اسعارالولاده بالمستشفيات الخاصة(تم تجميع المواضيع المتشابهه)

[tofy]

مشاركة: اسعار غرف الولادة بمستشفى هادي...

كلفتني 1000 دينار ودكتورتي كان معصومة مخصيد

 

[محتارة]

مشاركة: حبيباتى الى ولدت فى دار الشفاء تدخل؟

انا من كلام اللي سمعته احس انه اوكي وزين .. بس قريت رد وحدة خوفتني في احد المواضيع .. انهم عطوها كمام قوي وبنج قوي خلاها تصحى بعد 4 ساعات !!!!!!!!! ليه مافي طبيب تخدير زين؟؟؟ ولا ايش ؟

 

[Brounzi_girlly]

مشاركة: حبيباتى الى ولدت فى دار الشفاء تدخل؟

والله مستشفى دار الشفا روعة وآنا خذيت غرفة أم 60 عجيبة دش معاي زوجي وشهد كل شي
والسسترات حبوبين والسهالة من الله إنشالله

 

[سيدة الكويت]

مشاركة: حبيباتى الى ولدت فى دار الشفاء تدخل؟

ماشاء والله والله زين

انا زوجى يقول مو زين الريال يشوف المرءه

 

[Brounzi_girlly]

مشاركة: حبيباتى الى ولدت فى دار الشفاء تدخل؟

لا عادي خو أهوة مايشوف كل شي بس عشان يحس بمعاناتج ويكون قريب منج وأنتي أكيد بتحتاجينه
بعدين آنا دكتورتي قالتله لازم دش مع زوجتك
مع تحيااااااااتي والله يهون عليج إنشالله

 

[سيدة الكويت]

مشاركة: حبيباتى الى ولدت فى دار الشفاء تدخل؟

انزين حبيبتى حسيتى بالعوار وايد ولا كنتى تحت سيطره الكمام كخخخخخخخخخخ

حلوه كلمه سيطره جزاج اللخ خير على الدعوات الطيبه

 

[Brounzi_girlly]

مشاركة: حبيباتى الى ولدت فى دار الشفاء تدخل؟

آنا تعبت لأني بجر وداخلة( مبجر) بس دكتورتي كاتبتلي دخول لأني خلصت شهري ومفتوحة بس 1 سم عقب مادشيت بساعة انفتج الرحم وصار 3 سم من الحقنة طبعا والطلق حيل بارد بعد طولت 12 ساعة بس كنت متخدرة وايد من الكمام والأبر
مع تحيااااااتي..........

 

[أوشال]

مشاركة: حبيباتى الى ولدت فى دار الشفاء تدخل؟

انا ناوية اولد بدار الشفا
بس ما ادري اي دكتوره
يمدحون معصومه احد مجربها ؟؟

 

[BlackRose]

مشاركة: حبيباتى الى ولدت فى دار الشفاء تدخل؟

والله معصومة اول كانت زينة وتهبل.....وانا على ولادتي الاخيرة ودرتنييييييييييييييييييييييييييي وعطتني الطاااااااااااااااااااااااااف وولدت بالسابع......بس الحافظ الله

زاختي ولدت بدار الشفا....وخذت الامبراطوري وكانت ولادتها حلوة والعناية اتهبل ماشالله.....وانا الحين بالثامن......وادعوا لي ان ربي يسهل لي انشالله.....وهم ناوية اولد هناك

 

[أوشال]

مشاركة: حبيباتى الى ولدت فى دار الشفاء تدخل؟

بلاك روز اذا ما ولدتي عند معصومة
عند منو بتولدين ؟

 

[BlackRose]

مشاركة: حبيباتى الى ولدت فى دار الشفاء تدخل؟

بيني وبينج انا قمت اخاف من الدكتورة اللي يصير عليها دوس وايد وزحمة......لانها عادي تكشت واتيي على الاخير.....يعني انا ولدت ولدي عند معصومة مخصيد سنة 98 وياتني من الساعة 7 الصبح وكانت تهبل وشنو من عناية ورعايةودلع بس على بنتي لاءوايد اختلفت....والحين باذن الله ناوية اولد عند د.ليلى اشكناني ارتحت لها وايد بصراحة والله لا يغيرها

 

[سيدة الكويت]

مشاركة: حبيباتى الى ولدت فى دار الشفاء تدخل؟

يقلون د لاكشمى هنديه زينه

بس اذا سار ليل ما تولد يعنى من دكاتره المستشفى

 

[MyLittleBerry]

سؤال عن مستشفى المواساة

السلام عليكم
انا حامل وبالشهر السادس وناويه اولد بالمواساة فاللي جربوها يعطوني معلومات عنها وعن اسعار الولاده فيها الطبيعي والقيصريه
وجزاكم الله خير

 

[ريماا]

