اسعارالولاده بالمستشفيات الخاصة(تم تجميع المواضيع المتشابهه)

[أم فرووحة]

رد: الي ولدو في دار الشفا و المواساة و السلام......

اللي اعرفه ان الدكتوره ناهده ماتحب السلام..

قتلها اي مستشفى ترتاحين له قالتلي الشفا

تبين الصج كنت امفكره بالسلام بس الحين شكلي بهون..

لأن صارتلي مواقف معاهم و ما اعجبتني نفسيتهم بالمره لا سسترات ولا موظفين..

الحين الخيارات عندي بين اثنين يا اما رويال حياة اذا تسنعوا على اسعارهم الصلخ و نزلوها..

او دار الشفا..

يعني تخيلي الامبراطوري اللي بدار الشفا نفس سعر الغرفة اللي فوق العادية بالنسبة لهم..


بشوف اشبيسون على اسعارهم هاليومين و بعدها بتخذ القرار ان شاء الله

 

[ذكريات]

رد: الي ولدو في دار الشفا و المواساة و السلام......

الدكتورة ناهدة تحب الشفا ؟

قالولي المواساة !!!

 

[ســــــــــما]

أي وحده ولدت في مستشفى المواساة او عندها أي معلومة عنه عفيا ترد وتكسب فيني اجر

السلام :eh_s(6):


شلونكم حوامل

شالاخبااار :eh_s(8):

بغيت استفسر عن مستشفى المواساة من كل ناحية

يعني اسعار الغرف ، الدكاتره ، السسترات ، الرعاية

ويعطيكم الف الف عافيه

 

[ســــــــــما]

رد: أي وحده ولدت في مستشفى المواساة او عندها أي معلومة عنه عفيا ترد وتكسب فيني اجر

للرفع

 

[زيـنـه]

رد: أي وحده ولدت في مستشفى المواساة او عندها أي معلومة عنه عفيا ترد وتكسب فيني اجر

مري المستشفى و يعطونج ورقه فيها الاسعار بالتفصيل

 

[ســــــــــما]

رد: أي وحده ولدت في مستشفى المواساة او عندها أي معلومة عنه عفيا ترد وتكسب فيني اجر

هذا الي بيصيييير بس ما ادري اذا بقدر امر اليوم والا ولا وابي اعرف معلومات غير الاسعار

يعني سمعته والسسترات والرعايه الذي منه

مشكورة حبيبتي على الافاده
:eh_s(7):

 

[أم ملاك]

رد: أي وحده ولدت في مستشفى المواساة او عندها أي معلومة عنه عفيا ترد وتكسب فيني اجر

هلا اختي بنفس هالقسم سوي بحث وكتبي المواساه راح يفتحلج اكثر من موضوع عن المستشفى يفيدونج ان شاء الله ...

وكان في موضوع للاخت بيترفلاي كاتبه بالتفصيل عن الاسعار والغرف بس للاسف الصور بالموضوع ماتطلع ..

عموما انا عن تجربتي ولدت في بجري بالمواساه والثاني بدار الشفا وبالنسبه لي اشوف المواساه احسن بكل النواحي والمقاييس مع ان دار الشفا ماشفت ذاك الشي منهم بس المواساه وايد احسن وتحسفت اني غيرت المستشفى بالثاني ...

انتي اخذي جوله على المستشفيات وشوفي الغرف والاسعار واي مستشفى ينشرح صدرج له ... ترى النفسيه وايد اتاثر ..

بس دكاترتهم ما اعرفهم لان دكتوري من بره ...

واي سؤال انا حاضره ... :eh_s(6):

 

[jihan cool]

رد: أي وحده ولدت في مستشفى المواساة او عندها أي معلومة عنه عفيا ترد وتكسب فيني اجر

هلا حبيبتى
انا ولدت بنتى بالمستشفى المواساه بصراحة انا من اول احب هذا المستشفى و حبيت اولد في و من ناحيه الاسعار انا عشان ولدت قيصريه كلفنى شامل مع الادويه و صورت بنتى اهناك بالمستشفي كله صار 996 و مرت عمى اولدت بعد اهناك بس كان طبيعى و كلفها 700 تقريبا و من ناحيه الرعايه بصراحة ممتازين و على طول مبتسمين و انشالله اكون فتج

 

[التوت البري]

رد: أي وحده ولدت في مستشفى المواساة او عندها أي معلومة عنه عفيا ترد وتكسب فيني اجر

حبيبتي أنا مجربتهم على بنتي رعايه فوق الممتازة بس هذا الكلام من قبل 4 سنوات و ألحين ماأدري تبين الصراحة انا محتارة بعد بس على الأسعار الغرفة العادية و إنشالله إذا ولادة طبيعية تكلف 450 دينار و طبعا هذي الأسعار معرضة للرفع في أي لحظة خصوصا أن قاعد يسوون مبنى جديد

 

[uas]

رد: الي ولدو في دار الشفا و المواساة و السلام......

upppp
إلي ولدت بالمواساة شني غرفتها ؟ وكم السعر؟:eh_s(9):

 

[غيوووض*]

رد: الي ولدو في دار الشفا و المواساة و السلام......

