اشرايكم بالموقف اللي صار لي امس بالمستشفى

[Ibtisama]

انتي لانك كنتي تحاتين الوالد وايد عشان جذي تنرفزتي... المهم الحمدلله على سلامة الوالد

الله يسلمج يا اختي

انا ما تنرفزت من فراغ يا اختي تنرفزت لأنه ما كلف نفسه يكلمني ويصير قلبي درعم ولا هامه لوما اني انتبهت له وتحجيت جان عطاني بو لباس .. وليش يعني هالكبر علشان انه دكتور؟؟

والناس اللي وراي بعد هذيلا مو اوادم؟؟

 

[قطعة ثلج]

اول شي الحمد لله على سلامة الوالد والله يطول بعمره يااارب

حبيبتي احنا كلنا جذي لما نتوتر ننقهر بس انتي قولي الله الله يسامحة واذكرج بالاية

قال تعالى(والكاظمين الغيض والعافين عن الناس والله يحب المحسنين)

 

[أم الغاااالية]

معاااااااااااااج حبيبتي

حمدلله علي سلامت الوالد

 

[روح البنفسج]

الحمدالله على سلامته الوالد
حياتي في ناس ملقف وايد ذاك اليوم في المستشفي دورنا جان ييي الريال مع مرته ودخل قبلنا عاد انا ماعرف اسكت لوتعبانه مرته صج جان قلنا ماعليه لومستأذنه اوكي بس تحقرنه ويدشون لا فجيت الباب ودخلت وقلت هذا دوري وطلعتهم بره الغرفه

 

[حبيبته آنا]

بما انج ماكنتي منتبهه يمكن بخلال هالفتره اهو سوا نفس اللي سويتيه واستاذن من الناس اللي قبله وشافج لاهيه دش قبلج وخو يكفي انه تعذر منج وقالج اسف ماشفتج حتى لو كان عيار خو اهو مايدري شنو ظروفج قالج اسف تفضلي خلاص خلصي شغلج بعد اشحقه تراددينه وحتى لو كان دكتور ومادري شنو ماله داعي كل هالكلام جان لما اعتذر سيده خلصتي شغلج ومع السلامه :gr4uu:
وعموما الحمدلله على سلامة الوالد:aha:

 

[bent_ayawed]

طولي بالج حبيبتي ماصار الا كل خير .. وحمدالله على سلامة الوالد مايشوف شر .. يمكن صج الريال ماشافج ولكن منتبه ! وبعدين اهو تأسف منج .. يمكن انتي كنتي منفعله شوي وتحاتين الوالد , تصير وايد

 

[Ibtisama]

بما انج ماكنتي منتبهه يمكن بخلال هالفتره اهو سوا نفس اللي سويتيه واستاذن من الناس اللي قبله وشافج لاهيه دش قبلج وخو يكفي انه تعذر منج وقالج اسف ماشفتج حتى لو كان عيار خو اهو مايدري شنو ظروفج قالج اسف تفضلي خلاص خلصي شغلج بعد اشحقه تراددينه وحتى لو كان دكتور ومادري شنو ماله داعي كل هالكلام جان لما اعتذر سيده خلصتي شغلج ومع السلامه :gr4uu:
وعموما الحمدلله على سلامة الوالد:aha:

اهو خذا دوري و خلص وعقبها تاسف .. بعدين شنو واذا شافني لاهيه يناديني لو سمحتي لأني كنت واقفه ورا الشباك على طول.. وليش بالله ما اتحجى مو بكيفه يخطرني ويمشي بارده امبرده.. شنو هي الدنيا فوضه

 

[Anwaar]

اي والله الحين المستشفيات تظيق الخلق

وايد تصير هالحركات !!

 

[Boshiya]

اولا الله يسلمج

وثانيا ماله داعي اسلوبج جنج قاعده تزفين اصغر عيالج

الي متعصب و متنرفز .. يقرا الردود على عصبيه ونرفزه

ابدا موقاعده ازف ولا اصغر مني وحتى لو اصغر انا ما ازف لصغار .. الا في حاله انج حاسه روحج صغيره بهالموقف ؟ هذا شي ثاني ..

