اشرايكم انشن حملة لا للخدم و نشجع بعض

[نورامينا]

السلام عليكم

و الله يا بنات عورني قلبي و انا اقرى المواضيع اللي قاعدين تنزلونها عن الخدم اللي تعذب يهال و اللي تسحر المعزب او المعزبة و اللي تحط صابون بالاكل و الشرب و غيره من بلاوي

والله يا جماعة ترة يا حلو البيت من غير خدامة تتحركين براحة عندج ثقة ان اكلج و شربج بامان و نظيف

حلالج بامان لو هي ابرة ضايعة تلقينها تلقينها

تنظيفج بيكون من قلب و بضمير

انت بنفسج تحسين بفخر انج قاعدة تنجزين هالشغل بنفسج و اديرين بيتج و زوجج و عيالج بنفسج

بالبداية راح اتحسين بتعب بس بعدين بتتعودين مثلا وزعي التنظيف مثلا عزكم الله الحمامات مرتين بالاسبوع راح يكون كافي تدرين ليش لان ما بيتوسخ طالما انج تدرين انج انت اللي بتنظفين فراح تحرصين على ان ما يتوسخ غرف النوم اهم شي انج يوميا تعدلين الفراش و بالنسبة للمسح و الكنس هم يكفي يومين بالاسبوع غرفة المعيشة لابد يوميا و المطبخ بعد يوميا

عيالج لازم يحسون بالمسؤولية لازم يتعلمون انهم يرتبون عقب لعبهم و اذا قعدو من النوم لازم يرتبون فرشهم و اذا كلوا كل واحد يشيل صحنه و قلاصه و يوديه المطبخ

و اهم شي ان يكون عندج غسالة مواعين و نشافة هدوم بحيث بعد ما تغسلين تنشفينهم و شدي حيلج و سفطي الهدوم مباشرة بعد ما يطلعون من النشافة عشان ما يتعفسون

و بالنسبة للي ادوام هال40 او 60 دينار اللي قاعدة اتقطينها عالخدامة حطي ولدج و الا بنتج بحضانه و انشالله الاهل ما يقصرون العصاري اذا عندج مشوار خليهم عندهم

خلونا انصير نفس الاجانب ما شالله عليهم لوهي عيوز مكسرة تشوفونها تسوي كل شي بروحها و دشي بيتها يلق لا و فوق هذا كله تشوفون المرة الاجنبية مرتبه و سنعة هالمكياج و اللبس السنع داخل البيت

بسنا دلع و رفاهة قاعدين نحط مجرمين في بيوتنا و نعيشهم اترف عيشة مقابل اجراهمهم خلونا انصحصح و نشجع بعض و نشن حملة لااااااااااااااااااااااااااااا للخدم

و الله يقدرنا و يفكنا من هالبلاوي اللي قاعدة تنهد علينا

 

[روحي رياضية]

آنا معاج .. والله خوش موضوع ..

شخصيا ما عندنا بالبيت خدامه .. وللامانه ماكو أطفال ..

كل واحد يشتغل لنفسه وشغل البيت مقسم علينا كلنا ..

مشكلتنا كانت ما كو خدم يقعدون عندنا بسبب البيت كبير

مع انه والله نعاملهم احسن معامله .. وكل شيء يبونه ياخذونه

حتى طباخ مو عليهم ..

شغل البيت نظافه وسنع ورشاقه >> ههه

والله يا بنات .. صحيح بحزة الامتحانات تتوهقون شوي

والمناسبات بعد .. بس والله ربكم بيعنكم ..

واحب ازيد انه في دعاء يغنيكم عن الخدم ..

قال رسول الله صلى الله عليه وسلم لأبنته وزوجها ..

(( إذا أويتما إلا فراشكما فسبحاثلاثا وثلاثين ، واحمد الله ثلاثا وثلاثين ، وكبر الله أربعا وثلاثين فذلكما خير لكما من خادم ))

 

[cat_q8]

والله ييتي على الجرح أمس قاعده أفكر وأقول اشفيها اذا عشت من غير خادمة؟؟
بس والله الحجي سهل ماراح نقدر من غير خادمه صعبه حيل خاصه اذا موضفة وعندج يهال

 

[بيرق الكويت]

خوش موضوع جان زين نقدر نصبر عن الخدامة انا عن نفسي حاليا ماعندي خدامة بس عندي مشكلة بالغسيل والكوي والمسح صراحة يزهق

 

[لميــاء]

والله كلاااااااامج صح و كله عين العقل بس تتوقعيييييين نقدر نعيش بدوونهم واحنا من انولدنا نشووووفهم جداااام عينه ومعتمديييين علييييييهم

بكل شي تصدقييييييييين انهم شر لاابد منه

 

[ضحـاوي]

صعبه حيييييييييل

الخدامه شر لابد منه

مع اني انا الي اطبخ وانا انظف غرفتي لكن الخدامه احتاجها وايد غسيل المواعين والمطبخ والملابس و الكوي

