اشرايكم انشن حملة لا للخدم و نشجع بعض

[برونزية رشيقة]

والله تصدقين كلامج صح وعينالعقل
عن تجربتي ..... انا كنت جذي بس حاليا عشان الدراسه فحاطتها وبالضبط بس تخلص مهمتها خلاااص مافي خدامه عقبها ...انشالله الله يقدرني

كنت منظمه وقتي انوم ولدي متأخر شوي عشان ما يقعد الا انا قاطتلي جم شغله الصبح
على ما يقوم ولدي واغسله والبسه واخليه يلعب شوي على ما اجهزله شي ياكله وبعدين فتره راحه الغدى على بيتنا انا في بيت ابوي
الغسيل الحين وين تقطين شي بالغساله وقعدي طالعي حلقه شوفي برنامج جيكي النت الا خالص وعلى هالمنوال
بس انا اتكلم وانا في بيت ابوي مادري شنو بيصير لي صار الشكل اكثر واكبر في بيت عووود

جم عمر ولدج ؟؟؟؟؟؟؟؟؟؟؟؟؟؟؟؟؟؟؟ من واقع التجربة من يمشي الياهل راح تحتاجين خدامة تحووووووووووووووووووووووووس وراه ... وعمر سنتين عمر الاستكشاف بيركب فوق القنفات وفوق مكتبة التلفزيون .... وبيدش المطبخ يحوس وراه الثلاجة ..... وبيكت كت بالماي إذا دش الحمام .... وإذا حطيته صحنه جدامه كتتتتتت العيش بكل مكان ....

شرايكم بعمر السنتين للطفل ؟؟؟؟؟؟؟؟؟؟؟؟؟؟؟؟؟؟ مو يحتاج خدامة ؟؟؟؟ ضرووووري ؟؟؟
شلون تغلبتوا على هالسالفة ؟؟؟؟؟

 

[برونزية رشيقة]

دشوووووووووووووووووا ضروووري على هذا الرابط :

http://www.q8yat.net/showthread.php?t=319798

 

[برونزية رشيقة]

للرفع

 

[الباسمه]

والله لولا كليتي لقلعها واربي ولدي بنفسي بس الله يعين اما الشغل كلش ما حاتيه الملابس غسيلهم فل اوتوماتك والاوتي بالمصبغه والكل مره اطبخ مرتين و3 مرات من برا او باجي الغدا او او او
وبالعكس احنا حتى خربنا رجاجيلنا بدلع حتى سياراتهم الخدامه تغسلها شدعواااااه شوفو باقي الدول حتى السعوديه والامارات الرجال الي يغسها وبالعكس مستمتع او ياجر واحد يغسلها يوميا له
مشكوووووووووره خووووووش موضوووووووووع

 

[همس الورود]

ليش الموضوع مايتثبت
للرفع
ارجو التثبيت لاهميته
صح الكل عنده ظروف بس انا من ناحيتي بستغني عنها قلعتها ان شاء الله

 

[(( قمر ))]

والله البيت اريح بدون خدامه..انا عن نفسي حدي ارتحت صج كرفت و ضعفت حيل بس احس شقتي نظيفه و كل شي فيها نظيف و معقم.. عندي بنتين وحده سنتين و نص و الثانيه 3 شهور و قادره اوفق بينهم و بين شغل البيت الحمدلله.. حتى زوجي ما يقصر يساعدني.. طبعا الغساله اتومتك و فوقها نشافه.. سوالف دشاديش غتر دراريع عبي كله بالمصبغه جنب البيت..و ملابس البنوتات من النشافه على طول اصفطهم و بالكبت..تنظيف الحمام تقريبا كل يومين اذا قدرت و المطبخ و غرفتي و غرفه بنتي و الصاله كل يوم.. بس ما احب غسيل المواعين لووووووووووووووووووووووووووعه فيساعدني زوجي بهالشغله على ما نجيب جلايه الصحون.. و الحمدلله الدنيا ماشيه...

كل ما اتعب بالشغل اقول الله يرحم حال امي شلون تحملت 6 بدون خدامه و كلنا بأعمار مختلفه.. و انا البنت الوحيده و الصغيره يعني مافي احد يساعدها..


