اسعارالولاده بالمستشفيات الخاصة(تم تجميع المواضيع المتشابهه)

[sOkOnOnO]

آنا ولدت قيصرية قبل 4 سنوات في المواساة و خذيت غرفة الجونيور و إبرة الظهر طلع علي 1200 و شوي
و قبل شهر ولدت في رويال حياة بنج عام ب 1300 دينار وخذيت غرفة عادية بس مستواها نفس الجونيور في المواساة

بصراحة رويال حياة أكشخ و بالنسبة حق العناية إرتحت في الثنتين​

 

[lolly]

و قبل شهر ولدت في رويال حياة بنج عام ب 1300 دينار وخذيت غرفة عادية بس مستواها نفس الجونيور في المواساة

انا ششفت الغرفة عادية وصغيرة بس اكيد حلوه لانها يديدة والمواساة قديمة .. لكن مشكلة المواساة واي مستشفى اللي يغيرون الديكور ويخربون الستايل المريح الخاص بالمستشفى على انهم بيسون استقبال!!

اخر مره جيكت عالمواساة كانت ديكوراتهم شوي غريبة ما عجبني بس اتوقع ولادة عندهم

 

[جنى79]

صباح الخير لكل الموجودين0شكرا على موضوعكم الحلو0أنا انشا الله ولادتي شهر 60وحبيت أعرف أسعار الولادة بالسلام0اللي تعرف لاتبخل وشكرا

 

[*دانة الخليج*]

انا ششفت الغرفة عادية وصغيرة بس اكيد حلوه لانها يديدة والمواساة قديمة .. لكن مشكلة المواساة واي مستشفى اللي يغيرون الديكور ويخربون الستايل المريح الخاص بالمستشفى على انهم بيسون استقبال!!

اخر مره جيكت عالمواساة كانت ديكوراتهم شوي غريبة ما عجبني بس اتوقع ولادة عندهم

المشكله ان المواساة ماغيرة شكل الغرف ؟؟؟
هذى غرفها من زمان للعلم انهم زادوا الاسعار :eh_s(14): وكنت اتمنى في تغير بشكل الغرف مع زياده المستشفيات الخاصه واهتمامها بالديكورات

 

[عواشه بنت بو حسين]

صباح الخير لكل الموجودين0شكرا على موضوعكم الحلو0أنا انشا الله ولادتي شهر 60وحبيت أعرف أسعار الولادة بالسلام0اللي تعرف لاتبخل وشكرا

آنا مرتأخوي ولدت شهر 3 عندهم قيصري وغرفتها درجة ثانية ب 850 تقريبا ، ورفيجتي شهر 4 كانت ولادتها طبيعي ب 435 دينار والاثنين يمدحون الخدمة والرعاية

 

[ملكة زماني]

ينات منو تعرف سعر الملكي بدار الشفا ؟؟ اذا دكتورتي ناهدة العلي ؟؟ واذا ولادتي كانت طبيعية باذن الله

جم تطلع علي ؟؟؟؟؟؟

 

[um jojo]

مرحبا بنات هذي اول مشاركة لي , انا انشالله ولادتي يوم الاحد الياي و بكرية , وصارتلي سوالف على ما ستقريت على المستشفى و الدكتورة , بس الحمد لله استقريت قلت بولد بالسلام و عند دكتورة ناهدة العلي , و بالنسبة للاسعار في السلام :

الغرفة الخاصة : 270 د.ك
جناح الفي اي بي : 370 د.ك
جناح ديلوكس : 410 د.ك
جناح ملكي : 470 د.ك
جناح السلام : 720 د.ك

(و هذي اسعار الغرف مع الطبيب الزائر قولو 250 السعر للطبيب الزائر + 100دينار تامين )

يعني تطلع الغرفة الخاصة مثلا ( 270+ 250+100):e3:

 

[um jojo]

اختي بنت الخليج انا ما انصحج تولدين برويال حياة اذا منتي مسوية استقبال , لان ما عنده الخبرة الكافية و اهوه اصلن مشروع فندق اذا فشل كمستشفى ,, انا كنت ناوية اولد فيه و اخذ الغرفة العادية , بس ما امدحولي كمامهم و على طول بيعطونج ابرة الظهر اذا تعسرت ولادتج الله لا يقولة ...

