اسعارالولاده بالمستشفيات الخاصة(تم تجميع المواضيع المتشابهه)

[LUXURY]

بنات انا استغربت دقيت على المواساة عطاني الاسعار اللي مكتوبه بس قال هذا اذا الدكتور من بره يعني اذا الدكتور من عندهم يطلع اغلى من دار الشفا

 

[LUXURY]

ام ابرار روحي دار الشفا تره وايد زين
وما اعتقد دكتورج ما اييلج هناك
واذا كلش كلش في استشاريه لبنانيه مادري شاصلها مولده رفيجتي واااااايد تمدحها في حال ان دكتورج ما يروح
لان رويال خااااااايس
ما انصحج نظام فندق بس
يعني جنة رفيجة امي ولدت هناك تقول امي يكسرون الجرس عالسسترات ما اييونهم والسسترات ماعندهم خبره والعنايه مو ذاك الززود يعني المستشفى بصراحه ويليت يعذروني باجي البنات للتكشخ والشحاطه لانه يديد ونظام فندقي
مو مال راحه مال تكشخين جدام الاوادم انا والده هناك والغرف والديكور حلو بسسسسسسس
سمعي حبيبتي انتي بجر لازم تدورين مكان تلقين فيه راحتج مو كشختج الكشخه ماتفيدج اذا تعبتي

 

[الظلم]

شرايكم برويال حياة

 

[SweeTa_4ever]

انا رحت الهادي وشفت اسعارهم وخترت الملكي الغرفه 160 لليله يعني توتل 320 ودكتورتي ماجده اليتامى تاخذ 200 وقولوو غييير النهابه الي بينهبونها بعدين طلعت ونزله البيبي والخ بس انا اشوف غرفه العادي وايد احلى دار الشفا غالي على وله شي هذا بنظري

 

[ام ابرار]

هلا اختى لاكشري ومشكورة وترا دكتوري انا سالتة قالى ما اطلع ما اولد براا السلام لانة اهوا من دكاترة المستشفى عقد معاهم عرفتى واللة ما ادري لين الحين صج صج محتارة

 

[نشـــامي]

الشفاا رافع اسعاره من راس السنه

 

[الكيكه دندن]

اوووووووووووووووووووووووف الاسعار بصراحه خياليه نصب واحتيال
الله المسهل والله يعين

 

[lolly]

بنات انا استغربت دقيت على المواساة عطاني الاسعار اللي مكتوبه بس قال هذا اذا الدكتور من بره يعني اذا الدكتور من عندهم يطلع اغلى من دار الشفا

انا مفكره اولد هناك .. وسألتهم .. وعطوني هالاسعار مع الدكتور من المستشفى نفسها .. هذا من غير الخصم ..
الاحسن تروحين لهم وتاخذين الورقه مالت الاسعار وتشوفين العرف.

 

[sunshine22]

اليوم دقيت على مستشفى رويال حياة

وسالت عن الولادة مع الغرفة العادية

جان تقولي 350 دينار

معقووووووولة

الي ولدت قريب ياليت تقولنا

حتى انا قالتلي جذي

بس اذا دكتورتج من برا يومين نايمه ب350

بسويت الليلي...

واهم ماعندهم غرف بس سويتات

واذا الدكتور منهم ب550

يعني خصم 200 دينار اذا دكتورتج معاج وهم يحاسبونها لانه ماجده ماقط حاسبتها بروحي

دايم تاخذ حسابها من المستشفى.....



وهذا اللي اعرفه

اللي ولدت وخلصت من رويال تقولنا جم دفعت....................._03ba:


هذي اللي بتفيدنا صج

 

[om jori]

بنات اشرايكم منو احسن بالولادة وارخض واحلى المواساة ولا دار الشفا؟ آنه قاعده أفكر بالجونيور بس ما شفت مالت دار الشفا ؟

 

[coca^cola]

ام جوري اتوقع دار الشفا ارخص و المواساة انا ماحبه مادري ليش مقم
ليش ماتولدين بالهادي ترى عنايتهم حلوة و غرفهم حلوة

 