وثالثا انا يايه بحاله طارئه يعني اقدر اخطر الناس هذي كلها بدون ما اطلب منهم بس انا ما سمحت لنفسي اسوي هالشي بدون ما استسمح منهم لأن حاله الوالد حرجه واحد مو قادر يتنفس بين الحياة و الموت

كلام مكرر وفهمنا هالحاله وهالشي مايعطيج مبرر لــ سوء الظن ؟ خصوصا والحين عدت الحاله الطارئه المفروض الشخص يرجع ويتفكر

ورابعا الدكتور حضرته ياي بلبس مدني يعني مو وقت دوامه داش حاله حال هالناس حق مريض وبإمكانه يطلب مني يصير قبلي

واذا يعني دكتور ؟؟ يحترم الناس اللي واقفه .. خوش والله باجر انا اخذ الدكتوراه و اطووف الطوابير علبو اني دكتوره؟؟ اشهالمنطق يا اختي

ممم اشدراج انه ما احترمهم !!! هذا السؤال ؟!

على اي اساس حكمتي انه ما احترم الناس ؟ شلون حكمتي عليه ؟!!

انتي كنتي تحاتين الوالد وتطالعينه وما انتبهتي عليه شلون قدم اوراقه؟

وبعدين اقول لج الله لا يحطج بهالموقف يعني احد يعز عليج وقاعد يتنفس بصعوبه ويشاهق واحد يخطرج ولا هو معبرج بس لأنج ما انتبهتي و من يشوف اشلون انتي متنرفزه واشلون اتتردين علي اتوقع بتسوين اكثر مني لو كنتي بمكاني وحصل لج نفس موقفي

وبليز يا اما تردين عدل وباحترام و بدون زف ولا لا تردين بليز وماله داعي هالأسلوب

علمي روحج لحترام .. احترام الفكر بالاول .. واحترام شلون تردين باسلوب ارقى من جذي ..لان كلامي مافيه شي و كنت محترمتج لو تلاحظين يوم قلت :

وهم حظرتج ماتحملتي واحده ما انتبه و سار جدامج !!!

و هالكلمه ماتنقال الا للمقام !



.
.

طبعا افكار الشخص وستايله تترجمها افكاره بافعال وردود افعال .. مثل ما احنا شايفين مستواج الراقي شلون ظاهر خصوصا ردج لي ..

اذا القهر كان ناتج بس لان الاخ الدكتور ماعبرج .. فواضح المشكله من ذاتج .. بدات صغيره وكبرت مع المواقف الي مريتي فيها .. و بهالموقف انفجرتي ؟!!

ماتشوفين شر يالغاليه :eh_s(7):

 

[حصوص الكويتية]

ايه في ناس ماتستحي وعادي ويدشون قبل الواحد بعد حتى لو انتى ناطرة

واااااااااااااااااااي منه ماشافج

 

[حبيبته آنا]

اهو خذا دوري و خلص وعقبها تاسف .. بعدين شنو واذا شافني لاهيه يناديني لو سمحتي لأني كنت واقفه ورا الشباك على طول.. وليش بالله ما اتحجى مو بكيفه يخطرني ويمشي بارده امبرده.. شنو هي الدنيا فوضه

اذا انتي ماتتقبلين ارائنا عيل اشحقه كاتبه موضوع للنقاش ؟؟؟!! اذا انتي نوعيتج تبين بس تأييد لتصرفاتج فاحسن شي لي بغيتي تحطين موضوع كتبي ملاحظه ان اللي بيرد عليج لازم يايد موقفج ويقولج انتي الصح والباجين كلهم غلط وعفيه عليج وزين تسوين
مو هذا اللي تبينه؟؟؟!!!!

 

[SaD FaCe]

ما صار الا الخير عادي

الحمدالله على سلامة الوالد

 

[إنسانه بكل حالاتي]

الحمد لله على سلامة أبوج والله يخليه لكم وياما شفنا من سوالف المستشفيات طوفي حبيبتي

 

[Ibtisama]

الي متعصب و متنرفز .. يقرا الردود على عصبيه ونرفزه

ابدا موقاعده ازف ولا اصغر مني وحتى لو اصغر انا ما ازف لصغار .. الا في حاله انج حاسه روحج صغيره بهالموقف ؟ هذا شي ثاني ..



