استقالة الحكومه ورايكم ياشباب

[جنتي^و^ناري]

السلام عليكم شابات المستقبل الزاهر

اقولون بالخبار الحكومة استقالت وطبعا المقصود الوزراء

اشرايكم ؟ وطبعا مابي اقول شنو ودكم يصير لأنه ماراح يصير ومحد سامعنا !

المهم مادري يقولون انهم بركزون عالصحه لأنها السبب الأكبر

شاركوني بارائكم وجزاكم الله خير

 

[bnt q8 in usa]

والله حياتي ماصارت مافي وزارده تقعد لها 4 سنين الا وتستقيل ماصارت

 

[أم جوري]

اي اربع سنين ؟
اذا قعدت سنة ونص زين

وهذا يدل على ضعف الحكومة ...
للاسف الكويت حكوميا ضعيفة وبس وزارة الصحة يبيلها تغيير بل كل الوزارات ...
الله يحفظ الكويت وأهلها من كل مكروه ...

 

[brownness]

صج يعني استقالت ؟ والله انا من زمان ماقريت جرايد فمادري شنو اخر الاخبار الله يعينة بس

 

[supermarket]

طالما كانت الاختيارات على طريقة اذنك خشمك

لا بالله كدينا خير

 

[انا كويتية]

ولاعاد وزارة التربية المعفنة

 

[Chocolate Milk]

وااااي وزارة التربيه

استغفرالله حدي مندقه منهم

والله يستوووووووووور يا ساتر

 

[atooma]

الله يعين الحكومه والله ماصارت استقاله

وبصراحه ترى بعض النواب بس هدفهم تعطيل الاصلاحات اللي الحكومه تسويها ولمنافع شخصيه والغلط ماينحط عالحكومه بس حتى مجلس الأمه له يد بموضوع الاستقاله

واكبر دليل استجواب وزير الصحه احد محاوره كان عن العلاج بالخارج ثلاث ارباع المعاملات خاصه بالنواب بمعنى اصح هم راس البلاء

واسفه عالاطاله

 

[FOZQ8]

استقالت انتحرت انسدحت انبطحت نفس الشي
شدعوه اللي بعدهم احسن والا اللي قبلهم
عادي ماتفرق ترى

 

[ضعيفه وعصله]

انا اقول ما لقولهم سالفه

مو قادرين يسوون شي

قالو ننحاش احسن و انسوي مشكله عشان نستقيل

الله يعوضنا يا كويت راح جابر و بنضيع من بعده

 

[ضعيفه وعصله]

مشكورة حبيبتي

 

[الغاليه نونو]

الشرهه موعليهم الشرهه علينا احنا يوم رشحناهم موقادرين يسوون شى حق هالناس الفقاره كل شى بالوااسطات والي ماعنده واسطه ياكل فشغي خل يروحون الله يسمح دروبهم

 

[جنتي^و^ناري]

أول بالمدرسه الشيطانه والكسلانه عشان تخف شطانتها ويفتكون منها يحطونها مراقبه عالبنات فتصير قشره

الظاهر وزراءنا جذي حطوهم وتوهقوا

 

[ii DareeN ii]

انا اشوف انها حاله صحيه ومن الديموقراطيه ان الوزير يتحاسب مو لشخصه يمكن لاداءه ويمكن اهو انسان زين بس وزاره مثل الصحه ملفها عويص بالفساد من سنين واهو شال عبئ وماقدر يسوي شي

 

[جنتي^و^ناري]

الله يصلح أمورنا

بس صخه كلش ماحس إن الشي فيه خبه والناس لأن مالها دور يمكن من جذي

 

[[]نهاوند[]]

الكويت والاردن وايطاليا اكثر دول بالعالم حكوماتهم غير مستقره ولازم تتغير مره كل سنه او كل سنه ونص

وبخصوص الوزراء اللي بيجون مثل اللي قبلهم واللي قبل اللي قبلهم

يعني مافيه شي جديد​

 

[أميرة الورد]

ماااااكو فايدة مدام مافي جديه في تطبيق القوانين عمر الديرة ماراح تتعمر ويامالكم من هالاستقالات

 

[الرجل((ALRAAGL))]

ولا زال موضوع تشكيل الحكومه مستمر