انا ولدت فى دار الشفا قيصريه اخذو مني 900دينار ويومين فقط وغرفه احسن من العاديه بشوى غالى المستشفى

 

[ســــــــــما]

رد: أي وحده ولدت في مستشفى المواساة او عندها أي معلومة عنه عفيا ترد وتكسب فيني اجر

ام ملاك

مشكووورة حبيبتي على الافادة وانا سويت بحث ولقيت معلوماتت عن المستشفى والحمدلله الكل يمدح وبالنسبة للراحه النفسية انا وايد مرتاحتله اكثر من اي مستشفى ثاني
والله يسهل يا رب

jihan cool
مشكووووووورة حبيبتي على الرد وبصراحه ريحتيني من ناحية نفسيتهم كسسترات وانشاء الله يتمون جذي على طول

التوت البري
تسلمين حبيبتي على الرد وطمنتيني على الرعايه لانها وايد تهمني اهم شي الرعايه

تسلموووون كويتيات ما قصرتوا على الردود وانشاء الله الله يتمم علي وعلى كل حامل يا رب

 

[ســــــــــما]

رد: أي وحده ولدت في مستشفى المواساة او عندها أي معلومة عنه عفيا ترد وتكسب فيني اجر

ام ملاك

مشكووورة حبيبتي على الافادة وانا سويت بحث ولقيت معلوماتت عن المستشفى والحمدلله الكل يمدح وبالنسبة للراحه النفسية انا وايد مرتاحتله اكثر من اي مستشفى ثاني
والله يسهل يا رب

jihan cool
مشكووووووورة حبيبتي على الرد وبصراحه ريحتيني من ناحية نفسيتهم كسسترات وانشاء الله يتمون جذي على طول

التوت البري
تسلمين حبيبتي على الرد وطمنتيني على الرعايه لانها وايد تهمني اهم شي الرعايه

تسلموووون كويتيات ما قصرتوا على الردود وانشاء الله الله يتمم علي وعلى كل حامل يا رب

 

[MyLittleBerry]

رد: أي وحده ولدت في مستشفى المواساة او عندها أي معلومة عنه عفيا ترد وتكسب فيني اجر

انا ولدت فيها اعجبتني اكثر من الهادي بمليون مره من ناحيه غرفة الولاده كبيره وفيها غنفه واجهزه وايد وتلفزيون بعد وحمام كبير حده كشخه

انا مااخذت الغرفه العاديه اخذت الجونيور اللي فوق العاديه كانت تهبل صغيرونه بس فيها صاله وحمامها كبير جنه حمام الفنادق وخدمتهم اكثر من روعه علطول يدشون يطمنون عليج
اكلهم روعه منيو وتطلبين منه واييج حار ابحار
انا طلع علي 430 ولاده طبيعيه من دون ابرة ظهر

 

[ســــــــــما]

رد: أي وحده ولدت في مستشفى المواساة او عندها أي معلومة عنه عفيا ترد وتكسب فيني اجر

تسلمين على ردج kuwaitbutterfly

بس معنى كلامج ان مع ابرة الظهر يصير السعر غير ؟؟

 

[أم ملاك]

رد: أي وحده ولدت في مستشفى المواساة او عندها أي معلومة عنه عفيا ترد وتكسب فيني اجر

اختي عدل كلام kuwaitbutterfly
انا بعد خذيت نفس الغرفه اللي قالت عنها ... حلوووووووووه

بس انا طلع على بحدود ال 500 تقريبا بدون ابره ظهر

واذا ماني غلطانه الاخت لها موضوع عن اسعار المواساه بالتفصيل

 

[Miss_Tiger79]

حصريا عندي( رويال حياة)

