اشتقت لطليقي موت

[أنا الأنوثه]

استغفري وادعي ربك هوا بيده كل شئ
بيده يحنن قلبه وبيده يرجعكم لبعض
واستخيري كتيييير
ولا تتكلمي ولا تحاولي تنزلي كرامتك زياده
الله ييسر لك امورك ويعوضك
دائم كرري
انا لله وانا اليه راجعون اللهم اجرني في مصيبتي واخلف لي خيراا منها
وكرري
حسبي الله ونعم الوكيل

 

[عسل مرت قيمر]

ياحياتي والله

عورتي قلبي


ماعليه صدقيني خيره من ربج لا تقولين عمري 35 ومادري شنو

لو عمرج 50 وربج كتباج بيصير


يمكن ربج خاشلج نصيب احسن منه


ويمكن ربج يحبج وقاعد يختبرج ويختبر صبرج


ذكري الله وادعي ان ربج ينسيج


وربي يوفقج ويعوضج بأحسن منه يااارب العالمين

 

[ماتغير شي]

الله يعوضج باللي أحسن منه ، اكثري من الاستغفار وقراءة القران ،،

 

[انثى عاشقة]

يابعد عمري انتي قلبي يتألم وانا اقرا موضوعك
مافي مخلوق يستاهل تذلين روحك عشانه
ربي ارحم فيك من امك الي يابتك
شايفك وسامع شكواك
ابكي لربك واشكي
صدقيني الدنيا ماوقفت ع رجال او زواج
يمكن هو لا شافك مطنشته يرجعك
في رجال يستحقرون المرة الي تقعد تذل نفسها وتترجى
حتى لو مارجعتو
ربك فووووووووووووووووووووق
الله يمسح ع قلبك
قولي اللهم لاتعلق قلبي بشئ لم تكتبه لي
ربي يعوضك كل خير
هو طلقك ظلم
وربي حسيبه الظالم لابد يجيه يوم
​

 

[أم غيثة]

عورتي قلبي و دمعت عيني عسى الله يفرج همك
حبيبتي الي تمرين ببه صعب و الله وحده عالم على الي بصدرك و هو حلج الاول و الاخير ادعي الله و استخيري انتي سويتي كل الي عليج و لا تقولين ذليتي نفسج بالعكس انتي قوية و قاعدة تحاولين تحافظي على زواجك و زوجج لاخر لحظة مو عيب تترجيه بين الاحباب مافي شي اسمه كرامه بس لا تتعدى الحدود خلاص انت سويتي كل شي عليك عطيه فرصة يقعد مع نفسه و يراجع حساباته و بهالوقت لا دقين عليه و لا تطرشي له مسجات و لا شي ادعي الله و متى ما حسيتي برغبة انج تكلمينه خذي سجادتج و صلي ركعتين و اشكي لله كل الي بخاطرج طلعي كل شي تحسينه فوق سجادتج و انتي رافعه كفوفج لرب الكون ربج و رب زوجج و رب العالمين الرحمان الرحيم القادر على كل شي و لا تعترضي على قدر رب العالمين لانه لوحده عالم مصلحتنا و علام الغيوب و له حكمة بكل شي و بكل ابتلاء
و عسى الله يفرج همك و كربك و يسعدج يبين عليج طيبة
الله يفرح قلبج يا رب بالي فيه الخير لج
لا تكثري الدعاء و تقولي الله يرده لي لانه اذا الحيتي ممكن يصير و ما يكون فيه خير لج
قولي الله يكتب لي الي فيه الخير لي دنيا و اخره يمكن الله يرزقج بالي احسن منه
و اذا فيه الخير لج دنيا و اخره الله يرده لج عاجلا غير اجل ياااااا رب

 

[دلوعة صلوح]

بعد عمرى الله يعوضج بلى احسن منة ويمسح ع قلبج يارب العالمين.

