اشرايكم؟ ودي اسمع آراء بخصوص اللي ما تزوجت

[أ. ميم الهاجري]

مو شرط دايما الدين مقياس

في اشياء نفسيه واجتماعيه

ونظرات الناس ونظرتج لنفسج بعد ماتتعرضين بهالمواقف مع الناس تندرج تحتهم


انا في بلايين الشغلات مو مقتنعه فيها بس كحاجه اجتماعيه ونفسيه اسويها

 

[(( الذهب ))]

معليش عذرج ماله معني ؟؟
شنو يعني ما تحبين الازعاج وعيال اخوانج يضايقونج وما تقدرين تاخذين راحتج ؟
هذا ابليس يقص عليج يا حياتي لا تصدقينه من متي البنت عندنا تطلع لحالها ؟
كلام الناس ما يرحم وبالدين انتي تعرضين نفسج لمخاطر الله العالم فيها وما يجوز لج
وما يصير تحطين نفسج بشي يررجع لج بالاذيه

 

[معصبه وايد]

حبيبتي الي كاتبه الموضوع سوي الي تشوفينه انسبلج

ااذا اهلج مو قادرين يحطون لج سويت خاص فيج طلعي بشقه بروحج اعتقد احنا من العصر اليديد مو العصر الحجري
وانتي مو طالعه من بيتكم الا بغرض وانتي مو مراهقه سنج مشاءالله بلغ السن القانوني 33 ماينخاف عليج بالغه وواعيه وفاهمه
ويكفي دراستج بالخارج علمتج شغلات اكثر من الخرابيط الي بالديره الي يخافون من بيت فلان وعلان ومايخافون من الغلط الي بيسونه

نصيحتي لج لو بتمين تمشين على فلان وعلان ما راح تخلصين
وكلام اغلب البنات الناس ماراح ترحمج.؟ بسالج واحلفج بالله؟؟ بدشين الجنه على اريول الناس؟



خلي الناس تقول الي تقوله مو يقولج يقولون مالا يفعلون


الناس المستوره من فوق لي تحت وماتطلع خير شر من بيتها الا بالاعياد والمناسبات يسولفون فيها؟؟؟ من صجج انتي؟
لو بنعتمد على كلام الناس صدقيني جان حتى سيارات ودراسه بالخارج ولياسن مااخذنا لان قبل الناس يقولون عيب البنت تسوق سياره وعيب تدرس برا


خلي مخج عصري وخلي عنج الاساطير الحجريه وسوي الي تشوفينه يصلح لج

 

[كسرنى الهم]

لا انتى محترمه وتحبين الهدوء
بس الناس مايعرفون هشى
مالهم الا الظاهر ومايدرون عن ظروفج
الصراحه موعدله بروحج فى شقه
خصوصا انج بنت موولد عشان ماينخاف عليه
انشالله تشوفينلج حل ثانى غيره وفكرى عدل
قبل ماتقررين

 

[عزتي مالها حد]

من بعد رفض ابوج
حاولي تقنعينه انه يبني لج شقه

وقولي للوالد :
انا باجر ان شالله بتزوج وراح احمل ويكون عندي طفل ، وطول مدة الـ ٤٠ يوم راح اكون عندكم في البيت
فاأبي شقة خاصة فيني

 

[Dana.Qtr]

ادرؤا الشبهات ما استطعتم ,, انتي مو صغيره وتعرفين احنا مجتمعنا محافظ والشيطان مامات ,, مانصحج تعيشين بروحج وتروح حياتج كلها وانتي وحيده ,, كحل وسط ممكن انج تبنين لج ملحق بالبيت مثلا صاله بغرفتين بمطبخ بحمام جذي ممكن يكون مريح بالنسبه لج بس ماتبتعدين عن اهلج انتي بحاجتهم واهم بحاجتج وكلام الناس مايرحم حتى لو بتقولين مابي اتزوج !! كلنا بنموت وبعد عمر طويل مب حلوه حد يذكرج بالشينه ويقذفج وانتي بقبرج والعمر مره عيشيه بحلوه ومره وازعاجه وخلي عنج حركات الغرب =)

 

[الليدي لاميتا]

دارلنغ
اذا انتي قد المسئوليه وواثقه من نفسك وهاذا اللي حسيته فيك :eh_s(22): سويها وكنا العيد العمر مره ارضي نفسك وقناعاتك اهم شي تكونين قدها وكلام الناس ترى اذا تكلمو مردهم يسكتون مو قضيتنا اهم شي اتسوين اللي انتي تبينه وتشوفينه لمصلحتج منتي ماذيه احد
غاد بلس يو
:eh_s(17)::eh_s(17)::eh_s(17):

 

[Miss^NeozZ]

سويها وادعيلي اسويها وراج =_=

 

[Diana *]

إذا تقدرين تمشين أمورك وإنت أساس تشتغلن و تصرفين على نفسك
رايي إن مافيها شي !