بنات امس رحت المستشفى وعشان ايبلكم اخر الاخبار عنها

الصراحه المستشفى عجيييييييييييييييييييييييييييييييييييييبة

والستاف عجييييييييييييييييييب

والديكورات هم عجيييييييييييييبة

المهم اول ما دشينا استقبلونا استقبال اينن الكل يوقف وينزل راسة لج عشان يرحبون فيج وجان اتييلنا وحده اجنبيه اتهبل وقالتلي اذا بتراجعين عندنا اول شي تفتحين ملفج وناخذ تاريخج الطبي بالضبط ومنو تبين وياج بالولاده واذا دكتورج من بره او بالمستشفى وترى نفس السعر وتحاليلج وترى اهيه تاخذج حق كل شي يعني تاخذج حق التحاليل وحق الفحص وحق الطبيب (الصراحه اهتمام مو طبيعي)

اول شي خذتنا الدور الاول ورتني السبا الي عندهم اينن ومطعمين وحاطين صالة عوووووده وكلها غنفات وصاولات ومسمسنها ((الديوانيه ))وفراش حق الوالده مثل مكان الكوشه وهذا حق الاستقبال
وبعدين خذتنا الدور الثاني وورتنا غرفة ليلى وهذي العاديه عندهم والغرفه حلوة الصراحه والولاده الطبيعيه ب 600 والقيصريه ب1270
وبعد فيها غرف كاميليا واهيه اكبر من ليلى وفيها مطبخ تحظيري والحمام اكبر
والولاده الطبيعيه ب 1150 والقيصريه ب 2150
وبعدين رحنا الدور الثالث وهذا فيه غرفة ياسمين ولوتس
ياسمين :
اهيه غرفة اكبر من كاميليا وفيها مطبخ تحظيري وطبعا ويه الروب والحمام اكبر
الولاده الطبيعيه ب 1620 والقيصريه ب 2940
لوتس :
نفس كبر ياسمين بس زياده غرفة مرافق
والولاده الطبيعيه ب2600 والقيصريه ب4600
وبعدين رحنا الدور الرابع هذا الدور العجيب
وفيه جناحين جناح اوركيد والثاني اوركيد بالحديقه
اوركيد : هذا غرفة المرافق + غرفه طعام + الصاله الكبيرة + حمام الظيوف + حمامج وروبج بعد
الولاده الطبيعيه ب 3100 والقيصريه ب 5600
اوركيد بالحديقه :
نفس اوركيد بس بالحديقه والحديقه اتينن الصراحه يعني ارضيتها سيراميج او جرانيت وكراسي على الجنب والزرع والصراحه عجيبه
الولاده الطبيعيه ب 3600 والقيصريه ب 6600
واخر شي ودتني غرف الولاده
وعندهم الغرفة العاديه حلوة والله واضاءتها حلوة
وغرفة ثانيه الي اسمها ميموسا وهذي هم حلوة بعد وكبيره وهذي تولدين فيها وتقعدين 24 ساعه وبعدين تطلعين من المستشفى وطبعا هذا كلة بجناح الولاده يعني بهالغرفه محد يزورج بس زوجج وامج وطبعا عندهم بهالغرفه جكوزي يساعدج على الاسترخاء قبل الولاده وعندهم وضعيات للولاده تسهل عليج الولاده مثل الجاكوزي والزيوت العطريه والكرة وطبعا اخر شي المسكنات

وتقول احنا ترى انخلي الياهل معاج على طول بس اذا بجى او بيغير البامبرز ناخذه منج ( يعني يطبقون نظام انج تعطينه حنان )
ويحطون بايدج مثل اسوارة وفيها سنسر وبريل الياهل نفس الاسوارة عشان ما يتغير الياهل ولا يبدلونه لانه اذا حطيتي اسوارتج ويه اسوارة الياهل وما صفرت يعني هذا ولدج واذا صفرت يعني مو ولدج

وقالتلي انه اول ولاده بالستشفى راح يستقبلونها الاسبوع الياي واهيه ولاده قيصريه

وسلامتكم
بس الصراحه على ما خلصت فرارة بالمستشفى رديت البيت ظهري شب علي من العوار
بس هذا كله على شانكم

والله يهون علي وعليكم
ابي دعائكم

 

[بنت الحزن]

رد: حصريا عندي( رويال حياة)

تسلميييييييييييييين حبوبه

 

[lady_flana]

رد: حصريا عندي( رويال حياة)

انا سمعت انه حلو وراح يسكر على المستشفيات الثانية بالديكور والفخامة، بس خل احد يجرب العناية والولادة شلون؟؟؟

 

[زيـنـه]

رد: حصريا عندي( رويال حياة)

تسلمين على التقرير الوافي و الكافي .. مراسلتنا من رويال حياه .. و الله يهون عليج ان شاء الله