مشاركة: سؤال عن مستشفى المواساة

حبيبتى ان شاللة تولدين بالسلامة وانتى معاى انا بالسادس اللة يهون علينا
انا داشة لقافة صراحة ماعندى فكرة عن هالمستشفى بس اسمع ناس تمدح وناس تذم
اذا بتسألينى عن دار الشفا بجاوبج بكل ثقة روووووووووووووعة وعناية لابعد الحدود والسهالات من اللة
ان شاللة البنات مايقصرون معاج

 

[عشق]

مشاركة: سؤال عن مستشفى المواساة

انا اراجع اهناك بس توني بالشهور الاولى عند دكتوره لينا هنديه وايد زينه ارتحت لها حيل
قالوا لي عن دار الشفا بس ارتحت حق المواساة وايد
اسعار غرفهم للولاده الطبيعيه يبدأ من 450 دينار لمده يومين
وما عندهم غرف مشتركه كله خاصه
والغرفه اللي اكبر منها 550 دينار
وفي غرف اكبر ما اتذكر جم سعرهم
ومادري عن العمليات القيصريه

 

[محتارة]

مشاركة: سؤال عن مستشفى المواساة

مستشفى ممتاز من ناحية الرعاية الطبية وسستراتهم نفسهم حلوة ...

بالنسبة حق لينا انا كنت اراجع عندها بعدين غيرتها لاني مارتحت لها خاصه لما كان عندي التهاب في البول وعطتني مضاد حيوي قوي وانا بالشهر الاول !!!!!!!!! من هني كرهتها كره عجيب .. وما استخدمت الدوا ورحت حق طبيب ثاني وعطاني دوا غير عن دواها ...وشكلها مو واثقة واهي تكتب لي الدوا ... وهذاك اليوم كنت قاعدة بغرفة الانتظار جان اسمع وحدة تقول انا رحت حق الهندية ماتفتهم شي حتى ماخذيت علاجها !!!!!!!!!!!! ...

 

[عشق]

مشاركة: سؤال عن مستشفى المواساة

وااااي لا تخرعيني انا ارتحت حق هالدكتوره ووايد زينه وسمعت من بنات انها زينه

وبالنسبه للادويه تتغير حبيبتي من طبيب للثاني حتى انا راجعت 3 مستشفيات حق الكحه بس وكل طبيب يعطيني دوا غير
ومره راجعت حق الحبوب اللي بويهي عطاني غسول خلا ويهي جاااف حتى ما اقدر اضحك وقشر حده


والحين لينا عطتني دوا حق اللوعه بس يخليني انام انحاش من دوامي علشان ارجع البيت انام فتركته

 

[MyLittleBerry]

مشاركة: سؤال عن مستشفى المواساة

زين شلون غرف الولاده ؟؟ ويصير امي او زوجي يدخلون وياي؟

 

[Miss_Tiger79]

مشاركة: سؤال عن مستشفى المواساة

والله المواساة مستشفى راقي وايد ودكتوره شاديه وايد يمدحونها انا جربت الافغانى وكلش ما عجبنى كل شي بسرعه وما يعطى من وقته كلشششششششششششششش
والغرف وايد زينه مجكنمه بس اتحسين راقيه
والولاده تولدين ابغرفه بروحج فيها غنفات وتلفزيون وريلج وامج وياج
والله يسهل عليكم انشالله

 

[anime]

مشاركة: سؤال عن مستشفى المواساة

انا ولدت ثلاااثه كلهم بالمواساة والحين حامل وان شاءالله راح اولد عندهم والله السستراات وايد زينين ممتازين وحبوبين ونفسهم حلوه وتحسن فاهمين شغلهم على فكره بنات في وحده هنديه اسمها ريدي هذي دايم تعطي ادويه قويه يمكن قصدكم اهي اما لينا انا جربتها بولدي الاخير اهي مولدتني فيه زينه ولادتها وتمسح على راسج اذا زاد الطلق بس مشكلتها ما تفهم عربي يعني لو تسبينها مني لي باجر وقت الولاده ماراح تفهم شنو تقولين ههههههههههههههه
غرفهم حلوه واسعارهم على حسب ولادتج والادويه الي عطوج ايهااا انا بنتي الاولي دفعت 500 تقريباا لان ولادتي تعسرت شوي والرحم مو راضي يفتح قعدت من الساعه 4 الصبح لي 1 باليل يالله ولدت وطبعا كله طلق صناعي اما ولدي الثاني ماشاء الله بسرعه ولدته خذو بس 370 لاني يتهم الساعه 8 ولدت الساعه 9 بدون لا ادويه ولا شي ولدي الاخير دفعت 400 لاني حطولي طلق صناعي دخلت عندهم الساعه 11 الظهر ولدت الساعه 1 باليل وبس المستشفى بشكل عام ممتاز وحلوووو ومرتب وعنايتهم فيني روعه والصراحه السهاله من ربج الله يسهل عليج