...( اسمع يا حبيبي عسى الله يخليك .. ان مت حبي لك ترى هو وصاتي)...NeW

[شهد_الكويت]

يا كيف ..
اخبي لهيب الشوق ....
و اتصبر...
و ادفن ورود الغلا ...
و اعاند اقداري...
صافح يميني و خل الكف يتعطر....
خلني سجين الهوى ...
و كفوفك اسواري



*****************************



اعاهدك ببقى انا و انت خلان...
و درب المحبه يا الغالي ندله...
يا صاحبي خل المحبه لنا انسان...
انسان ما يرضى بحكم المذله...
ببحر انا وياك من دون ربان..
نمشي ببحر فيه الاشواق فله...
انا معك و البحر و الغيم خلان...
ما نفترق لو كلن يموت بمحله...

*******************************

مني لأعز الناس حلو التراحيب..
مضمونها ترحيب من قلب صافي..
سلام يا راعي الوفا و المواجيب ..
.سلام يا قلب مع الناس وافي...
لك منزل بين الضلوع المحاديب..
عساك دايم بالوجود متعافي...


******************************


للناس قدر و قدرك بداخلي غير..
لهم مكانه و انت لك اغلى مكانه....
صدري سما و انت داخله الطير...
و الطير ما يرضى بغير مكانه...
عبرت لك عن خافي الحب تعبير..
و عطيتك عيوني بكفك امانه...

******************************

الوفا طبعك و انا طبعي القصور ..
و اعتذرلك لو مالي عذر...
الغلا في القلب لا يمكن يبور...
ناذر ما انساك يا عمري نذر..
لك بوسط القلب يا سيدي جذور..
و كيف يحيى القلب لا مات الجذر..

******************************

لا تقول "صويحبي" صد و نساني....
"انت" راس المال دام الروح حيه...

*******************************

تخيل بيوم ان من يحبك يرحل فجأه..
يا ترى بتلوم نفسك لانك في يوم قسيت و خليته..
يمكن جرحته ولا راضيته؟!
او حتى يمكن تناسيته
دامه جنبك اليوم حاول تحبه دوم...
كل غالي لك يمكن ما تشوفه بعد اليوم...


****************************

خلني في بالك و غيب..
اهم شي ابقى حبيب..
وان حصل و احتجت لي..
صدقني تلقاني قريب..
تلقاني ظلك لا مشيت..
تلقاني دمعك لا بكيت..
تلقاني بسمه لا رضيت..
فيني ضنك ما يخيب..
مني وعد اني اكون...
"الصاحب الوافي الحنون....

***************************

تغيب بس اني على العهد باقي ..
يردني شوق على الود لا زال..
ما غيركم يا صاح للعين لاقي..
لك بالمحبه في لجا الروح منزال..
هاك العهد مني ليوم الفراقي..
"ما انسى غلاكم لو الزمن بيننا طال.

**************************

تذكر صاحبك و ارجع..
تقربله و لو بالصوت..
على اخر نفس واقف..
تجي و الا يجيه الموت..
اشوف الموت ارحم منك..
و احس انك تبي موته..
و اخاف انك بعد موته..
تحن و تفتح التابوت..
و اخاف انه من القهر ..
يقفل بوجهك باب تابوته.


******************************

الله يا كثر احبك و اغليك..
و غلاك في قلبي تعدى حياتي..
و شلون ما احبك و انا ميت فيك..
و اموت في حبك و لو هو مماتي..
اسمع يا حبيبي عسى الله يخليك..
ان مت حبي لك ترى هو وصاتي..

***************************

ما يتوب القلب عنك لو يذوب..
يا عجيب الحسن عشقي لك عجيب..
لو نهو روحي عنك ما تتوب..
انت غيرك مابها الدنيا حبيب..
كل عمري من شروقه للغروب..
فدوه لك من شبابه للمشيب..
كان حبك عيب مرحبا بالعيوب..
ليت نفسي من عيوبك ما تطيب..



********************************



ان كان قصدك بالصبر تعذبني ..
ابشرك يا فلان..
ترى الدنيا بالعذاب ما قصرت فيني...

**********************************

نعم مشتاق
واظنك تعرف اشفيني..
تعرف اني بلا صوتك اعيش بعالمي مرتاب...
"حبيبي"....
صارت ايامي على موتي تعزيني...
وقف نبضي..
رحل صوتي...
و عمري في شبابه شاب...



*******************************


باجر اموت و مابي اشوف في عينك دموع.. ابي اسمع ضحكتك تضوي الوجود..و انا بالكفن ملفوف و تحت الارض مدفون .هذي و صاتي و القدر عليي مكتوب..تكفى تذكرني و لو بنثر الورود...و اني بيوم كنت موجود و في بالك محفوظ...

******************************

و الله اني من عنا وقتي وحيد
يا عذابي وش بلا وقتي صعب
المصيبه زاد جرحي من جديد
و القراده واهب حبي وهب
واحد في حالتي ما يستفيد
غير هم و جرح و دموع و غضب
اشهد انه قالها طلال الرشيد..
لعن ابو وقت غدينا به حطب..


**************************

لو بيوم حسيت تبي تبكي ..اتصل عليي
ما اوعدك اخليك تضحك لكن يمكن ابكي معك
و اذا فكرت يوم انك ترحل اتصل عليي!!
ما راح اترجاك تقعد لكن يمكن ارحل معك..
و اذا بيوم اتصلت و ما رديت عليك.. ارجوك تعال
"يمكن اكون محتاجك"

 

[مُناي]

رد : ...( اسمع يا حبيبي عسى الله يخليك .. ان مت حبي لك ترى هو وصاتي)...NeW

ان كان قصدك بالصبر تعذبني ..
ابشرك يا فلان..
ترى الدنيا بالعذاب ما قصرت فيني...



ياحلوج وياحلو مسجاتج


ميرسووووووووو

 

[الغلاااااااكله]

رد : ...( اسمع يا حبيبي عسى الله يخليك .. ان مت حبي لك ترى هو وصاتي)...NeW

جدا جدا رااااااااااااااااااائعه

تسلم ايدج ياقلبي
كلج ذووووق