احنا عايشين بزمن دلع كل شي اتوماتك.. بس امهاتنا و جداتنا شلون كانوا؟؟؟؟؟

انا اشجع هالحمله و لا يوقف

 

[اوكيشنات]

ماينفع تعودنا عليهم خلاااااااص

 

[همس الورود]

قمر صح لسانج....... هذا الكلام اللي يشجع

واللي تقول تعودنا عليهم ....لو نحاول بنقدر ان شاء الله انتي بالبداية خفي الشغل عنها وحاولي انتي تشتغلين لما تتعودين تلاقين نفسج مو محتاجتها

شدوووو حيلكم بنات يالله لا يوقف ............ للتثبيت

للرفع

:tek::tek::tek::tek:

لصاحبة الموضوع

 

[ام هجورة]

والله حبيبتي كلامج صح
بس انا من توظفت وماعندي خادمة وتعبت كل يوم الصبح اقط بنتي بيت اهلي وبعدين اطلع من الدوام واخذها ترا تعب
وارد البيت انظف وامسح وانا طبعي النظافة اموووووووووووووووووت فيها وماشاء الله جو الكويت الغبار كله في بيوتنا
هذا غير غسيل الملابس والكوي وغيرها
بس اسمحيلي الي ايده بالماي مومثل الي ايده بالنار
ترا احنا يالحريم المفروض نقعد في البيت نربي عيالنا ونهتم بامووور اعيالنا
احنا تربينا وامي قاعدة في البيت والحمد لله ماكان عندها خادمة ابد
لانها معتمدة على نفسها
بس احنا احين موظفات لازم نجيب وحده تقوم بالنصف المهمة
بسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسس
هذا مويعني اعطيها الخيط والمخيط لا غلط
اراقبها اشوفها اعلمها
وطبعا المعاملة الزينة اهم شي
واستغفر الله والحمد لله والشكر له على نعمه الكثيررررررررررررررررررررررررررة

 

[همس الورود]

صح لسانج ام هجورة
بس والله الخدم الحين موكفو معامله زينة بالمرة بطروووووووو
الله يكافيني الشر وصار مو همها تجمع فلوس تبي تكشخ تبي تشتري ولا تغار منج بعد تحتر اذا شريتي شئ افففففففف قلعتها وتناشب الجهال علي بطاط وعصير ههههه ......

 

[HoOoriah]

الله يعطيكم العافيه على هالموضوع
لان انا صارلي 5 سنوات ماعندي خدامه وعندي ولد عمره 4 سنوات وبنتي كملت سنه والحمدلله مرتاحه نفسيا بس جسديا هلكانه والاعتماد كله على امي الله يحفظها لاني توني متخرجه من الجامعه والحين انا حامل ومضطره اييب خدامه لان ولدي بيداوم شهر 9 والطلعه صعبه الصبح مع ياهلين صغار وماتصدقون اذا قلت لكم شكر مستصبعه اني اييب خدامه مع اني الحين بالثامن وبطني كبر ولمن اطلع مع عيالي الله يحفظهم كله يطالعوني واهلي يقولون شلون مستحمله.

وعن تجربه ترى الخدامه اهيا اللي تخيلي الياهل شيطان لان الطفل ذكي فيستغل الخدامه ويدري انه اذا حاس بالبيت وبالحديقه في ووحده بتركض وراه وتماشيه فهني ايي دور الام ان تحط قوانين البيت وانا ولدي الحين اسم الله عليه معتمد على نفسه ينزل الحديقه ومااحاتيه لان ادري مايسوي شي غلط مو نفس اليهال اللي بعمره واكبر منه ما يسون شي الا وخدامته وراه انا حدي انفهر لمن اشوف الخدامه شايله عيال غيري شلون عيالي!!!!!!!!!!!!!

 

[غلاي غير]

ما افكر اصلا بصراحه ماشاء الله على الي قدرت تستغني عنها احسن لها

بس دوام وماعندج خدامه ما اعتقد اقدر

 

[فررررح]

انا لاغيتهااا من قاموووس حياتى

واشجع هالحملة

 

[نطوووعه]

انا عندي ياهلين كلهم دقدق و عندي خدامه لولدي عمره سنتين يبيله من تراكض وراه و كانت تسوي شغل البيت بعد وانا اعاونها بس يبت ثاانيه للبيت و للبيبي اليديد و الزفته تبي ترد المكتب فحددددددددي بحتااس لاني تعودت عالراااحه الجسديه وان كل شي مرتب بس الراااحه النفسيه مع الخدم معدووووومه فنوعا مااا مستانسه انها بتذلف بس بنفس الوقت احاااتي اللويه اللي بتصيييييير

 

[يـاسمينا]

