اشرايكم باللي اسويه

[موت وميلاد]

كل هذا عشان ماعندج خدامه ؟؟

احنا بيت كامل 3 طوابق وسرداب ودوانيه 10 افراد وسايق وصبي وماعندنا الا خدامه وحده اهيا عليها الطباخ واحنا انظف غرفنا وصحوننا ونعاونها بالشغل


اشسالفة حريم هالوقت ماكو تحمل مسؤوليه ؟!!!!!

 

[om.7madiiin]

حبوووبة وااااي نفسي بالضبط حسبيالله عليييها مدلعتها و كل شي معطتها بنت اللذييينا بعدين ذلفت دفعه مردي و عيالي
توأم و طقني و أطقك و كل شوي مطيحين شي كاسرينه وااااااااااااااااااااااي مووووصج
المهم شسويت انا بما اني ساكنة بيت امي شقه بروحي فوق كنت انزلهم تحت العصر السرداب السجن لوول
وخليتهم ينسوونها ب اسبوع كل يوم اطلعهم العصر و ارتب بروحي و انظم والله والله صاروو منظمين يساعدوني و يرتبون معاي
وتعلقووو فيني واايد الحين يبت وحده مالت عمتي ما تبيها بس صج انها لووح بس ما اعتمدت عليها كلششش
والله ترى اليهال لازم يبييلهم حنانج و قربج انا كنت كل شي عليها والله ما ادل شي و لا اسوي شي الحين كل شي اسوي اح اني ربة بيت و راعيه البيت والله و الله يسخرلج وحده 2 يااارب و الله يعييناا عالخدم

 

[MiSsY HottY]

اوكي الخدامة مشت شكو تهدين بيتج وبعدين تزعلون اذا الريال تزوج سوريه ولا مغربيه لووووول

 

[عيش و مرق]

من صجج انتي لا جد الحين الخدامه اللي منظمه حياتج وتقولينها بعد عيالج متعودين عليها اي ام انتي مدام قاطتهم عالخدامه ليش جبتيهم عالدنيا والله حرام

راحت الخدامه انحستي جذي واهي كلها شقه لا مااصدق لهدرجه اوصلوا بناتنا

والله المفروض شبابنا يتزوجون خدامات احسن عالاقل مظبطه المكان ومسنعته ترا مو كل شي لبس وكشخه وشكل اذا جذي انتي شلون بتصيرين قدوه لعيالج

وابشرج بتسمعين كلمه رفله وموسنعه من زوجج

صح كلامها هذول عيالج وهذه بيتج خلك قد المسوؤليه وتحمليها وله ليش تزوجتى؟؟!!!!!!:eh_s(15)::eh_s(10):

 

[o0سارآo0]

بنت عطاااااا مشكوره عالرد
والله يمكن زوجي يقولها مادري هههه(لا انشالله)
انا ماقصدت انه عيالي عليها100% لا وانا شنو دوري اصلا اصغر واحد عمره 3 سنوات يعني فاهم واصلا ينام عندي انا قصدت انهم يسألون عنها

اختي كلمت ان شاءالله تكتب جذى

 

[ايمان_22]

آنا آتمنى ان بكل بيت عشر خدامات , لان الراحه حلوووه

 

[ميشووو]

ما اقول الا الله يعينج


ويسهل امورك


نظمي وقتك وان شا الله ترتاحين

 

[غـرامـي أنـت]

الله يعينك

 

[اسراب الطيور]

من صجج انتي لا جد الحين الخدامه اللي منظمه حياتج وتقولينها بعد عيالج متعودين عليها اي ام انتي مدام قاطتهم عالخدامه ليش جبتيهم عالدنيا والله حرام

راحت الخدامه انحستي جذي واهي كلها شقه لا مااصدق لهدرجه اوصلوا بناتنا

والله المفروض شبابنا يتزوجون خدامات احسن عالاقل مظبطه المكان ومسنعته ترا مو كل شي لبس وكشخه وشكل اذا جذي انتي شلون بتصيرين قدوه لعيالج

وابشرج بتسمعين كلمه رفله وموسنعه من زوجج

صح لسانك
شدعوى شلاهمال اعوذ بالله ناس تتمنى ظفر الولد وناس قاطته بالمره على الخدم
شغل البيت وقلنا بس العيال موب قادره تتحملينهم بس اسم ام
يقول المثل الام اللي ربت مو اللي يابت

 

[اسراب الطيور]

لا تلومييييييني على هالكلمه بس تصرفك يقهر لو كل وحده فينا مرت اخوها سوت حركتك يعني راحت بيت اهلها وتاركه زوجها
علشان شغل البيت تراها بتصغر في عيني
مو لها الحد الاهمال وعلى قولتك عندك الحين اجازه ومقضيتها في بيت اهلك بدال ما تقضينها في شقتك مع زوجك وعيالك شدعوى والقهر شموقفك لو وصل الخبر لاهل زوجك والله فشيله الواحد يبين روحه قد مستوليه موالخدامه تنحاش من جهه وانتي منحاشه من المسئوليه
الواحد لايحط روحه في مواقف محرجه لحد انها تترك زوجها بلا طبيخ بلا اهتمام وبروحه
الله يهديك بس

 

[برد ابو الذهب]

شكرا بنات عالردود

 

[اشتياق]

ردي بيتج ونظمي وقتج
وشوي شوي اتعودين
شوفيلج خدامه بنص يوم عالاقل

 

[نور عيني الكويت]

الله يعينج انا من انولدت ماعندنا خدامة لين تزوجت وجبت بنتي ولما صار عمرها 3سنوات جاب لي خدامة
لظروف
بس الحين احاتي اذا راحت لاني تعودت عليها
مع اني مو معتمدة عليها حيل
لاني موموظفة بس والله وهقة
حاولي تنظمين وقتج ليما تنحل ان شاء الله
والله وياج

 

[سوسن1980]

الله يعينك

 

[جلكسيه اس 3]

وي انحشتي من بيتج
والله يا انه باجر حمولتج ماراح تنسا هالشي
لوووووووول باجر راح يقولون ماتدري عن ولدنا ،،

تدرين انا وحده من الناس اللي ظهري بسرعه ينكسر
مافيني حيل ولا قوه وبسرعه ينهد حيلي بدون شي
عشان جذي يلقوني كله اعتمد على الخدامه
بالاخير قالو حجي وايد عني حتى ما قدرو تعب ظهري
الحين الناس بس اتدور الزله ويع الله يعينهم عل روحهم

بس حابه اقولج ليش ماتيبين وحده نص دوام
و حتا لو مالقيتي وحده زينه اخذيلج وحده موقتا لما تلقين خدامه زينه
والله يعينج

 

[يارب احفظ عيالي]

آنا ماعندي خدامه واسوي كل شي بروحي ومستحيييييل اتخيل انه في احد بيربي عيالي ويهتم فيهم ويلعب معاهم غيري احس بسعاده الدنياااااااااا لما اخدم زوجي وعيالي ومستحييييييييييييييل افكر اييب خدامه والله لا يحدني على هالشي

 

[بنت الكويت 25]

اكو شركات توفر لج خدم نص داوم تييج 5 ساعات باليوم وياخذون 10 دنانير اذا محتاجة رقمهم قوليلي