اسعار بريمارك ومشترياتكم منه

[ارستقراطيه]

انا كل مره ادش بريمارك اطلع ولا معاى جيس واااحد
كلش ما تعجبنى بضاعته حتى الملابس المعلقه متعفسه

 

[عطر ايامي]

تسلمووون بنات

عالافااااااااااااده

 

[فيفالدي]

كل يوم انا فيه وايديني طاحت من كثر الاغراض ,, بس الاحلى فااتورتهم ماوصلت حتا 30 دنيار !!!!!!


شي مومعقول فوق الوصف

 

[أوركيد]

البجامات والاندرويرات اخذي وانتي مغمضة ...

رخاااااص وكد ومد..تغسلين فيها وتتجدد ...

 

[Marymary]

انا مارحت لندن ... اختي راحت مناك وجهزتلي اشوي من اهناك شريتلي سوالف ادلاغات وهيلاهوبات وبدليات وبجامات واي يهبلون " وارخيص

 

[om 5aloody]

بصراحة بريمارك رخيييص لكن مايسوى كلش انا شريت منه
خف يومين تقطع وشريت ملابس داخلية من اول لبسه طلعت خيوطه

بصراحة حدة مايسوى وماكو جودة

 

[ريـ’ـآنـهـ‘]

كل يوم انا فيه وايديني طاحت من كثر الاغراض ,, بس الاحلى فااتورتهم ماوصلت حتا 30 دنيار !!!!!!


شي مومعقول فوق الوصف

لووووول نفسنا

انا اسبوع اللي طاف كنت بلندن
وكل يوم ب بريمارك وبعد نهايه كل طلعه انروح له
ونطلع بيدنا جيسين على الاقل وسعره سعر التراب من كثر ما اهوا رخيص
وكل ما انروح له في بضاعه نازله يديده
انا اكثر شي خذيت ملابس داخليه رووووعه ورخييييييييييييصه
وتكرمون الجواتي والبوتات اغلى واحد اتوقع على 4 دنانير @@ حيييل رخييص
والفلاتات على 4 باوند يعني بلاااااش
وحبيبتي في عندهم مكياج علبه طواليه مغطاتها زرقه تحطينها قبل كريم الاساس تعطي لمعه روووعه ومتحسفه ليش ما شريت منها واايد بس ان شاء الله بروح الثانيه
والبلشر عجيييب في برونز وفي على وردي اخذييه لا يطووفج
والهدووم حييل حلوه واغلبها عمليه والترننق على 4 دنانير والله بلااش
والقمصان بعد والجنزات حلوييين حييل انا خذيت اثنين ومتحسفه بعد ليش ما خذيت بعد
والله انتي اذا رحتيله مره كل يوم راح تروحين له


وتروحين وتردين بالسلامه:eh_s(21):​

 

[دلع الكون]

وااااااااااااااااااااااااااااااااااي ذكرتوني بلندن ... بريمارك الي مايروحله جنه ماراح أسكسفورد ... بضاعه حلوووه ورخيصه وصج تحسين بالتنزيلات ... اذا رحت لندن لازم كل يوم اروحله ... لأن خصوصا ملابس الداخليه حيل حلوه ومريحه ... وحتى البجامات بعد حلوه وتكد معاج ...

 

[الورد الأبيض]

بالظبط زي ماقالت دلع الكون

اللي مايروح بريمارك مارح اوكسفورد

و اللي يقولون خامة اي كلام

اسمحولي

كل ماادخله زحممممممممة مو طبيعية و عندي اشياء اشتريتها من سنتين و الى الآن غسيل و لبس

و عنده كل شي و مايكفيه يوم او يومين

انا لازم كل يوم و انا رايحه او راجعه من اوكسفورد امر عليه

و مثل ماقالوا البنات كل شوي ينزلون بضاعة جديدة

الله ذكرتيني بهذيك الأيام

 

[syda-ml38a]

الشي الوحييد الي اشتري من بريمارك اهو البدياااات وااايد حلوين ,,
وما اتجرا اشتري ملابس داخليه احسهم موشي ,,
بس يعتمد على الخامه وحى البديات في خامات مو زينه

 

[soso_ksa]

يهبببببببل
كنت كل يوم اروحله واطلع واكون داافعه 60 باوند ولا 80 وساعات مية باوند
وملابس اليهال عجيييييييييييييييييبه
كثرت اختي تي شيرتاات منها لولدها على باوند واحد
والشوزات الكعوب والفلاتاات عجييبه
وملابس الرجاليه تهببببببببل
وجاكيتااات تاخذ العقل كل شي يجنن
بس لقيت عندهم قمصاان تهبببل عمليه وتصلح للجامعه وكرف يعني
بس للاسف خامتهم مو شي
ومن عند الكموم يعني جهت تحت الاندر ارمز تحسينه بينفرط يعني خياط والقماش مو اوكيي