والخم وغسيل الحمامات وتنظيف الغبار والستاير

ودي والهوى ضدي

 

[farawla_q80ia]

انا صار لي 6 اشهر تقريبا بدون خدامة صراحة تعيشين براحة نفسية بس ارهاق جسدي انا مضطرة اطلب لاني مخططة احمل ولا انا قايله اذا الياهل دش حظانة يعني سنتين اييب وسنتين اقعد بدون خدامة او نص دوام عالاقل

 

[<<لمار>>]

الخدامة شر لابد منة ومالنا غنات عنهم والوظيفة ماخذة نص يومنا غير انا نرد تعبانين ومافينا حيل وطلبات العيال وابو العيال ماتخلص الله المستعان

 

[همس الورود]

آنا معاج .. والله خوش موضوع
وانا في طريقي للاستغناء عنهم ان شاء الله

 

[legally blonde]

صعبه حيييييل

بس خلونا نسوي تجمع تشجيع للي ماعندهم خدم مثل حالتي نشجع بعض و نصبر بعض

تعبت نفسيا و جسديا

مهما أنظف و أسنع و اغسل و ارتب ماكو فايده

 

[ياعشيري جعلك السلال]

وناااااااااااااااااس ماعندنا خداااااامة مرتاااااحه حدي احس البيت نظيف الله يستر ما تروح ونااستي قريب

اصلا من الوناااسه بس انظف البيت خخخخخخخ

 

[نورامينا]

اشكر كل اللي ردوا عالموضوع
و الله بصراحة يا بنات ما اقص عليكم بالبداية ما راح تكون العملية سهلة بس مع الايام بتتعودين , لازم نعودنا نفسنا يا جماعة الخير ان احنا نظم حياتنا
تدرون شنو هي المشكلة الوحيدة ترة مو الدوام بس و العيال مشكلتنا علاقاتنا الاجتماعية وايد متشعبة عشان جذيه ما عندنا وقت انجابل بيوتنا

للامانة انا حاليا لاني برة الكويت فالوضع حتم علي اني ادير بيتي بنفسي بس قاعدة افكر اني اذا رديت استغني عن الخدامة و الله يقدرني و يثبتني على هالفكرة
لان و الله ما اتصدقون اشكثر بتاخذين راحتج بالبيت من جميع النواحي ان جان لبس ان جان قاعدة مع زوجج ان جان اكل ما تحاتين احد يحط لج فيه من هالبلاوي اللي نسمع فيها و فوق هذا كله علاقتج باعيالج بتصير قوية تدرون شنو كنت اتنرفز ليه شفت ضناي متعلق بالخدامة و يشمشم فيها و يتعلق فيها
كا ماشالله باجي الشعوب العربية عايشين الحمد الله ما عليهم شر و اعيالهم متفوقين و من احسن ما يمكن
شوية تغيير من سلوكياتنا داخل البيت بتسهل المهمة

اشرايكم كل وحدة تقول شنو اكثر مكان بالبيت تكرهين تشتغلين فيه و تصتصعبينه و انحاول نطرح حلول

انا عن نفسي اكره شي عندي غسل المواعين ياشينها من شغله خاصة عقب ما توقفين بالمطبخ و تطبخين و تلقين ذيك المواعين المكودة اللي تنظرج
بس الحل عندي و انا بو هندي غسالة المواعين هي الحل بصراحة تفكج عن التفرك مع انها احيان كثيرة ما اطلع المواعين نظيفة100% بس قبل لا تستخدمين الماعون غسلي عالسريع بالسفنجة و الصابون ولا وقفة يوم كامل

 

[kwaiteyah100%]

سلام عليكم....

شوفي اختي انا قعدت بدون خادمة شهر ونص .... وانا معاج يا قلبي اني كنت مرتاحة لمن اغسل واطهر وانظف بروحي ....بس تعالي اختي بالليل احس اني عيوز مكسرة اللي حتى مالي خلق الواجبات الزوجية ..... والحين يتلي الخادمة ....لكن همن انا وراها بالتشيك جني جاسوسة.... وحرام قعد اساعدها لأن جسمي خلاص تعود على الشغل والكراف ..... بس المشكلة ان عندي يهال صغار .... يعني لازم خادمة ..... ومثل ما قلتي شر لابد منه ....والقط:001: يحب خنّاقه على قولة المصريين

 

[bint_looda]

والله انا اييد الخدامه حق الي مثلا بشقه اي بالعكس خلي شغلج كله على ايدج احسن ... بس لايتي عالبيت الكبير والله مانقدر كاااافي شغلة المساح شي يقص الظهر .....

