اسعارالولاده بالمستشفيات الخاصة(تم تجميع المواضيع المتشابهه)

[احلى كويتيه]

رد: ناوية اولد بالخاص شلون ناخذ خصم

ياحبايبي لازم تكونون مشتركين انتم او ازواجكم بالنقابه وعند الدفع يوم الخروج من المستشفى تعطونهم بطاقه النقابه قبل لا تدفعون

 

[OmZizo]

رد: ناوية اولد بالخاص شلون ناخذ خصم

ايي والله أحسن شي تكلمين المستشفيات وايد نقابات حجيها خوارة

 

[أم جوري]

رد: ناوية اولد بالخاص شلون ناخذ خصم

السلام عليكم ورحمة الله وبركاته

اول مرة اعرف
كل الوزارات يعني ؟ وشلون الطريقة
انا بالتربية وزوجي بالحرس الوطني

عيدكم مبارك

 

[ombaza]

رد: ناوية اولد بالخاص شلون ناخذ خصم

شكراااااااااااا
انا بعد سألت دار الشفا مس تايقر نفس ماقلتي

 

[بنت النوخذة]

رد: ناوية اولد بالخاص شلون ناخذ خصم

أي والله شوفوا لنا هالموضوع أنا بالمجلس الوطني للثقافة والفنون وريلي بالحرس الوطني

 

[froha]

وين تنصحوني اولد ؟؟

شلونكم كويتيات مشتاقه لكم وايد وايد بس ييت ويايبه لكم خبر حلو و يكتمل بعد شهر






































أنا حامل بآخر السابع وبعد شهر تقريبا راح اولد
وين تنصحوني اولد ودي بدار الشفا بس خواتي يقولولي بالمواساة ؟؟
و بالسونار طلع فيني بنت وزوجي بسميها سارة بس انا مو عاجبني ودي باسم لجين وادعولي الله يقومني بالسلامة

 

[جكورة]

رد: السلام عليكم

وعليكم السلام ورحمة الله وبركاته..الله يهون عليج ويقومج بالسلامه..بالنسبه للمستشفيات ماجربت أي وحده فيهم بس اللي يمدحونها الهادي ودار الشفا.. وبالنسبه لإسم سارة حلو قديم وجديد بنفس الوقت ....

 

[om el7elwen]

رد: السلام عليكم

وعليكم السلام ورحمة الله وبركاته ياقلبي انا ولدت بدار الشفا بس كتورتي ناهدة العلي وخدمتهم روعة . بالنسبة حق الاسم انا افضل لجين وانشاءالله الله يرزقج البنت الصالحة ويسهل عليج ولادتج

 

[xxx]

رد: السلام عليكم

مبروك الحمل وعسى الله يتمم عليج

بالنسبه لي أفضل الهادي لاني مجربته

ان شاءالله الي مجربين دار الشفا والمواساه يفيدونج​

 

[احلى كويتيه]

رد: السلام عليكم

وعليكم السلام ورحمه الله وبركاته
الله يهون عليج بالهون والسلامه ويرزقح البنت الحلوه وكل طفل اسمه يجي معاه
بالنسبه للمستشفى ماجربت ولاواحد وافضل الهادي

 

[جناش]

مستشفى رويال حياة

:eh_s(7): عفية بنات منو يعرف اسعار رويال حياة؟

 

[جكورة]

رد: مستشفى رويال حياة

هلا فيج إختي ....

هالرابط فيه أسعار رويال حياة..
http://www.q8yat.net/showthread.php?t=47875&highlight=%D1%E6%ED%C7%E1+%CD%ED%C7%C9

 

[ArEEj]

رد: حصريا عندي( رويال حياة)

الله لا يؤاخذنا
أستغفر الله العظيم

ان المسرفين اخوان للشياطين
وهذا مو اسراف الا ترف ومبالغه وفخفخه كذابه ​

 

[love love]

رد: حصريا عندي( رويال حياة)

هذا على كل ولد بيبه يبيله قرض بنتف الريال لوووول
بدال لا اقوله حامل يفرح بيطق اصبع

 

[بنت النوخذة]

رد: حصريا عندي( رويال حياة)

يعطيج العافية حبيبتي وفيتي وكفيتي

 

[سنا الفضه]

رد: حصريا عندي( رويال حياة)

والسعر شامل لللهوووم...وادويه الولاده ولا..؟

وانا الي عيزت وانا البح بجم ياطلابه بجم...كدينا خير

بس شلون صايره الغرفة الي 1620 تسوى والا الامبراطوري احلى منها..؟

 

[جيكره بس حلوه]

رد: حصريا عندي( رويال حياة)

شكلي بولد فيه بصراحه انا من زمان أدور على شي راقي

 

[Miss_Tiger79]

رد: حصريا عندي( رويال حياة)

لا لا لا لا اكيد ماكو لهوم وادويه نفاس
والغرفه الي قلتي عنها سنة الفضه زينة وحلوة بس مو وايد عوده

 

[sa7ab]

توهقت بمستشفى المواساه

سلام يا بنات

كنت ناويه اولد بالمواساه
مريتهم ذاك اليوم عشان اشوف الغرف والاسعار
عقب ما اخذت الجوله نزلت قعدت بالاستقبال ويعطيني بروشور الاسعار والتفاصيل
انا دكتورتي من بره المستشفى واساسا عندي تامين
فاجاني بشغله ، يقول اذا الدكتوره من بره المستشفى راح تدفعين اجره الدكتوره كاش استغربت قتله ليش قال هذا قانون يديد عندنا
المهم ياجماعه كان عندي مراجعه عند دكتورتي من يومين وقعدت اسولفلها عن هالموضوع فقالت ان اهيا اشتكت عالمستشفى 3 مرات بسبة هالموضوع
واهما المستشفى الوحيد اللي يسوون جذي وقالت اهما سووا هالشي عشان يضربون دكتوره شاديه بعد ماطلعت من عندهم
فتقوللي ليش ماتولدين بالسلام قتلها مادري محد يمدحه ويشتكون من السسترات

قالت بالعكس المستشفى ممتاااز ومجهز كل شي بالكامل والسسترات روعه
قالتلي روحي شوفي المستشفى رحت وبصراحه المستشفى ماينعاب حلو ويديد

بس ابي احد مجرب ويفيدني عن مستشفى السلام
شنو ملاحظاتكم عليه ؟؟ ابي اللي ولدوا فيه الحيين بليييز

 

[-Bello-]

رد: توهقت بمستشفى المواساه

الله يسهل عليج حبيبتي ..انا مرت حماي على شهر ثمانيه ولدت هناااااااك وبقيصريه اسمالله عليج وتشتكي منهم وتقوووول بس لاعة جبدي منهم والسسترات صج كلش مو شي معاملتهم وحتى اهي دافعه زياده حق الغرفه وقالت طز بالفلوووس بس ابي اطلع لاعة جبدي منهم لانه كلش ماكانت مرتاحه وانا معاج الغرف وايد كانت حلوه بس اهم شي الراحه والله يتمم عليج ويسهل عليج يارب