اشرايكم؟ ودي اسمع آراء بخصوص اللي ما تزوجت

[Mrs.Q]

اختي المرتاحة مساء الخير شلونج حبيبتي شخبارج
انا قريت احد ردودج وتقولين الاهم الدين مو نظرة الناس
الدين يا حبيبتي يق،ل ان نبتعد عن الشبهات يعني حتى لو الناس تفكيرهم غلط بدون اي سبب او دليل وحتى لو احنا اطهر ناس على وجه الارض لاززم وفرض نتقي الشبهات! في حديث للرسول آن كان واقف مع زوجته صفية اللهم صلي وسلم عليهم فلم يو الصحابة وخروا فناداهم فقالهم مهلا انها امكم صفية فقالوله احنا مانشك فيك فرد عليهم ان لازم الواحد يبرر موقفه ويوخر عن الشبهات
هذا واهوا اطهر وانقى واشرف من خلق ربي فما بالج فينا؟ عرفتي فاتقي الشبهات ولاتحطين فسج محل شك او عرضة انج تصيرين علج بحلوج اللي يسوى واللي مايسوى
وبالنهاية حبيت اقولج ماشا الله عليج عقل وثقل واحب ردودج ومواضيعج
وبالتوفيق حبيبتي =)

 

[الحللللوه]

ماانصحك

 

[Maybe_87]

حبوبة المجتمع عندنا ما يتقبل إن البنت تسكن بروحها
يطلع عليها كلام يمكن يمس أهلها وعرضها
وعفوا إختي بس أحس إن عذر الهدوء مو كافي
إنج تسكنين بروحج
ليش ما تبنين لج شقة خاصة فيج فبيت أهلج
ويكون لج مدخل منفصل للهدوء والخصوصية
وأتمنى تتقبلين راي

 

[manoooram]

المرتاحة الغاليه
ما انصحج تطلعين من بيت اهلج وتسكنين بشقه بروحج
حتى لو كان العذر ان تعودت على الهدوء بحكم دراستج في الخارج
قبل كل شي يا قلبي .. لا تقولين كلام الناس مو مهم
المجتمع ما يرحم بيبدون الناس يتكلمون ويتهمنوج بأمور وايده أهمها تشويه سمعتج اللي اهي أهم ما تملكه البنت
غير معاير الرياييل من الاهل و الاصدقاء لأبوج واخوانج ، كلام يسم البدن
وبينكسر قلب امج بفكرتج يا حياتي
ولاتنسين اعوذ بالله لو ايي احد يتهجم عليج وانتي بروحج شبتسوين وقتها وانتي امرأه ضعيفه لا حول ولا قوة !!!
طلبي من الوالد يبني لج جناح خاص فيج او شقه بدور منعزل وبس يا قلبي جذي احسن حل

 

[جوجوو نايس]

عسى الله يوفقج ويكتب لج نصيييب..~

آنا مـاآنصج آنج تطلعين من البيت وتروحين تعيشين بشقه حتى لو تمليك ..احنا تعيش مجتمع ترفض هالشئ وناس ماتخلي آحد بحاله يطلعون سوالف تشب الرأس خصووصا إذا وصل سوالف الحريم حق آمج آكيد راح اتضاايق وتحتر .. نصيحتي لج آنسي هالموضوع آنج تطلعين من البيت آهم شئ آمج وآبوج ناس ماراح ترحمهم .. حتى غير آخوانج فيه شباب تقطون نغزااات وربي صااروا نفس الحريم..~

آنسي المووضووع آووك ..~

عاد آنا إذا صار بالبيت هدووء آستغرب آروح آدور آخواني ياآلقاهم نايميين آو طالعين .. راح آتعودين ع الازعاج صدقيني..~

 

[$ بنت علمي $]

أول شيء أنا تعجبني ردودج ويسعدني تواجدج في مواضيعي ~

ثاني شيء من صججججججججج ؟


بتطلعين عن بيتج ؟

هذا بيتج وين تروحين ~

صدقيني حتى لو البيت فيه إخوانج وحريمهم واعيالهم موسبب علشان تطلعين ~

ؤالله باجر بتفقدين لمه أهلج لما يكبرون ؤيروح كل واحد بطريجه ~

ونظره الناس تخرع ~
بيقولون شعندها طالعه أكيد مسؤيه شيء ~
واهلها أكيد طاردينها

بيطلعون سؤالف مالها أول ولأ تألي عنج وعن أهلج ~
ؤالله يالمرتاحه خليج بيتج بين أهلج واعيالهم

لا تطلعين

تخيلي سكنتي بروحج وصار شيء منؤ عندج محد يدري عنج ؟

وأمج ؟

ياحررررررام بضيق خلقها بنتها مو عندها ؟


خليج عند أهلج أحسن بعدين هذا بيتج ؟

في أحد يطلع من بيتها ؤيروح شقه ؟

 

[Tom ♥ Jerry]

