اشرايـــكم ..؟مـع أو ضـــد ...وليـــش ؟!

[pretty sarona]

مع , أول شي هذا تعدي على اموال الدولة و اهو شي مو من حقنا .. ثاني شي منظر مو حضاري كلش اللي حاطله دوانية واللي حديقه واللي جبرات و مقعد السواق واللي خياط ولا مطبخ ولا ولا ,, وايد وآخر شي واحد مأجر بيته كله و قاعد بالدوانية بره !!!! يسموونه استغلال ,,
سؤالي : مع أو ضد زواج الكويتي من الأجانب

 

[توته79]

اكيد ضد لان يا ما شباب تزوجوا اجنبيات وتبهذلوا اللي خذت منه العيال واللي واللي..واختلاف العادات التقاليد .. والواحد موضامن العشره الزوجيه شلون بتكون ..وبنات الديره مافيهم شي شكثرهم ابيت اهلهم ليش الكويتي يتزوج من بره الا طبعا في حالات شاذه اذا كان مطلق كذا مره ومحد راضي فيه ممكن ترضى فيه الاجنبيه ..صح الواحد موضامن النصيب حتى لو تزوج كويتيه بس بعد بنت ديرته اهون ..

سؤالي ..مع او ضد ان العانس فوق 35 تتزوج ريال في عيب خلقي

 

[ريـــحانــة]

مــع ،،، مو مشكــلـة إذا فيــه عيــب خلقــي ... أهـم شئ تتأقلــم مع هالعيــب


وتعيــش حياتهــاا بالشكـل الطبيعــي وتمــارس دورهــاا في الحيــأة


يامـــاا في بنــات ماخذيـــن شباب بعمــر الورد وكلهــم عيـوب خلقيـــة ...!!


أمســك عليــك مينونــك ،،،،



مـع أو ضـــد ظــاهـرة التفاخــر بالخدم مـن حيثُ عددهــم ،،، حتــى لو ماكــان


لهــم ذيــج العــازة ...؟!! ( وجــاهـــة و بـرستــيـج )

 

[ريـــحانــة]

مـع أو ضـــد تأخير الزواج لي بعد انتهــاء الدراســة ...؟

 

[ms.mercedes]

انا مع التاخير بالنسبة للرجل وضده بالنسبة للمراه ....

مــع أو ضـــد الحـــب قبـــل الــــزواج ...؟

 

[كوكب الدرر]

ضد

لأن معظم الزيجات اللي فيها حب قبل الزواج تفشل

والزيجات اللي يكون فيها الحب بعد الزواج تدوم أكثر


مع أو ضد تقليل الامتحانات وعدد المواد الدراسية المقررة على الطلاب

 

[ريـــحانــة]

مـع التقليـــل اكيــد والتركيــز عــلى المقررات المهـمة التـي تفيـــد الطـالب

في حياتــه العمليـــة ...


مـع أو ضـــد إنشــاء ديوانيــات خـاصـة للحريـــم <<< ودهــاا مـن قلــب

 

[عصامية]

لا .. انا ضد إنشاءديوانيات للحريم ..ما حاجة ..بروحهم اللهم يا كافي
انت مع أو ضد مناهجنا و التعليم في الكويت إلي ما خذ بالاستفال و لا ارى فائدة من المؤتمرات التي تقام

 

[ريـــحانــة]

أكيــد ضــد ...أحس أن الشغــلـة كلهــا اجتهادات ورميــة مـن غير رام ِ


مـع أو ضـــد ... السفــر فــي إجــازة الصيــف حتــى لو كــان عــلى حســاب ظرووف الزوج الصعبــة

 

[ريـــحانــة]

أكيــد ضــد ،،، الله يخلي الديــرة فيهــا أماكــن وشغلااات تغنينـــا عـن السفر...(خاصة للي عندهم ظروف )


مـع أو ضـــد الأســواق النســائـية ....؟!

 

[ريـــحانــة]

مـع أو ضــد الأســـوااااق النسـائـيــــة ....؟؟؟؟؟؟

 

[ريـــحانــة]

مـع أو ضــد الأســـوااااق النسـائـيــــة ....؟؟؟؟؟؟

 

[shwaga]

مع



مع او ضد الازالة ؟؟

 

[Toadette]

مع الازالة .. بسهم هالرياييل خل ايهيعون ببيوتكم كافي هياته وعدم تحمل المسؤولية !!

مع أو ضد

البطولات الرياضية للبنات

 

[ابلة رسم كتكوته]

معاها بس بحدود
لا يحطون الوحده تتكوكس بالتلفزيون ولا السباحه او او ...............الخ
مع او ضد بيع النساء بالمحلات الرجاليه والرجال بالمحلات النسائيه
حق التمقل والتخوزر

 

[Toadette]

انتي قلتيها حق التمقل والمخوزر

خو ريال يبيع بمحل رياييل وحرمه بمحل حريم ..
تنبط جبدي من السوريين واللبنانيين اللي يبيعون بحولي وااااااااااي !
ويوم حطو القرار ممنوع شالو الدنيا وشدخوها هذا رزقنا واحنا شنسوي وسووها فلم هندي .. مادري متوظفين اب شهادة بكالوريا .. خو كلها جم مقاسج وتقصير وتطويل !
مع مغازلهم القذر اللي مال تيزاب ينكت عليهم
سوري بس انا وايد منقهره من هالسالفه انا مو محافظة كلش ومع التعليم المشترك بس هالسالفه انا ضدهااااا لأن مالها معنى كلشش
ولأن كل جنس له خصوصيته مايصير هالتمسخر واهم شي اذا كانو يشتغلون اب محل ملابس داخليه ..
صج مسؤولين ديرتنا مافيهم نخوة ولا شهامه ولا رجولة كلشش

وبس هذا رأيي

مع أو ضد

تعليم العزف في الروضة

 

[ريـــحانــة]

ضــد


مـع أو ضـــد / القنـوات إللي تهتم بالشعر والموروث ( مزاين الإبل .. والطيور .. والمقانيص .. والمحوارات )

وكثرتها ؟ وهل لها تأثير سلبي أم إيجابي ؟

 

[^حلاوه^]

مادري والله سؤالج محير بس انا اشوف انه وجودها مالها تأثير >>>مع

وفي فئه كبيره بمجتمعنا تهتم بهالقنوات

سؤال حق الي بعدي انتي مع او ضد الخمس دوائر وليش؟

 

[كويتيه حلووووه]

مع

احسن من من كانو وايد جذي يصيرون مجكنمين احسن


مع او ضد قانون الفرعيات ؟

 

[Toadette]

مع قانون الفرعيات وانشالله يحطون قانون يمنعون الأحزاب الطائفية عشان نفتك من الطائفية بالديره وتحلى الدنيا

مع أو ضد

حرية الرأي ( حتى لو كانت تتعارض مع رأيك )