اسهم viva

[3e6er alwrd]

السلام عليكم بنات ,, انا اكتتبت بفيفا بس شريت الاسهم على قسمين حسن عدد البطاقات المدنيه الي عندي ,, انزين الحين عقب ما خصصوا عدد اسهم ما اذكر جم شنو نسوي انا ما ادري ولا اعرف حق هالشي الي تفيدني الله يجزاها خير لاني ابي ادفع زكاتهم وماني عارفه شسوي الي يقولي راجعي البنك والي يقولي اشلون ما سويتي دمج!! انا ما اذكر اني سويت شي جذي وابي اعرف بعد جم يسواله السهم الحين وجم خصصوا حق كل بطافه مدنيه وشنو لازم اسوي علشان اعرف الي لي والي علي ومشكوريييييييين

 

[سمبوسه جبن]

انا عندي اسهم فيفا لازم تكون عندج شهادة الاكتتاب فيها بيانات بعدد الاسهم لانها بعدها مانزلت البورصه ..

ونطري عليها الحين بعدها مانزلت البورصه والسهم الواحد واصل مابين الـ 400 الى 500 فلس ..

وبخصوص الزكاة مادري شلون طريقتهم لأن اللي أعرفه إذا كانت نازله البورصه لها زكاة بس إهيا بعدها فما قدر أفتي بصراحه

وبخصوص الدمج ماعرف والله ..

 

[mazyonaa]

ماتقدرين تدمجين الأسهم الحين, بخصوص الدمج راح ينزل اعلان قبل نزول الشركة الرسمي وادراجها الرسمي في سوق الكويت للأوراق المالية

الإعلان راح يكون تقريباً شهر إلا شهرين قبل الإدراج, تروحين وتدمجين بعدها الأسهم وسلامتج

بخصوص الزكاة سإلي فيها مشايخ دين, ماتوقع المنتدى مكان مناسب لهذي الأمور إلا اذا في أحد عنده خبره في هذا الموضوع وهذا شي نادر جداً

بالتوفيق

 

[راعية الطيارة]

اسألي شيخ يفهم بهالشغلات و بري ذمتج

بغيت اسألكم عن اللي تقولون الاكتتاب بفيفا للحين مفتوح ولا خلص ؟؟

 

[مجروحه واكابر]

الاكتتاب وين يسوونه يا بنات؟؟؟>>>>>>> ترى انا كلش غشيمه بهالسوالف

 

[mazyonaa]

الإكتتاب خلص من زمان

الإكتتاب يعلنون عنه بالجرايد وتكتتبين عن طريق احد البنوك, مثال شركة (أ) تكتتبين فيها عند بنك التمويل الكويتي
تروحي تدفعين فلوس الاكتتاب, وبعدها بفتره يشوفون العدد الكتتب براس المال, ومن بعدها يتم تقسيم عدد الأسهم على عدد رأس المال المستثمر من جميع المساهمين, وبعدها يتم توزيع الشهايد وتاخذينها من البنك

 

[3e6er alwrd]

مشكورين ما قصرتوا يعني لي الحين ما صار دمج ,, اشوه خرعوني روحي البنك وما ادري شنو

 

[أم كادي]

اللي عندها اسهم فيفا وبتيعهم تقولي انا بشتري ما لحقت على الاكتتاب

 

[ام اميره]

انا اللي اذكره وحدوا الاسهم كل شخص خمسين سهم بس ريلي دمج بنتي معاه واثنينهم 100 سهم وهل الحجي من سنه تقريبا وماكو شي للحين اذا في شي قولولنا الله يجازيكم خير

 

[اخ ياجرحي]

وي صج ذكرتيني حتى انا عندي اسهم بفيفا بس مادفعت زكاتهم

لي سألتي قوليلي ماعليج امر حبيبتي شنو الطريقه

 

[shaimaa85]

بنات اذا ما خذيت الشهادة مالت الاكتتاب شيصير؟ لاني لي الحين ما خذيتهم

 

[الله يخليني]

تصدقون ما مريت البنك آخذ شهادة الاكتتاب تهقون راحت علي ..