و بالنسبة للمواساة انا اعرف وحدة اتصيرلي ولادوها قيصري قبل 5 سنوات تقريبا و نسو فيها شاش , وما عرفوا شنو فيها الا لما عفن الشاش داخل بطنها , ومن عقبها و احنه موخرين عن هلمستشفى , بس يمكن تكون غلطة احد من السسترات او الدكتور يعني المستشفى ماله شغل

 

[شاي و قهوة]

انا حامل وانشالله بولد بالمواساة أهلي كلهم عنده وأصحاب المستشفى خلوقين ويخافون الله ويستاهلون نربحهم وغرفهم الجديدة روعة بس مشكلتهم ألوان مختلفة يعني انتي وحظج ولازم تسوين كفرج اوف وايت عشان يناسب : )

 

[Brounzi_girlly]

حبيبتي شنو تقصدين بالغرف اليديدة العادية ولا الجونيور حددي الله يعافيج وعند اي دكتورة؟
مع التحية..........

 

[أم الغاااالية]

بصراحه ماحب الهادي لان كذا وحده اعرفها يام الخياط يتبطل او يهملونج وقت الولاده افضل مستشفى المواساه او دار الشفاء بس

 

[*دانة الخليج*]

لاحظت اسعار المستشفيات كلها ارتفعت مع بعض ؟؟؟؟؟

 

[star_tete]

جم سعر الولادة القيصريه بدار الشفاه والمواساه؟؟
اللي تعرف تفيدنا حتى المستشفيات الثانيه؟؟القيصرية على جم وشنو تنصحوني اولد بالخاص او بالولاده اذا كنت قيصرية

 

[coca^cola]

جم سعر الولادة القيصريه بدار الشفاه والمواساه؟؟
اللي تعرف تفيدنا حتى المستشفيات الثانيه؟؟القيصرية على جم وشنو تنصحوني اولد بالخاص او بالولاده اذا كنت قيصرية

انا انصحج بالخاص السسترات يشيلونج شيل خصوصا انج عمليه و ماتقدرين تتحركين اول يومين كلش و كل شوي طالين عليج و النفسيه تهبل و النظافه لا تقارن بالحكومه

و انا انصحج بالهادي روعه عن تجربه

و سعر الولاده القيصريه اغلى من الطبيعي بكل المستشفيات بس الاسعار متشابهه
يعني الهادي الولاده القيصريه بالغرفه العاديه اللي اهي الصغيره 800 دينار بهالحدود و انتي حطي بحسابج مبلغ فوق هالمبلغ للطوارئ

 

[فافى2]

انا بعدى مولدت بس بخاطرى اولد برويال حياة بكميليا وايد حلوة واسع نج تبيض الوية وعناية مالتهم زينة وايد ووهما استقبالهم ولباقتهم تحسسج انج برة الكويت سعرها 1000 غير تكلفة الدكتور وغير سعر الادوية وابرالظهر 100 دينار بس شى حلوا

 

[sOkOnOnO]

الغرفة العادية في المواساة بس فيها فراش و قنفه تلوّع الجبد و الغرفة الجونيور أول ماتدشين فيها طاولة صغيرة وكبتات يعني مطبخ تحضيري و بارتشين و بعدين القعده و الفراش جدامها و كبت و يفصل بينهم ستارة و من 4 سنوات ماتغيرت

بس برويال حياة الغرفة العادية فخمه و أحلى بعد من الغرفة الجونيور في المواساة
أول ماتدشين مطبخ تحضيري عبارة عن طاولة و كبت معلّق (خشب بني )و بعدين قعدة و كرسيين و جدامهم السرير و الأرضية سجاّد و فيها تلفزيون تشوفين فيه البيبي وايد حلوة الغرفة و مريحة

 

[OM-Fa6oOoMa]

ينات منو تعرف سعر الملكي بدار الشفا ؟؟ اذا دكتورتي ناهدة العلي ؟؟ واذا ولادتي كانت طبيعية باذن الله

جم تطلع علي ؟؟؟؟؟؟

الملكي 567+تكلفة الدكتور
يعني ناهده تاخذ 250
567+250=817

 

[miss_Ba6oOo6a]

يسلمو

 

[فافى2]

رويال حياه غرفة ليلى 450 غير اجرة الدكتور\كميليا 1000 غير الدكتور \هذة بنسبة حق الولادة الطبيعية اما القيصرية غير اسعارهم بس الحين مسوين عرض الصيف حق غرفة كميليا ولادة طبيعية 700 وقيصرية 1650 على ما اذكر بس غير شغل الدكتور يبلش من شهر 5 وحسبى 100 يوم

 

[AlZeenah]

اناا توني والدة عند ناهدة العلي قيصرية بدار الشفا
طلع علي 1527 د.ك