اسمع كلام الدكتور ولا انطر شوي ؟؟!!

[حقـوق]

السـلام عليكم بنـــات

امس كان موعدي .. وكان اول يوم بالشهر التــاسع .. ولما الدكتور شاف وضع الجنين .. قالى انه راسه فوق .. وقالى راح انطر عليج اسبوع .. لين يوم السبت .وتعالى الصبح وتكونين صايمه . اذا الرأس للحين فوق .. راح اسوي لج عمليه قيصريه ...واذا تحت راح انطر عليج لين تخلصين الشهر التاسع !!

شرايكم انتم .. اسمع كلامه .. واسوي العمليه وانا ماخلصت التاسع .. ولا اطنش فيه وانطر لين اخلص التاسع واروح له .. علما ان دكتوري اسمه حسام كمال من مستشفى دار الشــفا ..

اهو قالى اسوي لج قيصريه السبت احسن لج .. لان الشق راح يكون صغير .. احسن من انج تخلصين التاسع ويكبر حجم الجنين ونشق شق اكبر .. واهو احتمال ان الراس ينزل تحت ضعيف .. لان الجنين تقريبا ماخذ اغلب المساحه .. والماي حده حده فماراح يقلب .. هذا كلام الدكتور .. انا مادري .. متردده .. وبنفس الوقت مقتنعه .. ابي الى نفس حالتي تفيدني .. هل صحيح ان الجنين احتمال فرته بالتاسع تكون قليله حيل .. واسوي القيصريه من الحين احسن من اني اعيش على امل !!!

تكفون بنات ساعدوني .. هذا اول حمل لى .. ومادري شنو الطبخه ...

:yaaaaaarb:

 

[tho tho]

رد : اسمع كلام الدكتور ولا انطر شوي ؟؟!!

حبيبتي الدكتور ادرى ترى و لا اجازفين لا بنفسج و لا بالبيبي
الله يتمم عليج حبيبتي

 

[أوكسجين]

والله مادري اكييد دكتور وعارف شغله واذا متردده راجعي دكتور ثاني احسن

بس ماقالج عن حركات او اشياء تسوينها ممكن تغير حركة البيبي

في دكتور يقولون انه يلف الياهل وهو ببطن امه بس ماعرف اسمه انشالله البنات يفيدونج

 

[أوكسجين]

والله مادري اكييد دكتور وعارف شغله واذا متردده راجعي دكتور ثاني احسن

بس ماقالج عن حركات او اشياء تسوينها ممكن تغير حركة البيبي

في دكتور يقولون انه يلف الياهل وهو ببطن امه بس ماعرف اسمه انشالله البنات يفيدونج

 

[ام فوااز]

روحي اخذي استشارة من مستشفى حكومي
لاتستعيلين بكلامه لانج توج داخله شهرج سبحان الله يتغير كل اسبوع من التاسع غير عن الثاني
مابي اخرعج واقولج ان بعض دكاترة الخاص البعض منهم ماديين حييل يمكن يبي يستفيد لان قيصرية
انا اقولي روحي شوفي الحكومة شنو يقولولج ترى اهم اشطر اذا قالو نفس كلام دكتورج توكلي على الله

 

[الـفـجـر الـبـعـيـد]

براايي روحي حق دكتور ثاني لو بحكومة يكون احسن لانهم ينطرون مو مثل الخاص

 

[lolo-75]

انا اقول سمعى كلام الدكتور احسن لحد يلعب فيج وقولج افر الياهل ومادرى شنو ويعور الياهل اخذى استخاره وتوكلى على الله وان شاء الله يفر هالسبوع

 

[MissChoco]

والله مادري شقولج بس دام راسه فوق وقالج بصبر عليج نطري ليمن الموعد واذا مانزل الراس توكلي عالله وسوي العمليه
لانه الدكتور اكيد فاهم شغله


والله يسهل عليج ياارب

 

[ام دليار]

رد : اسمع كلام الدكتور ولا انطر شوي ؟؟!!

