطلع واهم شي يكون البيت نظيف

 

[سروري]

واااااااااااااااااااااااااو
حدكم ونستوني يلا حبايبي:eh_s(21): نبي برامج وجداول اعمال يوميه واسبوعيه
شدو الهمه:weight_lift:

 

[om al ghaleen]

..,, لما كنت في بدايه زواجي ولي البيبي الثاني عادي الخدامه ماكانت ضرويه
لاني مو موظفه بس الحين لا والله مااستغنى عنها وايد وايد شغل
الانسان الزم ماعليه راحته جم مره بعيش لول
بس قعدت الشهر اللي طاف من غيرها امبيه تعب نفسي و جسدي
وغير هذا هملت ريلي واعليا
مايسووووووى كلش والحمدالله دامني اعامل الخدامه معامله زينه
مااحاتي سوري داشه عرض ..,,

\\

 

[مس لوتس]

انا شقتي كبيره وغير جذيه دوام مدرسه وتعرفين كراف الابله بالمدرسه..

وماعندي خدامه..
بس منظمه وقتي بين الترتيب والتحاضير والوسائل واذا صج كنت حيل تعبانه وماقدر انادي خدامه اهلي تساعدني ,,

 

[bint_looda]

انا من الي يرفعون شعار لاااااااااااا للخدم ... لان بالنسبه لي الراحه النفسيه اهم من الجسديه بوايد

 

[سروري]

معاج ياقلبي

 

[@ام ضاري@]

الله يعينكم والله ماقدر استغني عن الخدامه صعبه حيل على خصوصن عيالي يبيلهم مراقبه

 

[الجوريه الحمراء]

وناسه نص المنتدى ما عندهم خدامات وانا بعد مثلكم

بقولج جدولي اليومي احم احم

شغلي اخلصه من بالليل يعني انظف وارتب وامسح والصبح اقوم من اذان الفجر ازهب الريوق لعيالي الأربعه الله يحفظهم لي قولو آآآآآآمين

ولما يروحون المدرسه علطول اقري سورة البقره واسمع اذاعة القرآن في ابوظبي وبعدين الضحى اصلي صلاة الضحى ومرات اذا عندي غسيل هدوم او كوي علطول ما اخلى شي لليوم الثاني عشان ما يتراكم علي الشغل وعيالي الحمد لله يساعدوني وريلي بعد

والحين رافعه شعار لالالالا للخدامه والحمد لله البيت انظف واحلى من لما كانت الخدامه عندي وهذا بشهادة جاراتي العزيزات والحين صار لي سنه بدونها الله لا يحوجني لها

وخلاص

 

[رواسي الشوق]

والله ماتوقع اقدر استغني عن خدامتي لو شنوو

الله يهنيكم على صيركم