,


انا بعد قبل لا آتزوج كآن بيت ابوي و آخوآني ازعآج مآشالله عليهم
و ليلحين مرات اذا رحت من العصر ليه الساعه 12 بالليل آتضايق شوي ..
خصوصا اني صارلي مده من تزوجت تعودت على الهدوء ..
بس قبل لا اتيي بنوتتي طبعا
كنت آتضايق شوي في بيت ابوي .، بس عادي يعني ..
و قبل الزوآج كنت لمآ آتضايق اروح غرفتي اشبك .. آروح عند ابوي > دايما عنده هدوء
آقعد عنده .. آمم آحآول اسيطر على الهدوء .. مثلا كنت العب اليهال
أو أطلعلهم أفكار عشاني يلعبون و غيره .. يطخون شوي
بس ولا مره فكرت و طرت على بالي فكره اني آقعد في شقه بروحي :|
اصلا أولا و أخيرا فكره الناس عنج بتكون غلط
بنت عمرها 33 مآ تزوجت طلعت من بيت ابوها و قعدت في شقه منعزله بروحها :/ !
اصلا الحين الزمن يخرع شالسالفه !!! شلون تفكرين هالتفكير آصلا..
ترا وآيد غلطآنه انتي و تحملي و حآولي تلهين اليهال أو سوي اشياء ثانيه ..
يعني خلي فتره توآجدج بالبيت قليله نسبيا طلعي استانسي روحي تعالي مع رفيجآتج
و تعالي الساعه 11 آعتقد اليهال نآيمين .. مو كل يوم طلعه طبعا ..،
يعني دورة / نآدي / عمل تطوعي اي شي المهم انه تلهين بآشياء ثانيه غير الآزعآج الي بالبيت
و الله يعينج و باجر اييلج نصيبج آن شاء الله و تروحين من بيت ابوج ليه بيت ريلج ؛**

 

[* ليــــدي *]

النظره بتكون سلبيه آكيد اذا البنت سآكنه بروحها ..
و بالنهايه اللي يريحج سويته

 

[ya al3rosa]

لا ما انصحج كللللللش
اقولج ليش شوفى انتى اتعرفين كلام الناس بيطلعون كلام يشيب الراس ويتسمعين كلام وااااايد بيفكرون يقولون ليش تبى بيت بروحها وليش وليش ما يفكرون ان البنت تبى ترتاح كلش ماراح يفكرون جذى انا اقول الاحسن ان يكون لج جناح خاص وايد حلو

 

[khawla&tito]

حبيبتي انا عايشه بروحي وعالمي الخارجي اهوا النت والدوام صدقيني انا كل يوم ابجي من الوحده والضيقه اللي فيني اخر مره بجيت من ربع ساعة اللي عنده اهل ترا اهوا بنعمه كبييييييييييييييييييييييييييييييييييييييييييييره حتى لو مومتحمل الازعاج والله ان الازعاج ارررررررررررررحم بووووااااااااايد من الوحده ترا الوحده قاااااااااتله شوفي بالقران الدعاء ربي لاتذرني فردا وانت خير الوارثين جم نبي دعا الله انه مايصير بروحه ع فكره عندي صديقات بس مو معاي 24 ساعة وانا كتبت لج تجربتي والله يوفقج

 

[Pink.Barbie]

شوفي انا فاهمه فكرتك تمامااا

ليش لاني عايشه برا و لمن اجي بالاجازات علا قد ما اكون مشتاقه علا قد ما احس بشي غريب !!

مع انو انا اموت بالاطفال و مايزعجوني بس

سبحان الله الي يتعود علا الاستقلاليه التامة صعبه يرجع ينحط باطار من تاني

ولاني من الناس الي يفكرو انو يستقلو لحالهم بس ارجع

فما اقدر انصحك حاليا

انا ما مريت بتجربه الاستقلال ببلد عربي وحطي تحت عربي مية خط

لانو المجتمع برا نظرتو و تفكيرو لهالشي طبيعي جدا الي مو طبيعي عندهم انك تسكني مع اهلك لوووول

علا عكس العرب

مع اني اعرف بنات كتير مرو بهالتجربه لظروف عملهم

بس عن نفسي ما اعرف كيف ممكن تكون تجربتي لاني بالسراحه حساسه و ما استحمل اي ظرف

فكري كويس مره و شوفي نفسك تقدري تتحملي ضغط المجتمع

لانو ازا خرجتي ببيت لحالك و بعدين رجعتي ما عاد اهلك يثقو بقرارتك زي اول

 

[بتول الرياض]

مانصحك تسكنين بروووحك
اذ تحبين الهدوء سوي جنااااااح لك خاص غرفه نوم وصاله وحمام ومطبخ صغنون حتى لو بتستقبلين احد من صديقااتك عادي بس يكون ببيت اهلك يعني اذ بغيتيهم يكنون بجنبك بس تسكنين بروحك لا ماانصحك
وبصراحه احس امك واهلك رااح يزعلوون عليك ليش تطلعين برووحك
واتمنى لك حياه سعيده

صح كلامها سويلك جناح خاص في بيت اهلك واجلسي فيه اما في شقة لحالك لا هذا اكبر غلط الحين احس مافي امان ابدا

 

[Lemon Juice]