و ترى إرضاء الناس غاية لا تُدرك ! سوي إلي يريحك ولا عليك من كلام الناس​

 

[a7la-elbanat]

لا ما انصحج والله لان انتي بمجتمع مغلق تفكيره يختلف ترى عن المجتمعات الغربيه او اللي عشتي فيها طول فترة دراستج واذا عن الازعاج حطو قوانين بالبيت وانتي حاولي تكلمين امهم يعني او اشتركي بنادي وحزة مايكونون موجودين انحاشي وروحي عيشي حياتج بهدوووء

الله يوفقج

 

[مزن الكويت]

لالاطبعاا شلوون تعيشين بروووحج انتي بنت ماتدرين باجر شنوو يصير
وكلالالام النااااس باجررر يظلم
وشلووون تعيشين برووحج وحيدة رااح تتعبين من الوحدة
لالان الانسان بطبعه اجتمااااعي
عيشي افبيت ابووج وااامج معززة مكرررمة

 

[Angel-Lady]

حبيبتي انا من النوع الي ما اهتم بكلام الناس و لا بعاداتهم و تقاليدهم مادمت ارضي بالاول ربي و بعدين اهلي و زوجي

انا ما اشوف فيها شي بس مجتمعنا و للاسف عايشين على سوء الظن و جلب المشاكل لغيرهم و يطلعون الكلام من الجيب :]

يعني انتي كبيره و تعرفين اتدبرين امورج ما دمتي عشتي بغربيه و رجعتي و لله الحمد مثل ما رحتي و احسن

بس هذا الموضوع ما راح يمسج انتي بروحج، راح يمس اهلج و الي حواليج

الحمدلله انتي واثقه من نفسج و اهلج بعد بس المشكلة مو فيج من مجتمعج

تبين تطلعين طلعي بس سمعة اهلج اهي الي تتاثر

و شي ثاني كل ما كنتي قريبة من امج و ابوج كل ما تيسرت لج امورج و من رضاهم قاعد تاخذين اجر

و اذا انتي متضايقه احتسبي و تاخذين الاجر

بالنهاية انتي ربحانه في بيت اهلج ان شالله

و الله يوفقج بالي توسينه و تتخذين قرارج فيه

ادعي ان حالج يتغير للاحسن *

 

[المرتاحة]

مشكورين حبايبي كلكم :eh_s(7):

انا رديت اخر رد بس ما قلت لكم ليش الوالد اعترض

لما سألته ليش مو راضي ترى بدينا سكن المراة بروحها مو حرام

قال لي ادري انه مو حرام بس شنو راح يقولون لناس!!

قلت له واحنا اشعلينا من الناس

قال لي باجر بيقولون الناس اشعندها طالعه بيت بروحها واهلها موجودين ... الخ

انا علشان جذي سكت والله ثم والله اني سكت علشان خاطر ابوي حبيبي ولا وربي انا ما يهمني كلام الناس كلش
اشدعوه يوم سافرت بره ما قاموا يتحجون

اللي تقط نغزات و تقول بالديرة الي رحتي لها فيها كازينوهات واطالعني بنظرة و تبتسم!!! و اللي تقول ساكنه بروحج هناك محد عندج ماخذه راحتج !!!!

قلت لهم حتى اهني بالديرة فيها الخربطة و الفساد واللي ما يخاف الله بيفسد حتى لو هو في الحرم

والله ما اهتميت لكلامهم لانه يدل على ان عقلياتهم تكرمون محشوه "تبن"

وبليز بنات اللي عبالهم انا تفكيري فري او غربي!!!

ترى انا الحمد الله محافظة والدين واحكامة عندي خط ما اتجاوزة بس العادات اللي تقمعني او تضايقني ما اقلد فيها دام انا ما اخالف الدين

انا تراجعت عن الفكرة بالوقت الحالي والله مو علشان الناس انا تراجعت علشان حبيبي ابوي مابيه يتضايق

وانا اقدر ارد واكلم الوالد لين يقتنع مثل ما اقتنع اني اسافر و ادرس بروحي

بس فكرة اني ابني شقة ابيتنا جنها دخلت مزاجي واذا ما صارت راح ارد و اكلم الوالد

وبنات بليز انا مادري اشلون حكمتوا علي اني وحده احب العزله!!

بالعكس انا احب لمة الأهل بس في اوقات احب اقعد فيها بهدوء اسوي فيها هواياتي واشياء تخصني بس الازعاج ينرفزني

واللي تقول اذا يوا ناس يخطبون و دروا اني ساكنه بروحي بيهونون... اقول لها راح اقول لهم مع السلامه ما تشوفون شر

وبعدين ترى مو كل الناس تفكيرهم واحد ترى الناس تختلف

عندي اخت درست بره بروحها و اولما رجعت على طول انخطبت و تزوجت مع ان اخوه كان ينصحه انه ما يتزوجها لانها دارسه بره.. بس ما اقول الا كل من يرى الناس بعين طبعه

