اشرايكم؟ ودي اسمع آراء بخصوص اللي ما تزوجت

[بسمه المشتاق]

انا رايي من راي البنات حبيبتي

ما انصحج تسكنين بشقه بروحج خاصه احنا بمجتمع محافظ تحكمنا العادات والتقاليد

حتى لو كانوا اهلج يعرفون اخلاقج واهلج كلهم فالناس راح تتحجى عليج بالشينه وما اتوقع انج ترضينها عليج او على اهلج

فبرايي كلمي اهلج سويلج جناح خاص لج بالبيت عشان تاخذين راحتج

 

[اقدع مصوراتيه]

(((حممممممممدلله والشكر مالها عذر هاده اهلها وقاعده بروحها ؟ شنو يعني ازعاج ؟ لالالا ماعليكم منها ... والله استغفرالله استغفرالله فيها بلا ... شهالعذر ...شدعوه يحافظ كلنا عندنا عيال وعايشين بالازعاج ليل نهار ماهدينا بيوتنا وطلعنا وسكنا بروحنا ... لا ويه اعوذ بالله ديروبالكم منها ... وقولو لبناتكم والي يعزون عليكم لايحتكون فيها ... هالبنت وضعها مايطمن ومايندرا شوراها )))))))


















حيل قاسي الكلام صح ؟ ... ترا هذا بيكون حجي الناس ... والي كتبته فوق ... ترا رتوش وافتتاحيه

سوري انا مابغيت ابدا بهالكلام .. بس انا انصحج وابي لج الخير .. وقاعده اقولج جزء بسيط من الي راح يصير او افتتاحيه من الي راح يصير لو تطلعين بروحج

الي تقولج طلعي ومالج شغل باحد <<<<<<<<<<<<<<ماتبي لج الخير


في الف حل وحل للموضوع

لطلعتي وقالو الناس ليش طلعتي ؟؟ بتقولين ازعاج عيال اخواني ولا عيال خواتي ؟

تدرين شنو بيردون عليج ؟

سوري لاتزعلين ... بيقولون (تستعبط)

لأن بنظرررهم مو عذر .. انا مقدره شنو نوع الازعاج الي انتي متحملته او مو قادره اتحملينه

بس هم ترا مو عذر .. وانا قاعده اقسى بردي .. لأني فعلا ابي لج الخير ...

لاتجيبين الكلام لنفسج كلام انتي بغنى عنه .. بيطلع حتى من غير ماتدرين او تسمعينه

لاتقولين بالطقاق يالناس وماعلي من الناس وطز بالناس ... لاء

بتكونين غلطانه .. وترا شكثر ناس رددو هالجمله (وش علي من الناس ووش على الناس مني ) وتالي تحسفووووووووو قد شعر راسهم

لأن انتي عايشه بين الناس ... والجنه من غير الناس ماتنداس على قولتهم

مايسوى عليج تعيشين بين الناس منبوذه <<<لانهم راح ينبذونج غصــــب

لو صاحب المطعم يجي يوقف عند الباب تحاسبينه وتاخذين الاكل .. ويمر اي واحد .. حتى مايشوف عليج شي ... بيطلع كلام

شفنا فلانه .. واقف عندها صاحب مطعم و ................. .. شفنا فلانه .. تو مارها صاحب البقاله ووووووووو....................

انا استغرب من البنات الي يقولون احنا بينا اهلنا ماناخذ راحتنا ومصكوك علينا


ترا لو تلاحظوووووووون (قمة الحرررررررررررررررررررررريه ) لمن تكونين بين اهلج

لمن تكونين ابيتج تفتحين الباب لأي احد انتي حررررررره ومحد يقول ليش فاتحه الباب وواقفه برا .. لمن تكونين بروحج شبهه

لمن تطلعين كل يوم كل يوم مع امج انشالله ماتردين الا اخر الليل محد بيقول هايته ... كيفها مع امها .. ولمن تكونين بروحج هاذي ماتستحي ووين رايحه كل يوم وماترد الا تالي الليل

اقرو الوضع عدل لاتقرونه بالمقلوب


وصلي على النبي واذكري ربج ترا في ناس تدور لمة الاهل مو لاقيتها ... ومحرومه منها
في ناس يقتلها الهدووووء من كثر ماهم غرقانين فيه

