اشرايـــكم ..؟مـع أو ضـــد ...وليـــش ؟!

[@ NIGHT_STARS @]

اقول ( مع ) لان احيانا الظروف تحكم انج لازم تاخذينهم

و ( ضد ) لانهم مصدر ازعاج وعوار راس خاصة ان كان نوعهم يبجون ويحنون مال طراقات لول



هل انتي ( مع ) انج تروحين لدكتور رجل نساء وولادة ام ( ضد ) ؟؟ وليش

 

[((الزيــــن))]

ضد طبعاا
اذا في حريم ليش اروح لريال !!

وقالو بعض المشايخ انه اذا في مرأه دكتوره فحرام اروح لدكتور والله اعلم ....


مع او ضد الفضفضه للزوج بمشاكلج العايله مع اهلج ؟

 

[غنج اهلها]

ضد طبعااذا اشتكيت لة من اهلى وعزوتي وسندي راح يتهاون فيهم ويطحون من عينة

وماعاش من يطيح اهلى من عينة

//

مع او ضد

السفر للشوبنق بسسس ..؟

 

[رضاهم جنه]

مع لان السوق صاير يلوع الكبد >>> بس مو حاصل

مع او ضد تجميع معاش الخدم عند المعزب وما يعطيهم كل شهر ؟

 

[كامري]

ضد



لانها تكون محتاجتهم واهلها بعد



ولمن يجمعهم تكون نفسيتها تعبانه ومالها خلق تشتغل مالومها



هذا اذا كان في اتفاق بينهم



سوالي ؟



هل انتي مع او ضد ...



ان لازم الولد اذا تزوج يسكن مع اهله ؟ ( ان شاء الله فهمتوني ):dddds:

 

[ريـــحانــة]

ضد مـو شـرط إذا كان يقدر يفتـح له شقـة بروحــه يكون أحســن ...

مـع أو ضـد مشاركـة البنـات يمعاتهم وقعداتهـم ...برضاهم طبعاً ؟؟

 

[@ NIGHT_STARS @]

انا ( مع ) بس يمعات البنات والحريم اغلبها يصير منها مشاكل واقرب موقف امس صار لي و كان بيمعة بنات


من جذي القعدة لو ما تطولينها او تكونين حذرة بكلامج احسن لان على الكلمة بتتحاسبين ويمكن شي تقولينه يفسرونه الف شي ويألفون


حجي وسوالف الحريم ما تخلص ..




انتي ( مع ) المستشفيات الخاصة ام ( ضد ) وليش ؟؟

 

[*miss CHANEL*]

مع .. لأن اهتمام اكثر

وانتي ؟؟

 

[أنفاسي دخون]

مبروووووك النجاح مس شانيل

مع .. الاهتمام اكثر والعنايه والاسلوب الحلو ممتاز والمثل يقول قط فلوسك بالشمس واقعد بالظلال بلا منه الحكومي ومرمطتهم على الفاضي

مع او ضد تخصيص شركات الطيران؟؟

 

[زقرتيه_92]

مع لان نبي لازم في تخصيص حق الطيران


مع او ضد يقللون من تصرفات الشباب لازم في قانون لان الصراحه تمادوا ويغازلون اكثر لازم في قانون

 

[غنج اهلها]

خخخخ انتي جاوبتي على سؤالج

واذا دوري للجواب لووولز

اكيد مع

//

مع او ضد

انج تبدئين بالتسامح والعفو على المخطئ عليج ..؟

 

[أنفاسي دخون]

مع .. بس اسويها لوجه الله بس اللي بالقلب بالقلب وما ارد نفس اول ابدا بس المصيبة اذا اللي غلطان عليش شايف نفسه الحق معاه والغلط راكبه من ساسه لراسه :eh_s(1):

مع او ضد تقليص الاجازة الصيفيه للطلاب والمعلمين؟؟

 

[كوكب الدرر]

ضد
لأن من حق الطلاب والمدرسين يريحون شوي من عناء عام كامل

مع أو ضد رفع سن الحصول على ليسن القيادة من 18 سنة إلى 20 سنة

 

[@ NIGHT_STARS @]

لو يسوونه لي الثلاثين احسن ههههههههههه بس نرووووح فيها عاد يماما السيارة ايد وريل ما نستغني



والله نفس الشي عندي وبعضهم صغار سياقتهم مو على طيش كثر الكبار يعني مو ع العمر السالفة


يعني انا مو مع ولا ضد




واللي بعدي نفسه ؟؟

 

[*miss CHANEL*]

ضد

مع او ضد نوم الشاب برى والبيت بحجة سهران مع ربعي ؟؟؟

 

[@ NIGHT_STARS @]

اكيد ( ضد ) لان هو مو عزوبي عشان يسهر ولا جنه عنده مسئولية مرة وبيت



وانتي مع او ضد الوجبات السريعة ؟؟

 

[رضاهم جنه]

طبعا ضد مامنها فايده غير التفخ

مع او ضد دخول الحريم النوادي الصحيه ؟>>> ودي بس ابو الشباب رافض

 

[((الزيــــن))]

مع اكيد - بس لازم تكون سمعت النادي زينه
لان فيه بعض النوادي تغريج باسعااارها الخرافيه الرخيصه عشان بلاويها وكاميراتها شغاله !!


مع او ضد قص شعر البنت او المراه بوووي !!

 

[00(( خزامى ))00]

ضد اذا كان المقصد تصير بويه

ضد ام مع تقليل مزايا اعضاء مجلس الامه

 

[أنفاسي دخون]

مع .. لان المزايا هي مخليتهم يتمادون ويستهترون بالقوانين الا ما رحم ربي

مع او ضد تأجيل صلاة الفجر بحجة النوم؟؟