استفسار:ياللي عايشين( بدون خدم )حياكم

[عشق رسامه]

انا متزوجه وحامل وبغربه وادرس من 8 لصبح الى 5 العصر
وماكو لاخدامه ولايحزنون
مالي جدول محدد لاني الى الان متلخبطه
وبعد انا لو اجيب درزن عيال ماكو خدامه عارفه طبع زوجي يموت ع الريال
الله يعيني ويصبرني
يله والله اني احتسب الاجر من ربي
انتي احتسبي الاجر تدرين لمن تطبخين تدخلين من ضمن حديث في كل كبد رطبه صدقه
وربي ياجرج على وقفة المطبخ
انا اموت من التعب لاني ادرس
وربي اني ادخل المطبخ بملابس المعهد
واوقف ع الغساله وانا ماسكه الكتاب
واتنسى وحايمه جبدي من ريحة الصابون واغسل وظهري ينكسر من الكوي بس شنسوي هذا قدرنا
الله يعين

احسن لكم

 

[*g!vnchy]

الله يعينـــــــــــــــــــــــكم
اناماحب الخدم رغم ان وجودهم ضروري
خاصه مع الا طفال
بس الله يعينا

 

[carz--koool]

انامتزوجه لي سنه بس لحدالان موب قادره انظم وقتي اوبلعربي الفصيح مومتعوده اشتغل بلبيت متعوده على الخدم عنده اهلي وودي اجيب خدام بس شنوعذربس اناوريلي فشله موب قادره اقوم بيت بس الصج ينقال زوجي دئما يعزم ربعه واناماقصراسويله سفره تشرف بس بعدمالي خلق لشغل000

 

[حروف من ذهب*]

لما ارد من الدوام طبعا طابخه دجاجتي ومرقي من امس بس احرر الدجاجه واجبس العيش واحرر المرق والسلاطات بعد من امس
ازهب الغدي ويتغدون طبعا اهني تبتدأ المأساه الصحون والاجدور واخلي عيالي يكتبون الواجبات وانا اغسل المواعين شوي للعيال وشوي للمطبخ لما اخلص من المطبخ وبعدين اقعد مع عيالي قعده جاااااده
ولما اخلص من دراسه عيالي انظف الشقه تنظيف vip وعقبها اسوي للعيال سندويشات بالجبن والخيار وينامون الساعه 8
اطبخ دجاجتي ومرقي للغدا باجر واخليهم بالثلاجه ابخر الشقه
اتسبخ واتكشخ وانسدح اطالع التلفزيون مع ككاوي انطر ابو الشباب
الصراحه حلو الوحده تقعد بدون خدامه بس احس صعبه للموظفات لاني تعبت وتعبت نفسيتي

 

[شندوخه]

الله بنات جان زين الريايل اهما اللي يخدمونا من ادش المرا البيت ولا الريل منوم اليهال وطابخ الغدا وغاسل الهدوم وكاويهم
وناسه جان زين يتحقق هالحلم لول

 

[مسك81]

انا بعد ويااااااكم لاااااا للخدم
الحمدلله ماعندي خدامه من جم سنه ومرتاحه الصبح اليهال الله يحفظهم يروحون مدارسهم وانا اشوف شغل البيت والظهر اريح اشوي على ماييون واحط لهم الغدا وبعدها اجابل المطبخ وارد ادرسهم واشوف شنو عندهم وبعدي اسوي لهم عشا خفيف وينامون حبايبي وانا اقعد اكوي ملابس ومرتين بالاسبوع حق الغسيل
ويوم الخميس والجمعه راحه
والحمدلله الله لايحوجنا لهم

 

[قلبي ابيض]

انا عندي خدامة وطباخة

وحاطة لي جدول لسبوح عيالي وأكلهم ودراستهم وطلعاتنا

وعلى فكرة الخدم تتطلع لهم سلبيات لما تدلعينهم زيادة او تضغطينهم زيادة

 

[مروقه على الكوفي]

الله يعينيكم ويسهل اموركم يارب
اناامي تقولي لوتزوجتي مااجيبلك شغاله وموكل الرجال يرضون بالشغالات عندك طفل عادي اتحملي وتعلمي المسؤوليه اناكنت في شبابي اشتغل وعندي اطفال مااروح مكان وقت الاجازات احط الاطفال في الشغل عنداختي اوامي خخ
ومرره شفت زميلتي مسكينه عندها3اطفال كلهم اعمارهم قرريبه من بعض واحدسنه والثاني سنتين والثالث3 تحطهم في الحضانه وتروح شغلهاوزوجهادكتوور وعنده فلوس بس مايحب الشغالات وامهاكبيرماتتحمل
فشفت موضوعكم قلت اقراءواستفيد متعقده من الموضوع خخ

 

[ايمانو حلوة]

انا متزوجة وحامل

وماحب الخدم كللللللللللللللللش ومستحيل اتحمل خادمة معاي بالبيت ويييييييييع تقابلني 24 ساعة ماتحمل

وغير جذي احنا ماربينا عالخدم امي علمتنا الاعتماد على النفس ومانعتمد على خادمة واذا اذا اذا فكرت ابخادمة ابي وحدة تخلص شغلها وتمشي يعني نص نهار بس تصير معاي بالبيت no waaaaaaaaaaaaaaaaaaay