 

[طويقْ]

(((حممممممممدلله والشكر مالها عذر هاده اهلها وقاعده بروحها ؟ شنو يعني ازعاج ؟ لالالا ماعليكم منها ... والله استغفرالله استغفرالله فيها بلا ... شهالعذر ...شدعوه يحافظ كلنا عندنا عيال وعايشين بالازعاج ليل نهار ماهدينا بيوتنا وطلعنا وسكنا بروحنا ... لا ويه اعوذ بالله ديروبالكم منها ... وقولو لبناتكم والي يعزون عليكم لايحتكون فيها ... هالبنت وضعها مايطمن ومايندرا شوراها )))))))


إي و الله صدقتي .. الله يستر علينا و على بناتنا بس !!



هكذا راح يكونْ محور الحديث عنك و يطووووول
سوّي مثل ما قالولك البنات إبني لك شقّة ببيت أهلك
أأمن لك و أضمن لك و أستر لك من كلام الناسْ

 

[الزورق222]

راح اقولهااا اخاف عليج ارجعى لاهلج وتحملى ازعاجهم ولاتعيشين بروحج ..

 

[هب العطر]

بعدين انا صراحه نظرتي للمستقبل البعيد.. يعني ليمتى انا بقعد ابيت ابوي بين حريم اخواني اذا تزوجوا في المستقبل وحنة اليهال.. لا ما اقدر استحمل جذي :eh_s(1):

السلام عليكم


يعني انتي نظرتج للمستقبل البعيد ان اخوانج بيتزوجون و انتي لا ؟؟


انتي تعرفين علم الغيب ؟؟


ليش نظرتج للأمور جذي ؟




كلها شهر و شهرين و بتروحين بيت ريلج ان شاء الله :eh_s(22):

 

[نور النـور]

اوكي خلج بمكان بروحج اذا مو فبيت اهلج بيت قريب حيل من اهلج يعني مايطلع عن القطعه او منطقة اهلج عرفتي شلوون ؟؟؟؟

 

[حبي بيرين]

انتِ معترضه حتى ع الجناح صح طيب ليه ؟
بصراحه اشوف جلستكِ لوحدكِ راح تندمين طول عمركِ لانه ماتدرين وش اللي كاتبه الله لكِ ممكن احد وده يخطبكِ بس الى الان ماالله كاتب يعني لو الله كتب خطبتك ِ في الوقت اللي طلعتي فيه بشقه بروحك ِاكيد الرجال راح يتراجع يعني انا اشوف ليه تجبين لنفسكِ الكلام وانتِ في غنى عنه حياتي البزران فعلا مزعجين بس حتى ولو فيه وناسه فيه برأة تنسيكِ الدنيا ومافيها يعني لو تنظري للبزران من جهه ثانيه غير تنبسطين معاهم (ليش طلعتكِ خطاء لانه الشئ غريب ع مجتمعنا ماظنتي الناس تسكت الافضل تاخذين معك ِ واحد من اخوانكِ اللي لسه ماتزوج

 

[نور النـور]

^^
معاها مكان بروحج قريب من اهلج واخذي معاج احد اخوانج اللي ماتزوج

 

[ღرحت فيهاღ]

لا حبيبتي شيلي هالفكرة من بالج كلللللللللش فكرة موزينة لانه مجتمعنا مايسمح والبلاوي الي قاعدة تصير بالديرة لا بالعكس خليج مع اهلج ولا تفكرين بهل فكرة وهم لانه الناس تفكيرهم واايد غلط اهني فما يصير وتقبلي مروري :d

 

[خشف العذارى]

مجتمعنا ما يسمح للبنت يعيش برووحها انتي يمكن متعوده من برا بس خلاص فترة وعدت والاول والاخير بيتج (( بيت ابوج))
ولازم تتئقلمين مع الوضع او سويلج شقه في بيتكم تكون صاده شوي عن الازعاج وبعدين اذا سكنتي برووووحج الناس ما يخلونج من الكلام
لا تقولين ماعلي من الناس انتي ساكنه بينهم الناس حتئ اللي بقبره يتكلمون عنه

هذا رايي اتمنئ تتقبلينه