يعني تعتمد على الخامات قبل لا تشترينه انتبهي للخام وللخياط
بسس كا كلل فضيييييييييييييع

والميك اب الي فيه لا تخلينه ومناكير رووعه

ريانه حسفتيني الي قبل كريم الاساس كنت بشتريه بس مادري خلييته
واااااي ندمااانه ابييه

وشريت تريننق الي خامته مخمل اتهبببببل بنطلون على 5 باوند وجاكيت على 5 باوند رخيييص حده
تحسف ليش ماشريت الاوان الثانيه
وغسلته ولا خرب

الداخليه اتهببببل البرااا والبانتييز وهالسوالف

ومس شوكو اتوقع جذي نكها مره ردت على وحده وقالت لها انه بـ بريمارك توب من قسم لانجري وفيه برا داخليه
يعني توب ولاصقه عليه برا مرررررررره مرييحه تلبسينه بوقت النوم وهييك
وهم قالت عن كيلون شفاف يهببل وصااادقه اتذكر كلامها ماتمزع على كثرر البس

 

[ربوع الحلوة]

soso أنا دايما معاكي علي الخط كلامك صحيح بريمارك إنت تقدرين تعرفين الخامه الجوده والأشياء الجوده إهوا بضاعته مشكله قرقيعان

في الزين والشين وبالنسبه للبلوزات soso اللي فيها برو اغسيل ولبس أنا أخذ منهم يجننون والله:rerrerek: أما الميك أب أنا عاد ماأغامر :eh_s(10):

أقولكم الصراحه ماأشتري مكياج أخاف يضر وجهي ماحب إلا ميك أب ماك وهناك بلندن غير أحلي من الكويت:rerrerek::eh_s(2):

 

[فراولــة قطــر]

بصــراحة بريمــارك إدمــان تروحين له كل يوم ما تشبعين

كنت اروح كل يوم..اقول بس بشوف واشتري واشتري

 

[فراولــة قطــر]

بصــراحة بريمــارك إدمــان تروحين له كل يوم ما تشبعين

كنت اروح كل يوم..اقول بس بشوف واشتري واشتري

 

[فراولــة قطــر]

بصــراحة بريمــارك إدمــان تروحين له كل يوم ما تشبعين

كنت اروح كل يوم..اقول بس بشوف واشتري واشتري

 

[ombadra80]

بريمارك بضاعته عجيبة من بجامات وملابس داخلية وتكرمون جواتي وحتى حق اليهال ملابسه الداخلية عجيبة غسل ولبس وفي شي بعد جاكيتات وبوالطو عندهم حق الشتا تينن و رخيصة انا قبل سننتين شريت منهم جاكيت اسود طويل واللة واللة شفته نفسه في محل زارا بالكويت ب 45 دينار وانا شاريته 15 دينار من لندن . بصراحة انا بناتي اجيس لهم منه من ملابس داخلية ودلاقات حق مدارس وبجامات سنويا منه .

 

[بيبي-الحلوه]

تقريبا احسه مثل سنتر بوينت عندنا.. لاتروحين مال اكسفورد زحمه وعفسه
مادري ان كنتو بس تروحون لندن .. بس في بديربي واحد كبير ووايد مرتب وحلوو وماعليه وايد زحمه ...
في شغلات حلوه بجامات واللانجري رخيص يعني على 4 باوند الطقم يعني دينارين تقريبا.
واللحين منزلين القمصان الطويله قطن وحلوين تقريبا ب 8 باوند يعني 4 دنانير.. طبعا انا خمييييت الاكو واللي ماكو

 

[Dr.Nouf]

وناااااااااسة والله

!

 

[ظبي الفلا]

الاخت سوسو كفت وفت بالنسبة للبجايم انا خربت معاي من اول غسلة وبهت لونهم حتى قمصان النوم خربت من اول غسلة جربي وبتشوفبن اما الجنزات والوانهم فضييييييعة ومريحة وحيل حلوة حت الهلهوبات الي ع دانتيل ومشجرات الاسود والبيج وكل الالوان حيييييل حلوة شرا زوجي تي شيرتات وقمصان رجالية هم كلهم اختربوا وقلبت الوانهم من اول غسلة عندج الجواتي والجناط والبوتات والدلاغات حلوين وبس هذا عن تجربة وقولي ظبي الفلا ماقالت:sfg:

 

[zain-bh]

اذا رحتي لندن ومازرتي برمارك ماكو فايدة
رخيص رخيص رخيص واغراضه عجيبة وكوالتي انا عندي اشياء البسها من 3 سنين ولا اختربت

وعندهم من البيبي بورن لي الشياب يناسب جمع الأعمار