انا اشجع هالحمله
مع اني افكر هالايام اني اييب خدامه بس حدي خايفه من مشاكلهم وهم خايفه اني اتعود عليهم بالبيت

ومشالله ولدي عمرا 3 سنين ونص وشيطان اسم الله عليه ومرات ازهق اقول لازم خدامه
بس هم ارد واقول اهم شي راحتي النفسيه مو مهم اشتغل المهم الراحه النفسيه

وهم فكرت اييب خدامه نص دوام بس قالولي اللي من هالنوعيه ماتطلع من بيتج الا وبايقتج
يعني ماكو فايده لاهذي زينه ولا هذي

خلينا جذي من غير خدامه واايد ابرك

 

[لا للخدم]

أكيد لا للخدم من اسمي

الاخت نطوعة
الله يهديج ياهل واحد و خدامتين؟؟ لما يصير عندج 4 يهال جم خدامة بيصير عندج؟
ترى توج شباب و في الحركة بركة
ونرى كل ما زادوا الخدم بالبيت تحتاجين بيت اكبر و مصاريف اكثر و ايجار اكثر هذا غير ان ينحاش الزوج من البيت و يتعلم الهياتة

الاخت فجر
الله يعطيج العافية وتفكيرج صح و من قالج الخدامة الدايمة ما تبوق و تهرب اول باول مع سواق و خدم الجيران وتحلف مو عندها..
قفلي على اغراضج محد يقدر يبوقج

 

[برونزية رشيقة]

السلام عليكم .. أحب أقولكم تجربتي الأليمة من غير خدامة ....

أقوم من فجر الله علشان أجهز أغراض المدرسة حق ولدي ..

عقب أقعد أللي بالبيت لأن معتمدين علي كلهم أذا ما قعدت تروح عليهم نومة ..

ألبس أي شي ( هذا أول الأيام .. وعقب ما زاد علي الغسال والأوتي .. الله يعافي العباية الإسلامية حق دوام حق جمعية حق سوق حق بيت أمي حق أهل ريلي ... كل هذا علشان ماكو خدامة وما عندي وقت أضرب أوتي ) ..

عقب أداوم من 7 ونص ألى 2 ونص .. الظهر على ما أطلع من الزحمة أوصل بيتي 3 الظهر .. أبلش طبخ الغدا .. لا يفوتكم عوار الراس والصداع من الدوام .. أخلص الطباخ يتغدون أبلش غسال مواعين ..

توني برتاح شوي وإلا أذان المغرب ويقعد ريلي ويقططططططططططط علي دشاديشه وغتره يبي أوتي ويبي غسال بالإيد ( على فكرة ريلي وسواسي بالنظافة وما يحب شي اسمه كواااااااااي ولا مصبغة علشان ما يصير فيه مرض جلدي أو إيدز أهو جذي تفكيره ... شسوي ريلي ونصيبي جذي ) ..

أخلص غسال أبلش .. تنظيف حمامات .. أخلص أخم الصالة ..

طبعا ريلي يكون راد من القهوة او الديوانية يبي عشا .. أطبخ العشا .. ويبي غترة حق باجر دوامه .. ودشداشة يديدة !!!

أضرب أوتي لحد الساعة 11 بلليل !!!!

خلصنا توني بقططططططط راسي بنام الأخ متفرغ يبي ( حقوقه الزوجية ) طبعا من غير خدامة جنج عيوز عمرها 70 سنة ماكو لياقة .. ومتكسرة ومالج خلق نفسيا ومعنويا وجسديا ..

باجر وراج دوام .. تخيللللوا الوضع !!!


ملاحظة :

1- محد راح يتبرع ويمسك أعيالج .. سواء أهل زوجج أو أهلج كل من يمشي على المبدأ أللي يقول (( اللهم نفسي )) .

2- تنقطعين نهائيا وقطعيا وأبديااااا عن شي اسمه : زيارات عائلية لأنج من تروحين حمدلله والشكر أعيالج بفشلونج يا يكسرون شي .. يا يركضون بالشارع .. يا تستخفين على ما تسوقين سيارتج وتوصلين بيت الناس .. ما تسوى عليج الزوارة والناس يخزونج علشان تقومين ورا أعيالج .. جدامج حل من الحلين :
أ- تنقطعين عن الزوارة ولا نظرات الاستهجان من الناس والحمولة .
ب- تروحين بس تصيرين مثل الهبلة حمدلله والشكر تركضين وراهم .. حتى أستكانة شاي ما تشربين .