 

[آلعسليه]

ي بعد روحيَ ~
تصبري وآحتسبي آلآجر
" ومآ يصيبكم إلأ مآكتب آلله لكم "
ويمكن تكون خيره لك ، ف صدقيني آلخير فيمآ آختآره آللهه
وآلآيآم كفيله ب إنهآ تنسيكَ ..
آلله يعوضك ب آحسن منه ويرزقك من حيث لآتحتسبينَ

موفقهه حبيبتي : (

 

[تفاؤل وأمـــل]

وعيييه

خييره وانا اختك
الله الكريم اللي جابه قاادر سبحاانه يرزقك باللي احسن منه
بس توكلي على الله
واصبري ولاتجزعين وصلي كل ماضاق صدرك

الأمور تجري وفقاً برغبةِ الله لا برغبتي , إذاً أنا محظوظه ♥ !

الله يعووضك بخير منه

موووفقه ياااااارب

 

[brettey]

ثلاث شهور ؟ وتبينه ؟
عيل شتقولين عن وحده عاشت معاه 10 سنين وعندها عيال وتوه طلقها من اكثر من سنه قبل ولادتها بثلاث اسابيع وباعها على هوشات تافهه وامه السوسه الي محرضته مع انها قامت بالام قومه ويوم شافت مشاكل من وراها تكترت وعيزت تترجاه انه يردها ماكو فايده عقب بهدلته بالقضايا هم مو ملزومه تسكت تبي سكن ونفقات لها ولعيالها ابوه وخواته حاربوه عشان يردها عمامه ويدته الله يرحمها وخواله عيزوا منها بس راكب راسه وعياله حنوا عليه ضيعهم حسبي الله عليه واخرتها طلعت السالفه وحده حقيره مطلقه وعندها بنات مخربه بينهم وتزوجها الحين من شهرين والام ساعدته وخطبتها له حسبي الله عليها عيوز النار بس الابو مو راضي عليه وقال له ماتييب زوجتك الزم ما عليي عيالك وانت اذلف وطلعت نسره من اولها خلته يتهاوش مع اخته مقهوره ليش الخوات واقفين مع ام عياله ويحبونها
وهالمسكينه كل ماياها نصيب يا متزوج واهي ماتبي تهدم بيت يا مايبي عيالها وصعبه تقعد من غير زواج تبي تعف نفسها ولا تروح للحرام راضيه حتى بعقيم ماعندها مشكله لان ممكن يرضى بعيالها والحين اذا بتتزوج بتطر تخلي العيال عند ابوهم او يدهم اذا امها ماقدرت تاخذ حضانتهم لظروفها الصحيه هم مو ملزومه تظلم نفسها خوانها زفت ما يسندون والام كبيره ومريضه والابو سندها متوفي والخوات يالله نفسي

ها بلا قولي لي هالمسكينه شتسوي كل ليله دمعتها على خدها تبجي تحتاج لزوج يكون معاها
بس الحمدلله الاسبوع الي طاف انذل طليقها بداومه محاميتها طرشت عليه مباحث يسحبونه عشان متكوده عليه نفقات وتبهدل وانقط بالنظاره بس مصيبه دفع وطلع بس المهم انذل مثل ما ذل ام عياله عساه من هالحاله واردى الظاهر زوجته النسره دفعت له ياعساها ماتتهنى معاه خرابه البوت ياعسى حوبه ام عياله تطلع فيه وفيه امه وزوجته وبناتها اللهم امييين

انا والله بس كتبت لج هالقصه عشان تشوفين ان انتي وااايد سالفتج تهون هالمسكينه شتقول لما تتذكر سفراتها وطلعاتها مع بو عيالها واوقاتهم الخاصه 10 سنين حتى يوم صار الطلاق الاول من 8 سنين ردوا عقب 5 شهور ترى كانت مشاكلها عاديه معاه وكانت مع خالتها سمن على عسل طلعات وروحات ومطاعم وقامت في خالتها وحمواتها قووومه بس جزاتها النكران بالذمه مو قهر
عموما عسى الله يهديه لج ويرده لج ادعي واستغفري وصلي الليل وربج مايقصرولي اليوم تسال نفسها وين الخيره بطلاقها مو شايفه العيال متشتتين بين ام وابو وضاعوا لكن حسبي الله ونعم الوكيل

 

[حلاه الكون]

يااارب يعوضج باحسن منه عاجلا غير اجلا.