أغلبنا يحب الهدوء

انا أكثر وحدة معروف عني بين أهلي اني هادية واحب الهدوء

أغلب الوقت قاعدة بغرفتي

حتى بالدوام اذا صار صيحة وازعاج بين البنات أقوم أروح أي مكتب هادي ،

أتخيل أعيش بسكن مستقل هادي ومرتب حسب اللي أبيه ترا الموضوع ممتع من جوانب معينة بس الواحد يفكر بكل شي أولها امي وابوي

حتى لو وافقوا ترا داخلهم حزييين وضايق خلقهم

فكري بكل الجوانب وابتعدي عن الأنانية

أنسب حل ينبني لج جناح خاص فيج مثل ما قالوا الخوات

حاولي تقنعين ابوج يتقبل فكرة البنيان

 

[عاشقه الشامري]

لا ما انصحش الوقته هذا صعب المره تطلع بروحها مشوار بسيط كم ساعه وترجع لبيتها شلون لو تسكن بروحها لا والله اقعدي في بيت اهلش


حتى لمستقبلش لو فكر احد يجي يخطب او شي ويدري انش عايشه في شقه بروحش راح يغير فكره الارتباط فيش ولأسباب كثيره

واولها انش ساكنه بروحش خليش عند اهلش معززه ومكرمه وارعاج الجهال مو معقوله ما تحملينه وانتي قاعده بغرفتش بروحش يعني

لو انتي متزوجه وعندش عياااال صغار ماراح تحملينهم وبتعيشين بروحش وهم بعيد عنش عشان ما تحملين ازعاجهم لا شي كلش مو منطقي


ومو معقول وسبب كلش مو مقنع ويخليش تطلعين من بيت اهلش الاهل عزوه وسند للمره واذا بعدتي عنهم تخربين حياتش كلها بيدش

وانتي ما تدرين تعوذي من ابليس وخليش بين امش وابوش حتى لا سمح الله يصير لش شي الا يكونون اهلش عندش مو بروحش


فكري عدل ولا تخلين ابليس يلعب براسش

 

[فلنتينو]

بصراحه
كلام الناس مايرحم وماتدرين شنو بيقولون
والمرأه ضعيفه لو يصير معاج شي وبرووحج وانتي ماتقدرين تسوين
شي

لا والله خلج بين اهلج وخوانج
وماآييد هالفكره

 

[Nanoosa]

ليش ما يبنون لج شقة بالبيت؟ يعني يبنون دور يديد بسيط فيه صالة و غرفة و حمام و مطبخ

منها تشوفين أهلج لي نزلتي عندهم و منها تسكنين بروحج بكل هدوء

انا 2 من عيال عمي و ولد عمتي سوو هالطريقة

و شوفي اللي يريحج

 

[»βαzεя«]

مانصحك تسكنين بروووحك
اذ تحبين الهدوء سوي جنااااااح لك خاص غرفه نوم وصاله وحمام ومطبخ صغنون حتى لو بتستقبلين احد من صديقااتك عادي بس يكون ببيت اهلك يعني اذ بغيتيهم يكنون بجنبك بس تسكنين بروحك لا ماانصحك

معاها

 

[بنت العقربيه]

انا اعشق الهدوء واحيانا اقول ياليت اني اسكن لحالي لان عندي خوات صغار مزعجيبن وطلباتهم ماتخلص لكن في نفس الوقت مااحب الوحدة
اذا ممكن ابوك يسوي لك ملحق في الحوش او السطح افضل من انك تروحين لحالك الدنيا مافيها امان يمكن احد يعرف انك لحالك في الشقه ويتحين الفرصه ويصير شي لايحمد عقباة والله يستر عليك ويوفقك يارب

 

[كيكه توفي]

انا عمري 21 واحب الهدوء مثلج ووايد لما اسولف مع رفيجاتي اضحك واقول جان زين يصير نعيش بروحنا ومتى ما ولهت على اهلي ازورهم واضحك واقول وايد انا متاثره بالافلام يعني الشي ضحك وخيال مستحيل يكون صج مجتمعنا مايسمح بهالشي لهم نظره غير من هالناحيه مايصير اذا الولد مايسويها شلون البنت

 

[أحلى البشر]

انتي نفسي انا هاديه وما احب ازعاج اليهال طفارتي المدابج والركضه وتصفق البيبان والصراخ يبوووووي ماقول غير الله يعين اهلهم اللي مجابلينهم ليل نهار لووول

شوفي حبيبتي طلعه من بيت اهلج شيليها من بالج موووليه الا اذا رحتي لبيت زوجج ان شاء الله لسبب لو تقدم لج ريال ودرى انج ساكنه بشقه تمليك بظنج بيوافق؟؟ اذا انا بنت لو تقدملي ريال ساكن بشقه بروحه والله ما اوافق ! لاتقولين تخلف لاتقولين تحجر هذا الواقع وهذي نظرة الناس انا ماقلت جذي ابي اضايقج لا والله ابيلج الخير دوري اي حل ثاني غير انج تسكنين بروحج
جربي حطي عازل بغرفتج قولي حق اخوانج يسكتون اليهال مو طول الوقت عندكم يعني شوفيلج اي حل ثاني غير الطلعه ومووفقه