3- أنسي شي اسمه صالون .. ما تقدرين .. أذا فكرتي تروحين حالتج بتكون : الريل يلله نفسي .. العيال ماتدرين يا متهاوشين يا هايتين بالشارع زين ما تدعمهم سيارة وإلا شي .. يا مكسرين المواعين وألعابهم .. يا هذا طاق هذاك .. وهذاك طاق هذا .. وتذكري شي من تروحين الصالون : المواعين ناطرتج .. الحمامات ناطرتج .. غسااااااااااااااااااال هدوم .. سلال سلال أوتي مكودة ناطرتج !

4- شكلج وايد راح يطلع كووووووول سبحان الله .. من كرف البيت : لا تصدقون قاعدة أطنز .. الله وكيلج .. الشعر كششششششة .. وريحتج طبااااااااااااااااااااااخ .. وإلا ديتول عقب التنظيف صابغة في ملابسج ..

وإيدج حتى لو تلبسين دسوس ( قفازات ) بلاستيك .. بشري بالأكزيما .. والنفر .. والحساسية .. والخشوووووووووووونة .. جلد أيدج بيصير ناشف لو تحطين كل أنواع الكريمات ماكو فايدة ..

5- هالات سود : داير مدار عيوووونج بسبة ماكو خدامة وماكو نوووم وكرررررررررررف بالبيت 24 ساعة شغل في شغل ..

وهذي الأسباب أللي مريت فيها لمدة 3 شهور ونص .. وخلتني أجزززززززم وأتأكد أن لا حياة لي بدون خدامة ..

جربوا حبايب قلبي شهر بسسسسسسسسس شهر .. وقولوا : لا للخدم !

ضحكتوني مع حملتكم .. لا للخدم .. إلا نعم للخدم .. و 1000000000 نعم للخدم ..

حالتنا حالة .. مذلة .. وتكسر .. والناس مالهم خلق أعيالج .. وشكلج يصير مبهدل .. وأكزيما وبيشرة جافة ..

كله علشان لا للخدم !

أنا مع الخدم ..... بس مع مراااااااااااقبة 24 ساعة ..

الله سخر لنا شي اسمه ( كاميرا مراقبة الخدم ) علشان نرحم نفسنا ..

خير الأمور الوسط لا تقطين كلشي عالخدامة وتتحسفين ..

ساعديها هذي بشر ..

ربي أعيالج الخدامة مو مربية ..

راقبيها بدون ما تحس !!!

لا للخدم هههههههههههههههههههههههههه إلا نعم للخدم

 

[ريم الصبايا]

مرحبا
حبيت اشارك وياكم بالموضوع
:dddds::dddds:

انا عن نفسي بقدر استغني عنها بالشغل
مثل الغسيل والكوي وغيره من شغل البيت
:ggdw::ggdw:
بس فيه شغله وحده ماتقدرين تستغنين عنها
وهي اليهال اذا بتروحين عزيمه عرس
عند الجيران السوق
وووووووالخ
_03BA:_03BA:

قوليلي منو بيتحملهم اهلي والا اهل ريلي

الناس بيتحملون نص ساعه لااكثر وبعدين بيتحلطمون
:0bee2e8d89::0bee2e8d89:


كلامي صح ولا غلط

ردو علي
:krkrkr:
وتقبلي مروري

 

[نطوووعه]

لا للخدم

حبيبتب عندي ياهلين الله يحفظهم و كلهم تحت ال3 سنين فأكيد باحتاج 2 وحده تكون للبيبي الكبير تراكض ورااه و الثاانيه للبيت و تساعدني مع الياهل الصغير ىني جربت خدامه وحده صار البيت لووعه مع اني ارتب بالبيت مو اللي تقولين مادري عن بيتي

 

[نطوووعه]

ريم الصبايا
و شدعوا الخدامه اللي بتستحملهم؟؟ اذا اهلهم ( اهلج و بيت اهل ريلج) ماستحملوووهم

حبيبتي الخدامه تكفخ فيهم وتزبرهم من تحت لي تحت و اذا كاانو صغااار ماراح يعبروون او يتحجووون


الخدااامه لشغل البيت فقططططططططط

اما اليهاااال فانتي يالام

انا الخدامه ترااكض ورى ولدي وانا موجوووده يرووح و يرد علي يحس ان امه موجووده معاااه و الحمدلله ععمري ماخليته وياها بالبيت وطلعت عنهم رييله على ريلي بس الفرق انها اهي اللي تراكض ورااه و انا قاعده اشوووف