اسعارالولاده بالمستشفيات الخاصة(تم تجميع المواضيع المتشابهه)

[آخر ذكرياتي]

انا ولدت بمستشفى لندن بعمليه قعدت يومين وغرفه خاصه بــ450 وعنايتهم ممتازه الصراحه​

 

[je t'adore]

اللي تعرف لائحة أسعار مستشفى لندن....ومستشفى السلام بلييييييييييييييييييز

خل تفيدني....لأني قاعدة أدور........وأجمع الأسعار عندي لأني وايد محتارة.....

بليز....

 

[فنر الايمان]

بنات اللي ولدو برويال حياة هل كمامهم قوي مثل الهادي ولا لا بلييييز ردو

 

[أم صلوح]

حبايبي حبيت أستفسر عن أسعار مستشفى الهادي إذا الدكتورة من عندهم وبالنسبة للملكي ؟
وشنو الفرق بين السويت إلي (150) والملكي أعتقد إلي (160)

 

[Mini-wife]

السلام حبيت اسأل عن كمام مستشفى المواساة لان بولد فيه انشالله ادش شهري اول شهر تسعه عاد خرعوني يقولون تحسين بكل شي كمامهم مو قوي نفس الهادي وانا بيني وبينكم ما اواطن الهادي من وانا بنت واللحين انا بجريه ومادري شالحل افيدوني

 

[<"سمسمية">]

مشكورة على المعلومات
كنت بروح اسال واشوف الغرف لاني ابي اولد بالهادي

 

[الماسة82]

هلا وغلا ...

انا على بناتي ولدت فالهادي حمدالله ارتحت فيها وحتى كمامهم رووووووعه ومعاملة سسترات زينه وخذيت سويت

وناويه بعد على ولادتي شهر ديسمبر فالهادي بعد

والله يسهل على الجميع

 

[امومه مبكره]

ابي اعرف اذا خذيت جناح كبار الشخصيات اللي بالمواساة وقعدت ليلتين ودكتورتي من بره ناهده العلي جم راح يطلع عليي بلييييز ارجو الإفادة:tek:

 

[ام عفاف الكويت]

اليوم طلعت بنتي من المستشفى افتكينا حكره 3 ايام اخذت لستت المواساه

تبين كبار الشخصيات

هما غرفتين بس بالمستشفى كبار شخصيات بالدور 3 والخامس

سعرهم طبيعي يومين 765

القيصريه 4 ايام ب 1600

وهالاسعار شامله كل شي ومو محدد اذا مع الطبيب او لا

 

[زينانه]

ام عفاف
حمدالله على سلامة بنتج
ماتشوف شر فديتها

 

[عالية الشان]

الماسة عند اي دكتورة ولدتي ؟؟؟؟؟؟؟؟؟

انا ودي اولد عند الهندية انيتا شرايكم فيها ؟؟؟؟؟؟

 

[نونه الكتكوته]

بليييييييييييز اسعار الهادي بالودلاه الطبيعيه كم انا راحت عيوني ماقدر اقرا اكثر

 

[kwaiteyah100%]

نونة الكتكوته ..... اشلونج

انا ولدت بالهادي ...ز غرفة الـvip او يسمونها large suite + الدكتورة من برة +والأدوية وشغلات ثانية مافهمت لها= 650 دينار .... ولأن زوجي عنده خصم 15% من الوزارة صار 607 دنانير ..... والعناية تمام التمام .....

 

[blue rose]

مرحبا بنات
عفيه ابي اسعار مستشفى دار الشفا الجناح الملكي والامبراطوي بالحالتين الولاده الطبيعيه والقيصيريه
مشكورين

 

[ام عفاف الكويت]

دار الشفا

الملكي

طبيعي 727

فتح بطن 1410


الامبراطوري

طبيعي 1227

فتح بطن 2450


اذا الدكتور منج يصير

الملكي

طبيعي 567

فتح بطن 1130

الامبراطوري

طبيعي 1067

فتح بطن 2170


وان تعسرت الولاده واحتاج شفط - ازاله مشيمه باليد - نزيف مابعد الولاده - توائم - ولاده طبيعيه بعد عمليه قيصيريه

زيدي 50 الى 200 على المبلغ والحاله

والله يسهل عليج وانا عندي هاللسته مالت الاسبوع اللى طاف :tek:

 

[blue rose]

مشكوره ام عفاف ياقلبي ماقصرتي والله يسهل على الجميع انشالله

 

[مبرقعه]

اللي جربت الدكتورة بهواني اللي بالهادي اشرايج فيها
سمعت ناس يمدحونها

 

[درقاء]

السلام عليكم جميعا ،،

انا محتارة بين دار الشفا و رويال حياة ،،

اللي رددني اسعار رويال ( مع عرض الصيف ) مثل سعر دار الشفا (( بالنسبة لكميليا )) و (( الملكي في الشفا )) ..!!

الملكي اذا الدكتور من المستشفي وطبيعي 727 دينار حق ليلتين بدون ابرة الظهر وغرفة الولادة الخاصة فيج
ابرة الظهر 85
غرفة الولادة الخاصة 60

احب دار الشفا عندي وااايد شرح وافضل من ناحية العناية واحسهم متقنين شغلهم وعارفينه

وبسألكم عن الجونيور بالشفا ،، شلونها ؟
من شافها ؟ حجمها وشكلها وشنو فرقها عن الملكي ؟

شفت الملكي وعجبني

بالنسبة لرويال حياة والله مادري
ودي استفيد من عرض الصيف بس ولادتي باذن الله راح تكون على شهر 12

فما ادري ،، شتنصحوني فيه ؟

 

[ام دانه _2008]

السلام عليكم خواتي
انا بصراحه جربت الهادي...ودارالشفا والسلام...والمواساة
احسن شي المواساة من المدارات وادا الوحده قيصريه ...ابرتهم الظهر ماتحسين فيها طبعا بعد العمليه لان اغلب الي يغزون ابره ظهر تطلع معاناتهم تالي لما تروحين البيت ...وبعد الاطفال روعه يهتمون بالياهل وايد وايد ويسووله اختبارات وراثه عشان يشوفون فيه اراض وراثيه لاسمح الله
والسلام ...

 

[يحقلي_كويتيه]

مشكوره وانا ناوية اولد بمستشفى رويال حياه