أحييج على هالموضوع الأكثر من رائع والمهم جدا" ويا ليت الكل يشارك عشان نستفيد من خبرة بعضنا
الخدم اللي عندي ما ألتزم بجنسيه وحده , مروا علي أندونسيات وفلبينيات وهنديات وسيلانيات واثيوبيات ..الخ والشخصيات تختلف من وحده لوحده وحتى الشغل يختلف , العمر ماحب آخذ صغيره ولا كبيره , آخذ وحده بآخر العشرينات أو بالثلاثين , وآخذ وحده شكلها عادي جدا يعني ليست جميله ولا قبيحه
نجي للخطوات مثل ما تقولين
1) ممنوع منعا" باتا" دخول الخدامه لغرفتي النوم وغرف عيالي وبناتي الكبار , أما الصغار عادي تدخل , يعني أنا أرتب غرفتي وبناتي يرتبون غرفهم وعيالي أنا أرتب غرفهم , أما الصغار الخدامه ترتب غرفتهم وترتب صالة الاستقبال وغرفة المعيشه والمطبخ والحمامات والحوش والديوانيات ..الخ
2) نجي للملابس :
ممنوع تلمس الملابس الداخليه لزوجي أو لي أو لبناتي <<<< أنا أغسلهم وأكويهم
باقي الملابس مثل الدشاديش والغتر وملابس المدارس والبدل تغسلهم وتكويهم وتعلقهم بغرفة الغسيل وأنا وبناتي ناخذ الملابس ونعلقها بالكبتات اللي بغرفنا
طبعا تغسل الأبيض بروحه والملون بروح
3) الطبخ :
تلبس دسوس واهي تقص الخضروات أو تطبخ أي شيء وتلم شعرها بالحجاب
تغسل الصحون والملاعق والقلاصات وكل شيء عدل مدل
تنظف الفرن وتلمعه وتغسل المطبخ يوميا
الريوق له وقت محدد مضبوط والغدا والعشاء والعصر تجهز القهوه والجاي والمكسرات وصحن حلا
الماجله تقسمها بمكانها الصح بترتيب
أعلمها إذا جانا ضيوف شنو تسوي
4) الأطفال :
أقولها أي أحد يأذيج لا تلمسينه قولي لي وأنا أطقه أو أهاوشه وما أخلي الأطفال يطقون الخدامه أو يغلطون عليها ودايما" أهددهم لأني مرات أكون بره البيت وأخاف تذبحهم وجرايم الخدم انتشرت الله يكفينا شرهم
مرت علي جم وحده حقيره تعذب الصغار لأنهم بعضهم يجون من ديرتهم مغصوبين أو فيهم عقد نفسيه
أعلمها شنو ياكلون الصغار ومتى ؟ وممنوع يدخلون معاها المطبخ
5) أول ما تجي أفتشها وأشوف معاها سحر أو تلفون أو خرابيط , وإذا لقيت أردها للمكتب وإذا ما لقيت أخليها تبقى وأشتري لها اليونفورم مال الخدم وملابس داخليه وديودرنت ومستلزمات العنايه بالنظافه وأقولها تتسبح كل يوم وقبل لا تسافر أفتشها وأعطيها جم كلمه حلوه وهديه عشان ما تسحرني هههههه
6) النوم وأكلها : أعطيها وقت كافي تنام وتريح فيه وغرفتها تقفلها إذا نامت , وأكلها أخليها تاكل مثل ما تحب
اممم وبس
أدري كل اللي كتبته الكل يسويه وما جبت شيء جديد خخخ بس أبستفيد منكم