واستغفري ربج وادعيه باخر الليل
ولاتنسين قرايه سوره البقره فلها مفعول عجيييييب

 

[زوجة عزيز]

الله يعوضج باللي يستاهلج كلشي حبيبتي ولا تترجينه يردج ولا اتذلين نفسج الله يصبرج ان شاء الله

 

[عجايب2009]

استعيني بلله

 

[orchidia]

لو إطلعتم على الغيب لأخترتم الواقع ..

ربي كاتب لج ماهو منااسب لج وربج هو مصرف الأقدار .. أحمدي الله هذي نعمة وباجر بيظهر لج السبب مصيره يظهر ..

استغفري ربج !! يعني دنيآج وقفت على وآحد مايستآهل !!

انتي اكبر من جذي حبيبتي عيشي حياتج واستمتعي ولا عليج منه ... بالطقاق

بيجيج منهو يعوضج ان كان مو من الدنيا حوري ف الجنة قولي آآمين

 

[مشتطـه]

عورتي قلبي

اكيد في سالفه وماتبين تقولينها


عسى الله يصبرج

اانا ما الوووومج وما اقدر اقول الا عسى الله يرده لج

 

[اميره1980]

من باعج بيعيه
خلي عنداج كرامة و عزي نفسج
الله يعوضج باللي احسن منه عن قريب

 

[foshia girl]

من صجج تترجينه !! الانسان من غير كرامه ولا شي

وخري عنه وانسيه شتبين بواحد باعج برخيص حسبي الله ونعم الوكيل فيه

انسيه وتمسكي برب العالمين باجر يعوضج باللي احسن واشرف و أرجل منه
باجر ربج يرزقج بالرجل الصالح اللي يعزج ويرزج بس انتي عليج بالصبر
ان الله مع الصابرين ...

 

[جلكسي بالمكسرات]

لله حكمه حتى في الألم
انتي صغري الدنيا بيصغر همج
وتذكري ان انتي في ابتلاء والله يشوف صبرج عليه
هل انكتبتي من الصابرين ولا من الساخطين ولا من الراضين بكل ما يكتب ربي ؟
اذا خاطرج تشكين لحد وتصيحيين من الشوق روحي أشكي للي قلبج بيده وقلب طليقج بيده
أشكي أشكي له همج واذا تبين طليقج يرجع إن الله على كل شيء قدير
قادر يرجعه لج و قادر يعوضج بألي احسن منه بعد
مالج إلا العظيم
كل هالدنيا امتحان
وهذا امتحانج
اصبري والوعد جنة بأذن الله

 

[فديت من سماني]

يمكن خيره يا قلبي و ربي بيعوضك كثري استغفار مافي مثله انا مجربته و اقري البقره و صدقيني بترتاحين الهي نفسك و اذا ذكرتيه استغفري و ادعي ربي كريم حليم ما يرد عباده و قت حاجتهم بس احنا نصبر و نتوكل عليه ثقي بعطائه برحمته و بتشوفين الفرج و الراحه

 

[اشكي]

حالج موأحسن من حالي انا اشوفه كل جم يوك بحكم ان بيته قريب لبيتنا تدرين عاد انا الحين لابسه قميص ليلة عرسي ورشيت نفس العطر بيوم عرسي ولبست الشبكة وحدي ولهت عليه وذبحت روحي من البجي بس شقول حقير ونذل مااحترمني ولا قدرني حتي محبتي له احتفظ فيها لنفسي موضروري يدري

 

[جاسمريه]

تأكدي وثقي ثقة تامه انه اللي الله كاتبه لك افضل لك ان الله يعلم وانتم لاتعلمون
مش يمكن اللي جايك افضل وطليقك هذا مجرد مخرج والله كاتبلك حياة افضل واسعد

وبقولك كلمتين حطيها حلقه بأذنك لاتذلي نفسك الا لخالقها وعزي نفسك علشان اللي حولك يعزونك