بس صج البيت بدون خدم راااااااااااحه نفسيه مو طبيعيه والله

 

[Pink GirL]

انا صارلي شهر وشوي ماعندي خدامة
متأذية والله وحالتي حالة
الملابس والغسيل والكوي وغسال المواعين كلش مو شي
غير اذا احد دازلج شي مع سايق ولا طالبه من مطعم تعالي لبسي علشان تطلعين تستلمين الطلب

صج انج تحسين بأمان بدونها لكنها شر لابد منه

وجاري البحث عن خدامة

ادعولنا الله يرزقنا بخدامة سنعه

 

[عـذبك طيفي]

بصرااااحه عن نفسي مااااقدر والله يعين

توني عرووس وافكر اطلب خدامه تعبت والله

 

[برونزية رشيقة]

خووووووووووووش موضووووووووووووووع ويعطيج العافية ... بس ما نقدر إحنا موظفات هذا أولا وثانيا أم زوجي كبيرة بالسبعين وامي كبيرة بتوصل الستين ما يقدرون عاليهال ...

وثالثا الزوج الكويتي أناني !!!! مو مستعد يتنازل عن طلباته وشغله يبي كلشي 5 نجوم ... وإلا راح ينقدعليج ويزهق عيشتج !!!

ما يقوووووووول : هذي موظفة حالها من حالي !

لأ

(((( قاعدة الزوج الكويتي )))) إجباري عليج يعتبرج:

1- الصبح : موظفة ... يبي نصيبه من معاشج !

2- العصر : طباخة وخدامة ... يبي غداه جاهز .. وغترته منشية والدشداشة مكووووية ..

3- المغرب : مربية ... يبيج إدرسين اليهال وتجابلين طلباتهم .. وطلبات المدارس ... وتعشينهم .. وتسبحينهم .. وتنوميهم .. وإن واحد مريض تودينه الطبيب وتصيرين (( سستر )) دوا وكمام ومضاد حيوي وكمادات ... وهو هايت برررررررة يا قهوة يا شيشة !!!


4- العشا : إمرأة مجتمع .. لازم تزورين حمولتج .. وتوجبين إخته الوالدة .. وبنت عمته أللي سوت العملية ... ويدته أللي يايه من الحج ... ويا ويلج إذا ما رحتي !!! يسوونج ما تعرفين السنع ويترسون راس ريلج عليج..

5- بلليل : يبيج تعطينه حقوقه الزوجية ... وإلا هددج يا يتزوج عليج ( إذا خايف ربه ويصلي ويصوم ) وإذا عادي لا صلاة ولا عبادة عااااادي يهددج راح يماشي وحدة من وراج !!!


هااااااااااااااااااه تقدرون تستغنون عن الخدامة ؟؟؟؟؟؟؟؟؟؟؟ مع أنانية الكويتي ؟؟؟؟؟ وعقليته إللي تقوله من انولد أن (( ملك )) والزوجة موجودة علشان تكون جاريته ؟


ردووووووووووووووووووا علي بسمع تعليقاتكم ؟؟؟؟؟؟؟؟؟؟؟؟

 

[ركازالكويت]

السلام عليكم بنات _ انا كنت اقول نفس الكلام موضروري خدامه بس اهملت زوجي ونفسي لان انا موظفه وعندي عيال فقمت ما اخليهم يلعبون علشان ما اعدل صج عقدتهم وساعات بتروحين الطبيب محد يستقبل اعيالج والحضانات لين مرض الياهل يردونه دوري عاد احد يستقبل اعيالج وامي اتعبت مني _لاطلعات نفس الاوادم الا والعيال معاج لدرجت اني دخلت المستشفى من الارهاق لاني اختنق فجاه واعصاب _الحين طلبت خدامه صج موكل شي عليها واليهال ما اخليهم بروحهم عندها ولكن البيت مرتب ماتحاتين غسال الملابس والاوتي حتى دخلت الحمام كانت بالحسره اذا زوجي مو في البيت _ بس ليش جذيه اسوي بعمري طلبتلي صج توها واصله ونفسيا مو متأقلمه لاني مومتعوده بس ريحت جسديا بس نصيحه موكل شي عليها اليهال انتوا غسلوهم وبدلوهم واكلوهم خلوهم حق شغل البيت ماعدا غرفة نومج _ والله يستر علينا وعلى اعيالنا من الخدم -اسفه على الاطاله وشكرا

 

[دمثة]

انا الحين الصراحة مفكرة ماطلب ولا شي مترردددة بالطلب

بسفر هالنيباليه عمى بعينهاااا وخلاص

 

[nice-girl]

انا ما عندي خدم احاشو حسبي الله عليهم
وصارلي جم شهر من غير رخدامه ماابي خدامه امي اتجيس شي لانه فوقه فوق
بس والله تعب مع اني مو بيت ومطبخ كلها غرفه وصاله وحمام واي اموووت من غسيل الهدوم والتنظيف ورا اليهال هاذي بس كسره ظهر
بس والله احسن احس لمه عقب التعب احط راسي على الفراش اناااااااااااااااااااااااااااااااام بلذه لووول مو نفس اول انام
بس والله مفكره ايب ساعات ودهم يروحون الحوش وانا الصراحه اتعيز خدامه امي ما تحب اليهال.. بس حتى اذا يبت ماراح اعتمد عليها نفس الاوليات والله يعينيييييييييييييييييي