كلام مكرر وفهمنا هالحاله وهالشي مايعطيج مبرر لــ سوء الظن ؟ خصوصا والحين عدت الحاله الطارئه المفروض الشخص يرجع ويتفكر



ممم اشدراج انه ما احترمهم !!! هذا السؤال ؟!

على اي اساس حكمتي انه ما احترم الناس ؟ شلون حكمتي عليه ؟!!

انتي كنتي تحاتين الوالد وتطالعينه وما انتبهتي عليه شلون قدم اوراقه؟




علمي روحج لحترام .. احترام الفكر بالاول .. واحترام شلون تردين باسلوب ارقى من جذي ..لان كلامي مافيه شي و كنت محترمتج لو تلاحظين يوم قلت :



و هالكلمه ماتنقال الا للمقام !



.
.

طبعا افكار الشخص وستايله تترجمها افكاره بافعال وردود افعال .. مثل ما احنا شايفين مستواج الراقي شلون ظاهر خصوصا ردج لي ..

اذا القهر كان ناتج بس لان الاخ الدكتور ماعبرج .. فواضح المشكله من ذاتج .. بدات صغيره وكبرت مع المواقف الي مريتي فيها .. و بهالموقف انفجرتي ؟!!

ماتشوفين شر يالغاليه :eh_s(7):

يا حبيبتي انتي يمكن ما انتبهتي لطريقة ردج لي عدل .. ولا قريتي طريقة ردي لج عدل

يعني هذي مو مشكلتي.

.. واذا انتي داشه الموضوع بس علشان تجادلين .. فا انا اقول لج بليز روحي شوفي لج مواضيع ثانيه

يا حبيبتي انا ما انفجرت ابدا كلمتهم اثنينهم بهدوء والدليل انهم تبلعموا واسكتوا

واعتقد ردي السابق لج كان واضح و الموقف شرحته اكثر من مره وواضح جدا اللي صار

 

[baby johnson]

الحمدالله على سلامة الوالد ومايشوف شر
ماعليه حبيبتي ويييييي شفنا من هالاشكال وايد

 

[Ibtisama]

اذا انتي ماتتقبلين ارائنا عيل اشحقه كاتبه موضوع للنقاش ؟؟؟!! اذا انتي نوعيتج تبين بس تأييد لتصرفاتج فاحسن شي لي بغيتي تحطين موضوع كتبي ملاحظه ان اللي بيرد عليج لازم يايد موقفج ويقولج انتي الصح والباجين كلهم غلط وعفيه عليج وزين تسوين
مو هذا اللي تبينه؟؟؟!!!!

انا بالعكس شفت ردج وطريقتج طريقة وحده ما تحب ادش بمشاكل و تتحاشاها وبالعكس هالشي خصله وايد زينه ويبيلها ناس تتحمل.. بس انا بالعكس ما احب اسكت لازم اطلع اللي بقلبي بدون ما اغلط على احد اذا احد تعدى علي

 

[Ibtisama]

مشكورين يا بنات .. الله يسلمكم وان شا الله الشر ما اييكم .. يزاكم الله خير

 

[Ibtisama]

اول شي الحمد لله على سلامة الوالد والله يطول بعمره يااارب

حبيبتي احنا كلنا جذي لما نتوتر ننقهر بس انتي قولي الله الله يسامحة واذكرج بالاية

قال تعالى(والكاظمين الغيض والعافين عن الناس والله يحب المحسنين)

مشكوره حبيبتي .. و يزاج الله خير .. والله يوفقج

 

[بنفسجية]

ماتسوى تحرين عمرج
اهم شي سلامة ابوج
شلونه الحين ؟؟

 

[om-HaSsoOon]

اهم شي صلامه الوالد وصحته مايشوف شر والله يطول بعمره يارب