انا مادري ليش بعض الناس مخهم معشش فيه ابليس و كل تفكيرهم و ظنهم سوء


مشكورين حبايبي كلكم :eh_s(7):

 

[قلبي وينك]

لو عندج اخوان صغار فأنصحج تاخدينهم معاج على الاقل حجه وحاجه او تقنعين الوالد والوالده يباتون عندج على الاقل الي اقصد انه يكون بيتج في حركه من اهلج يعني تقريبا شبه ساكنين معاج

 

[حزن الليل]

اول شي ياحلات اليمعه اذا ع قلب واحد بس المصيبه اذا تعودتي الهدواء اهني عوار قلب:eh_s(16):
ثانيا شي معاج بفكرة الشقه لان الحين ولا باجر لا زم يكون عندج سكن مستقل لان بعيد الشر ان شاء الله بعد عين ابوج وامج مالج
الا بيتج هاذا الواقع صح سواء كنتي متزوجه او لا >>>دووم افكربهاشي حق المستقبل:gr4uu:

انتي دوري شي قربي من بيت اهلج وخذي معاج واحد من اخوانج
او ردي كملي دراست عليا
اذا عارض ابوج حيل خليه يبنيلج بالسطح بيتكم ويسويلج شقه صغيره و باب خارجي ع الشارع عشان تاخذين راحتج اذا تتضايقين

والله يكون بالعوون حبيبتي :eh_s(17):

 

[حزن الليل]

اللي تقط نغزات و تقول بالديرة الي رحتي لها فيها كازينوهات واطالعني بنظرة و تبتسم!!! و اللي تقول ساكنه بروحج هناك محد عندج ماخذه راحتج !!!!


حرتني شها الحجي:rgewrg: كلنا يناظر الناس بعين طبعه استغفر الله شنو ماتدري القدف حرام ولا شنو الله يعينج ع ها العقليات

انا مادري ليش بعض الناس مخهم معشش فيه ابليس و كل تفكيرهم و ظنهم سوء
في هاذي صاجه شكثرهم مدري متى تتغير هالنظره عن البنت ماقول الا الله يهديهم :yaaaaaarb:

 

[صلوا ع الرسول]

غلط وأكبر غلط بعد

كلنا مانحب الازعااااج بس مو هو الحل ان نطلع شقه بروحنا

تخيلي لو يجيج حرامي بنص الليل )))))))))متأثره بالافلام خخخخخخخخ
بس صج شنو بتسوين شلون تتصرفين

حلاته اقعد عند امي وابوي واهلي واستانس بينهم شماخذين من الدنيا

 

[سوزي الشرقية]

دام انش تتقبلي الاراء عادي يعني بكتب راي بكل صراحة\
اولاانتين عشت فترة في خارج الكويت
يعني الدول الأجنبية معروفين يحبوالهدوء ويكرهوالازعاج ولمن رجعتي الكويت لقيتي العكس صحيح
اني وياج لان انتين تعودتي على العيشة بالخارج وهناازعاج بس الحل الي طرحتيه حبيت اقول لش انه موحل منطقي اساسا
وانتين عارفة وفاهمه الوضع هنا في انه بنت تتطلع تسكن بروحها وحتى وان كانت على خلق ودين واهلهاخوش ناس وهي انسانة خلوقة ومن هالكلام ..حطي في بالش الناس ماراح ترحمش من الكلام الي بينقال عليشـــ...
يعني مثل ماقالوا البنات اذاانتين منزعجه من الوضع في بيتكم سوي الش قسم خاص فيج
وبكذا تكوني لقيت حل جذري ومنطقي لمشكلتش..

 

[أم الفارسة]

حبيبتي مليون فكرة تسوينها بالبيت وتحطين عازل وتعودينهم على هدوئك وحبييت انبه ان الشقة يبيلها تصليح والصحي لازم يصلح بين فترة والثانية ومصلح التكييف راح يدخل يعني شقة ملك او بيت المصلحين شهريا لازم يدخلون البيت والله المستعان

 

[حياتي ربيع]

حبيبتي أنا من وجهة نظري إنو ماينفع لبنت تسكن لحالها في مكان غرييب وأهلها موجودين وبيت أبوها مفتوح ،، ومو عذر مقنع ابد إنك تطلعين لحالك عشان الإزعاج ،، كلنا نعاني من الإزعاج بس مافكرنا نطلع في شقه لحالنا ،، افترضي إنك احتجتي لشغلة معينة أو طحتي تعبانه لسمح الله أو فجأة بآخر الليل جااا أحد غريب وضرب باب الشقة وجوالك مفصول وش ممكن يصير لك لسمح الله؟؟
وفكري بأهلك قبل لاتفكرين في نفسك انت تتخيلين إن أبوك أو أمك ممكن يكونون مرتاحين وأنتي مو جنبهم؟؟
أنا من راايي تعوذي من بليس وجلسي فبيتكم ,, والله مافي أحلى شي بالدنيا من جمعة الأهل والأخوان وعيالهم
وتقبلي وجهة نظري​