[om jori]

coca cola لالا لا اتقولين عن المواساة ترى أحبهم من قلب ولدت مرتين عندهم و رعاية واهتمام وغرفة الولادة تشرح القلب وآنه متعودة اولد عند د. شادية كانت عندهم أول بس اطلعت عشان جذي آنه محتارة..قاعدة اراجع عند د. ناهدة العلي وما افكر في غيرها يولدني هالمرة وبغيت اعرف عن غرفة الولادة بالشفا ويصير أحد يدخل معاي وقت الولادة ولا لأ
والهادي عاد ما اتحمله..اذا رحت ازور احد هناك اتلوع جبدي..جني داشه سوق حضانة جمعية وايد لوية وازعاج

 

[داريني]

ام جوري انا توني والده بالشفا واخذت غرفه جونيور وايد حلوه مثل الملكي بس فريخ الملكي
وخدمتهم حلوه بعد سسترات حليوين وايد

 

[om jori]

داريني..جم كلفتج الولادة ؟ ودكتورتج من المستشفى ولا بره واشلون غرفة الولادة الجو مالها لووووووول لأن غرفة الولادة مالت المواساة ما اتحسسج بالمرض والهم

 

[داريني]

شوفي حالة استثنائيه لاني ولادتي قيصري وبتوام
كلفني الف دينار بس عقب الخصم وهديه منهم طلع علي 930
ودكتورتي ناهده الحلو
وغرفه جونيور تهبل كشخه
بس غرفه العاديه عاديه وحليوه

بس جونيور مثل الملكي بس الملكي عبارة عن سويت
وجونيور غرفه ودريشتها كبيره وشرحه
جنج بفندق مو بالمستشفى

 

[داريني]

ونسيت اقولج
انا شفت غرفهم الولاده لما اخذت الكمام قبل العمليه
والله حلوه وكبيره
وفي غرفه خاصه هم حلوه

 

[om jori]

يبيلي أطل عالغرف هناك عشان أقرر..المشكلة أمي اتقولي لا تولدين بدار الشفا كله زحمه هههه مادري شسوي..يمديني أفكر وأقرر

 

[الهامورة]

مرحبا انا ولدت بدار الشفا سنة 2004 وكان توه يديد الامبراطوري طلع علي 1500 مع 4 ليالي بس الحين غلوو

 

[الهامورة]

:eh_s(6)::tomato2:يا بنات ماكوو على دار الشفا انا ولدت بنتي سنة2004 كان وايد رخيص وماكو زحمة بس الحين جنة سوق الجمعه حدة زحمة وتنطلرين الغرف على ما تفضا انا ولدت بالمبراطوري خ\و مني 1600 قيصرية مع اربع ليالي وبنت خالتي توها والده بنفس الغرفة خ\و منها 2350 ولدني د- حسام كمال رئيس الوحدة وايد زين بس انا الحين حامل بالخامس وبغير المستشفى لان وايد صار زحمة وا\ا ولدتي وماكو غرف يلطعونج بالولادة 4 او 5 ساعات رحت شفت السلام وايد هادي ونظيييييييييييييييييييييييف وماتوقعت اسعارة رخص التراب الغرفة الكبيرة اسمها السلام 820 والرويال 625 والي اصغر 500 والعادية 400 ----------------- الكبيرة وايد شرحة وفيها دوانية كبيرة وصلة استقبال وصلة الي فيها السرير وحمامين بس وااايد نظيف الحين دار الشفا كثر الدوس حتى القنفات صارو حلياااااان

 

[أم عزيـز]

تره اغلب المستشفيات يقولونلكم سعر وبعدها يطلع شي ثاني
انتوا ديربوا بالكم مو كل شوي يقولون نبي نسوي فحص حقج وحق البيبي ونبي نسوي جذي وجذي
قبل لا يسوون اي شي تأكدي منهم

انا اخوي ولد مرته في دار الشفا وقالوله نبي نسي اشعه حق الحوض مال البيبي شاكين يمكن فيه شي
قالت له امه يجذبون عليك يبون فلوس زود قولهم اسويله اشعه بره

وفعلا اخوي قالهم انا راح اسويله اشعه بره مو محتاج بنفس المستشفى اسوي اشعه
وسواها بالحكومه ولله الحمد البيبي سليم وماعليه الا العافيه

يعني مرات يبالغون المستشفى عشان يطلعون فلوس زود
فانتوا حطوا هالشي في بالكم وانا دايم احط فوق ميزانيتي 300 دينار او 400 احتياط ادري فيهم