استشيري دكتور ثاني
حاولي تسجدي السجود بيغير موضع البيبي

 

[opera]

رد : اسمع كلام الدكتور ولا انطر شوي ؟؟!!

دكاتره الخاص يدورون الفلوس

انا اقول روحي الصباح واذا قالولج نفس الحجي توكلي على الله و روحي لدكتورج يولدج


انا اللي اعرفه عادي حتى لو مخلصه شهرج عادي تولدين قيصريه يعني السالفه مو صعبه كلللش

والشق اهو اهو يعني اشكثر بيشق شق اكبر

 

[احلى ـآ وحده]

روحي دكتتور ثاني ..

وان شاء الله ينزل راس الجنين

ويسهل ولادتج يااااارب ..


طمنينا ..

 

[A7la-SmiLe]

حبيبتي الله يسهل عليج ان شاءالله
في موضوع للعضوه جذابه بنت ذيابه حاطه موضوع عن هالشي دوريه وبيفيدج باذن الله


عسى الله يسهل عليج والخيره فيما اختاره الله
ولاتنسينا خواتج المحرومات من دعائج :eh_s(17):​

 

[نـور الكويت]

احبي ياقلبي ..

ويمدحوون الدكتور زكريا بدار الشفا شوفيه شيقووولج ...

عسى الله يسهل عليييج تولدين بسلااامه ..

 

[rora_q8]

الله يسهل عليج يارب
حبيبتي استخيري وسالي دكتور ثاني بس مونفس المستشفى
الله يقومج بالسلامة

 

[للحين ناطره]

الله يسهل عليج

 

[كويتيه مذهله 87]

دكتورتج شكوا اسبوع من التاسع بشق بطنج لووووووووول

انا طوول الوقت رااسه فوووق وكنت بالصباح الدكتور قالي ننطر عليج وسبحان الله بدش بالاسبوع الثااني من التااسع يالله قلب تحت
يعني حبيبتي فيه امل ينزل تحت

 

[أبله كويتيه]

لالا حبيبتي شكو قيصري

روحي كذا دكتور وسالي بهالموضوع

روحي حكوومه الصباح وايد احسن

سالي هناااك ... الخاص اغلبهم يبون يفتكون ويفكرون بالسهل وبالماده

 

[ام الشاهين]

شوفي حبيبتي كلام الدكتور احسن شي لكن انا بنقل لج تجربه انا شفتها بعيني....
امي كانت مثلج البيبي راسه فوق وكان المفروض يحجزونها عندهم ويولدونها قيصريه !! لكن امي صارت ذكيه وانحاشت وردت البيت وتمت 3 ايام تسوي تمرين واحد اللي اهو انها تنام على الارض على ظهرها وريولها اثنينهم مرفوعين على الطوفه وبسرعه تلف نفسها على جنب عشان تبي البيبي يلف .... وماصدقنا عقب 3 ايام تروح الدكتور ويقول انه البيبي راسه تحت ويسأل امي شسويتي ؟ تضحك وتقول ولا شي ... هههه... هذي تجربة امي وما اقدر اقولج قلديها لان زمانهم كان فيهم صحه مو احنا بسرعه نخق ..المهم سمعي كلام الدكتور احسنلج​

 

[برعم الخوخ]

رد : رد: اسمع كلام الدكتور ولا انطر شوي ؟؟!!

الله يسهل عليج يارب
حبيبتي استخيري وسالي دكتور ثاني بس مونفس المستشفى
الله يقومج بالسلامة

نفس كلامي الي كنت بكتبه:eh_s(7):

 

[حقـوق]

مشكورين بنات .. وانا بنطر .. لان حرام انا بجر .. واولد قيصري .. وانا ماخلصت شهري .. وامس رحت للدكتوره شاديه عثمان وقالت لى تو الناس يقول لج جذي .. وسوت لى سونار والحمدالله راس البيبي صار تحت .. وان شاء الله يتم تحت ولا يفر .. واولد طبيعي ولا احتاج قيصريه .. ادعولـــي