اسعارالولاده بالمستشفيات الخاصة(تم تجميع المواضيع المتشابهه)

[سارا ديور]

مشاركة: سؤال عن د محمد سعد المنيع ( المواساة)

بغيت اسأل عن هالدكتور اللي مطهره ولدها عنده تقولي شلون شغله زين وطريقته شاش ولا حلق قولولي قبل موعد ولدي يوم الخميس وجزاكم الله خير

ههههههههههههههههه يحليله حدا رايح فيها ماجنه دكتور

بس ماشالله شغله ممتاااااز

إختي طهرت ولدها عنده طبعا بدون حلقه بس يحط شاشه ومن باجر تطيح من نفسها

ويعطيج مرهم مضاد حيوي لمدة 3 أيام وأعتقد دوا شراب

أنا طهرت ولدي بالشفا حطوله حلقه وعطوتي تحاميل مضاد حيوي ووبخاخ مسكن لالم

بس طهور الدكتور محمد أحسن بس علاج الشفا أحسن من علاجه خصوصا البخاخ

إشتريه ترا وااايد يبرد على الياهل ويخدر المنطقه ويعقم الجرح

 

[أم الطيب]

مشاركة: سؤال عن د محمد سعد المنيع ( المواساة)

ما اعرفه
بس حبيت اقولج الله يقوم ولدج بالسلامة ياقلبي

 

[سارا ديور]

مشاركة: سؤال عن د محمد سعد المنيع ( المواساة)

حبيبيت ترا أنا كان ودي اطهر ولدي عنده بس كان حزة طهور ولدي مسافر

علشان جذيه رحت للشفا وعلى فكره الناس تروح له مخصوص علشان الطهور

 

[MyLittleBerry]

مشاركة: سؤال عن د محمد سعد المنيع ( المواساة)

يوم واحد ويطيح؟؟ انزين وشنو اسم البخاخ اللي استخدمتيه؟

 

[سارا ديور]

مشاركة: سؤال عن د محمد سعد المنيع ( المواساة)

يوم واحد ويطيح؟؟ انزين وشنو اسم البخاخ اللي استخدمتيه؟

مادري والله شسمه بس معروف عند كل الصيدليات قولي لهم أبي السبريه مال الطهور

وساعات يعطونج بودر هذا بعد ينشف ويعقم الجرح

 

[ام أحمدووه]

مشاركة: سؤال عن د محمد سعد المنيع ( المواساة)

هلا حبيبتي...
شوفي بنصحج بشي....انا ولدي الحين عمره 6شهور
لالالالالالا تروحين حق دكتور ثاني غير دكتور محمد المنيع
لان ممتاااااااااااز
حتى دكتور ولدي مال الاطفال لما شافه اول مره عقب ماطهرته سألني منو مطهره؟؟؟ قال طهوره ممتاز جدا
توكلي على الله وروحيله

 

[MaYoOoma]

مشاركة: سؤال عن د محمد سعد المنيع ( المواساة)

انا طهرت ولدي عنده بعد عجيييييييييييييييييييييييييب صج لا تروحين عند غيره

 

[MyLittleBerry]

مشاركة: سؤال عن د محمد سعد المنيع ( المواساة)

اشكركم على الردود طمنتوني وريحتوني

 

[golden tears]

مشاركة: سؤال عن الدكتوره شاديه ( مستشفى المواساة)

بالنسبه لي شاديه كانت صبوره معي حيل لاني طولت في ولادتي (بكريه) وخواتي كانو يقولولها سويلها عمليه وهي مو راضيه تقول اصبروا عليها لو طبيب ثاني جان علي طول عمليه علشان زياده الفلوس

 

[* LOVE STORY *]

مشاركة: سؤال عن الدكتوره شاديه ( مستشفى المواساة)

راجعت عندها بأول شهرين بس سبحان الله مارتحت لها

بس ساكته وتسألج سؤالين ولاتبي تسمع منج شي

مع اني بجر ومحتاجه أستفسر منها عن شغلات بس ماتعطيني مجال

خليتها وراجعت عند وحده ثانيه

 

[توتو الحلوة]

مشاركة: سؤال عن الدكتوره شاديه ( مستشفى المواساة)

الشهادة لله ان الدكتورة شاديه ممتازه

وانا مجرربتها شخصيه صبورة لاخر الحدود

بس عيبها انها ماتكلم وايد يعني كلامها محدود ماتاخذ وتعطي بالحجي

بس بالولاده روعه وكفايه هدوئه ماتخليج متوتره ولا تخرعج مثل باجي الدكاتره

انا شخصيه ارتحت لها

ولا تجبرج على السونار والتحاليل تقدرون تسوينهم باي مكان يريحكم

 

[Om Khaloody]

مشاركة: سؤال عن الدكتوره شاديه ( مستشفى المواساة)

الدكتور هشاديا ممتازه ... صج أنها هاديه وبارده وماتعطييج نصاييح واايد بس ولااادتها أتهبل أنا ولدت قبل موعدي بجم أسبوع

قالت أنه الياهل اكبير بس طلع لا اكبير ولا شيء ... بس كولاده وخياطه زيينه

 

[وردة النرجس]

مشاركة: سؤال عن الدكتوره شاديه ( مستشفى المواساة)

