اسمك المستعار (نيك نايم)

[Swan]

انا طبيعتي احب الخصوصية
بس هالمنتدى الوحيد اللي رفيجاتي وبنات خالتي وخواتي يعرفون فيه نكي
اما الباجي فلا

 

[أوبرا الكويتية]

اختي تعرفه وصديقتي الخوف من الله وتفكيرنا وتعليمنا يزاج الله خير مايسمح بالتصرف الغير لائق بحق اي احد

ومشكوره علي التنبيه حبوبه

 

[..، شهوده ..،]

أنا عادي عندي أي أحد يعرفه بس ما أقدر أخذ راحتي فيه
بشكـل كبير يعني في شغلات تكون خاصه فيني أو بأحد قريب مني
يعني محد يبي يعرفه وأنا أتكلم اهني فيه شغلات تكون خاصه
اذا في شغلات مابي احد يعرفها من اللي يعرفون نكي لازم أسجل بنك ثاني
وأتكلم باللي أبيه براحتي

 

[قوية الباس]

آنه خواتي وبات خواتي يعرفو نكي بسسسسسسسسسسسسسسسسسسسسسسسس
لأن أبيي آخذ راحتيفي لبسوالف وطرح المشاكل والردود .....

 

[أم الهيل]

انا احس حتي لو النيك نيم محد يعرفه وبتقعدين اتكلمين عن مشكله صارت لج يعني الابطال معروفين فراح تنفضحين علي طول.... فاحسن شي الواحد يبتعد عن مشاكله العائليه بعد مو ناقصين

خوش موضوع

 

[atooma]

انا بصراحه نص الكويت تعرفه

وعادي عندي واتكلم بصراااحه وعلى راحتي

والحمدلله انا مااخاف الا من اللي خلقني

 

[رنين]

كم وحده من اهلك او صديقاتك تعرف النك نايم؟؟؟؟؟؟؟؟؟؟؟؟؟؟؟

كل الي اعرفه من اهلي و صديقاتي و يدش كويتيات يعرفه


مافيه مرة تبين تشاركين بموضوع او برد بس خايفه يقرون تعليقك لأنه راح يأثر بعلاقتك فيهم؟؟؟؟؟:klhfl:

اذا خايفه يقرونه ما اكتبه
بس عموما طبعي مو اي شي اقوله بالنت و لا عند اي احد

 

[girl_in_abottle]

اهو المفروض نكون كلنا مني Undercover يعني متخففين
فيستحسن محد يعرفج لانة كلامج محاسبة عليه

انا محد يعرفني إلا اختي و بنت عمتي
و عادي عندي

بس ماقول للناس ولا للي بالدوام

 

[ام مضاوي]

الاهل يعرفون

واكيد مو كل شي ينقااااااااااااال

واشوف الوحده ماتتعمق بخصوصياتها احسن

الا اذا طرحت لهاموقف او مشكله وشلون حلتها من باب المساعده

مافيها شي

 

[الحالمة]

ماعندي احد يشبك من اهل البيت صراحة امي وابوي دقة قديمة على قولت اخواننا المصريين واختي عادي لكن لاهية بحياتها متزوجة ورفيجاتي محد فيهم مسجل هني معاي مو فاضيين عندهم دوامات واللي ماتحب المنتديات واللي مسجلة بمنتدى ثاني والله حالة الحمدلله مآخذة راحتي بس صج احيانا في مواضيع الوحدة مننا اذا تبي تقول رايها تتردد وخصوصا اذا في حد من اهلها والا رفيجتها وتعز عليها وبالذات في الخصوصيات .

مشكووورة على الموضوع الحلو

 

[۩۩ الجـــــود ۩۩]

ماقول لاحد عنه ولو انه عادى مو خايفه من شى طبعى ماحب اقول لاحد عنه

 

[*سكون*]

رفيجاتي بالدوام سألوني وقلت لهم .. بالنسبة لأهلي محد سألني لأن يدرون ان هالشي خاص فيني ومو ميولهم يعرفون كل شي

وبعدين بالنسبة لرايي النت مساحة ناخذ حريتنا فيها .. فالأفضل يكون هالشي خاص فيج مو مسألة أسوي شي غلط وما اخاف .. المسألة انج ما تحسين بتقييد ومجاملات الواقع

 

[جےـود الحےـزن]

انا مرت اخوي واختي بس وبعدين انا الحمدله مو قاعدة اسوي شي غلط فما يهمني لو الدنيا كله ا تعرفني

 

[الريانة77]

انا خواتي يعرفو النيك نيم الخاص فيني وما عندي مشكلة وعلى العموم طرح المشاكل الشخصية هو الي تسبب الاحراج بامكانك استشارة صديقة مقربة او تغيير النيك نيم وعدم اخبار احد فيه اذا كنتي من النوع الي تحبين تفشين خلقك ومو غلط كل واحد وله ميوله

 

[ياشايل الظبى]

انا اخوانى وخواتى و زوجى ورفيجتى يعرفون النك نيم ... << يعنى بقى احد مادرى

 

[أم منصور]

انا اول ما دخلت جكوني _03BA: عشان اسم ولدي


لكن عادي ما اهتميت ودايما اقول راي بكل صراحة :ggdw:

 

[pretty86]

مو مشكله اذا احد عرف النك نيم ولا اذا عرف رايي باي موضوع

مشكوره اختي على الموضوع

 

[Sn0o0pY_JoJoٍ]

لــــــــo0o0o0o0o0o0o0o0o0oـــــــــــــوووول

انا عن نفسي

اهلي مادري عنهم ..

بس اتوقع يدرووون كووز اهما يدشون سوالف ميك اب و تسريحات شعر و سوالف الطبخ و هالشغلات

و انا ادش ع الطالبات و الموبايل و اي شي احتاجه ... بس طبعا غير عن الميك اب و هالسوالف لأن ما تهمني !!

و بالعكس الكل مستغرب على نك نيمي ليش ان سنوبي ؟؟

ما يدل بنت و الا ولد .. و ضفت عليه جوجو لأن دلع اسمي جوجو او بالاحرى الاسم اللي الكل يناديني فيه جوجو

و قليل سنوبي

و اقل بوايد اسمي الصجي !!

و مشكووورة ع الموضوع حياتي

 

[الهما]

الكل يعرف نك النيم مالي ما عندي مشكلة
بس ترا هم بعد ما فيها شي الوحده لمن يكون لها نك نيم خاااص اذا تبي تستشير
بالله عليكم وحده عندها بلوة مو معقوله الكل يعرف بلوتها

 

[مسك الغلا]

يمكن يعرفونه مادري عنهم هههه

بس عاد وايد ملاقيف يبون يعرفون و اذا عرفووا و شافوا المواضيع كانهم مسويين انجااز