حبيبتي الله سهل عليج

أنا جربت ولادتي بالمواساة وصج إرتحت وايد لهم وأحسن من الهادي بنظري

وبالنسبة لشادية يوم كنت بروح أولد عندها كانت بتسافر وولدتني الدكتورة الهندية نسيت إسمها بس شاطرة وحليوه يعني السهالة من الله تيي ولا تحاتين إذا هذة ولادتج الثانيه راح تكون أسهل من الأولى بوايد وشوفي الي ترتاحين لها

 

[xxx]

مشاركة: اسعار مستشفي السلام الجديده

هذي الاسعار شفتها بالجريده من صجهم ليش جذي غاليه

وصور الغرف عاديه مو ذاك الزووووووود


جناح السلام Al Salam Suite
* خدمة مقدم الطعام لمدة 8 ساعات في اليوم
* مرافق 3 وجبات مجانا يوميا
*** 310 لليوم الواحد
------------------------------------------------------------

جناح ملكي Royal Suite
* مرافق مع 3 وجبات مجانا يوميا
*** 180 ليوم الواحد
-----------------------------------------------------------

جناح في آي بي Vip Suite
* مرافق مع 3 وجبات يوميا
*** 130 لليوم الواحد
-----------------------------------------------------------

غرفة خاصة Private Room
*** 79 لليوم الواحد
----------------------------------------------------------

غرفة مشتركة 2 سرير Shared 2 beds
*** 40 للسرير الواحد
----------------------------------------------------------

غرفة مشتركة 4 سرير Shared 4 beds
*** 30 للسرير الواحد
----------------------------------------------------------

الأسعار تشمل الرعاية الطبية والتمريضية والفندقية

 

[لازوردي]

مشاركة: اسعار مستشفي السلام الجديده

ايه صح كلامج يا بنت الكويت انا بعد مريتهم وعطوني البرشور مالهم كل ولاده مع جميع انواع الغرف و اسعارهم بس هذا موضوع اسعاره قديمه مال Dancing^Queen اول ما افتحوا المستشفى اليديد بس الحين غيروا اسعارهم و وصارت مثل ما قلتي وانا عندي البرشور مال اسعارهم اليديده اللي يكون الولاده مع الغرفه مع التأمين مع الأدويه والفحوصات بس القاه راح احط لكم الأسعار ....

 

[زيـنـه]

مشاركة: اسعار مستشفي السلام الجديده

جنه غويلي شوي .. بس شلون العنايه ؟ و الدكاتره ؟

 

[Dancing^Queen]

مشاركة: اسعار مستشفي السلام الجديده

اي صح لازوردي
السعر مايشمل عمليه الولاده نفسها هذا سعر الاقامه ومايشمل الادويه
ياريت تحطين لنا السعر شامل مفصل او نطروين بعد اسبوعين لي راجعت انشاء الله

 

[لازوردي]

مشاركة: اسعار مستشفي السلام الجديده

صباح الخير ........شلونكم يا بنات انشالله بخير

Dancing^Queen هذي اسعار الولاده كامله في مستشفى السلام الدولي ... تفضلوا





الولاده الطبيعية طبعا السعر يشمل الدكتور او الدكتوره اللي عندهم مو اللي بره مع الإقامة لمدة يومين

الغرفه العاديه 350

الغرفه الخاصه 425

السويت ال في اي بي 525

الرويال سويت 625

السلام سويت 850

الحين انيي للولاده اللي فيها مساعده مادري بعد اشتطلع بعد هذي بس يالله هذي اسعارها تفضلوا .................


الغرفة العاديه 400

الغرفة الخاصة 425

السويت ال في اي بي 575

الرويال سويت 675

السلام سويت 900


و الحين انيي للولاده القيصريه تفضلوا هذي اسعارها .............


الغرفة العاديه 625

الغرفة الخاصة 750

ال في اي بي سويت 950

الرويال سويت 1150

السلام سويت 1600




وطبعا احلا شي عندهم السلام سويت حتي الرويال حلو وال في اي بي بعد حلو




وترا لازم تضيفون على السعر 100 دينار تأمين على الأدويه لج وللبيبي يعني يعني حطوا ميزانيه غير السعر اللي موجود 250 دينار زياده حق اي شي يصير يعني من فحوصات وادويه واي شي ثاني


وترا هالأسعار اسعار العرض مال الولاده ...............



وبس ولأي استفسار انا حاضره يالغاليين

 

[زيـنـه]

مشاركة: اسعار مستشفي السلام الجديده

مشكوره لازوردي ..

للولاده اللي فيها مساعده مادري بعد اشتطلع بعد هذي

هذه حبوبه اذا اضطروا يستخدمون الشفط او ادوات ثانيه عشان يطلعون الياهل و يسمونها ولاده متعسره او ولاده بمساعده .

اسعارهم طلعت معقوله مقارنه بالهادي و دار الشفا .. نفس اللاسعار تقريبا ..

و الله يعينكم و يهون عليكم

 

[Dancing^Queen]

مشاركة: اسعار مستشفي السلام الجديده

ياريت تطلع علي الولاده قلاث ايام بالف ماعندي مانع وانا طبعيي زايد زين مع غرفهم الخايسه