اشرايكم بشرط ريلي للسفر للخارج ؟؟ اوافقه ؟؟

[om mishaal]

من حيث المبدأ لما يتزوج الاثنين يتشاركون الحياة و المصاريف وكل شي يكون مشترك
أساسا لما تشرطين عليه انه كل شي عليك هالشي غلط كبير منج
وماهو مضطر يسفرج أوروبا وغيرها وهو بكيفه حسب قدرته المالية
الحياة مشاركة والمسئولية مشاركة ومفروض انه مصاريفكم تكون مشتركة
تبين تستانسين وهو يصرف بس؟ وانتي ليش ما تشاركين؟ مو بتصرفين على وناستج؟
لا تحطين كلمة فلوسي وفلوسك بحياتكم والا من بدايتها بتنتهي
الله يوفقكم

 

[جروح ودموع]

مثل ما قالت الاخت هلو كيتي حلو الوحده تشارك مع ريلها بس بحالتج لالالا عرفتي اختي انا ما قمت اشارك ريلي الا بعد ما صار عندنا عيال وبيت وعيالنا كبروا الله يحفظهم ومصاريف الحياه صرنا نجمع بحساب واحد طول السنه عشان نسافر او نغير اثاث او ناجر شاليه نونس عيالنا وانا اشركه بجزء بسيط بس اهو الريال فشي طبيعي يشيل كل شي واذا عطيت شي زياده يكون طيب مني مو غصب اذا شفت مثلا ان هالشهر ظروفه تعبانه شويه وانتي علميه المسؤوليه من الاول احسن وان شالله مع العيال ومسؤوليات الحياه انتي من نفسج راح تساعدينه مو غصب عليج عشان العيال والحياة تمشي

 

[الكادي 1981]

حااااســــه بنااااارج والله لاني مريييت باللي انتي تقوولييينه بالضبط آنااا عروووس ودفعت اكثر منه بشهر عســــل

لدبي ؟؟؟؟ وبعد بجم شهر تزوج حماااي وساافر مع ست الحسن والدلال لاوربا وعلى حسااابه الخاااص والسبببب

حرااام ماعندهااا شي موموظفـــه أسكتي لالالا تحريييني والله هالحجي من ثمااان سنين وللحين مستغلنييي والليي

قاااهرني انتي ماتساااعديييني كلشششش !!!!!! :rgewrg: :rgewrg:

 

[فله]

والله حبيبتي انا وحده اسافر كل سنه والنص بالنص عاادي مافيهاشي لان انا موظفه حالي حاله ومعاااشي الحمدلله قوي تقريبا نفس معاشه....
انا بنظري الي عندهاا فلووس وموظفه ليش ماتسااعد زووجها ؟؟؟
وبعدين اشرطي عليه مايقوول لاي احد انج دافعه وشرط بشرط...

صاجه والله نفسي وسافري واستانسي دربج خضر وقولي للناس هو مسفرني

 

[حلمي بر أبنائي]

حبيبتي صج الحياة مشاركه والوحده توقف مع ريلها بكل شي مو بس بالفلوس واهم الاثنين ستر وغطا لبعض
بس مو بحالتج!
انتي توج عروس ويعاملج بهالطريقه ومقصر عليج المفروض هالفتره يدللج ودلعج وما يخلي بخاطرج شي
واصلا عيب عروس ولا صار عندكم اعيال والتزامات ولاطاحت الميانه يقولج ساعديني ودفعي بعد اكثر بصراحه عمري ما سمعتها من قبل
بشهر العسل اشرط على عروسه تحط من فلوسها!
واضح ان ريلج مشحون ومدرسينه عدل من اولها لا تصرف عليها خلها تحط معاك وتساعدك لا تعلمها تدلع وتصرف باجر تدبس بالمصاريف
خاصه وانج ذكرتي ان اهله يحنون وفر فلوسك ومن هالكلام
انتي الحين اوقفي وقفه جاده وعلميه من اولها ان المسؤل عن الصرف ولا اذا جذي من اولها باجر ابشري كل شي بيصير عليج تبين خدامه تبين تولدين بخاص من فلوسج
خليج قويه عندا يسفرج سافري ما عنده قوليله ان شاء الله اذا اهلي بيسافرون بالصيف بسافر معاهم عشان تبنيله انج مو مستعده تصرفين على وناسته
اوقوليله جم ميزانيتك وبحدود فلوسه سافروا ولا تدفعين شي مثل ما عنده يصرف على اهله انتي ملزومه بعد منه واولى منهم ومن واجباته يصرف عليج ويقوم فيج

كلام مقنع ورائع .. إذا من بدايتها كذا أجل وش يبي يكون بعد خمس وعشر سنين

وبعدين نتحسف على ردة فعلنا ونقول ليه الرجل يرمي كل شي علي ..

شوفي هالموقف هذا راح يكشف لك جانب كبير في شخصية زوجك عاد وأنت وذكائك .....
​

 

[brettey]

غيرج مو طايلين البحرين
السهاله حلوه ماعليه قدري ظروفه وساعديه طالما انه بخاطرج
الله يوفقكم يارب

 

[حلااي]

عادي حبيبتي ما فيها شي اهم شي وناستج وما عليج من الناس وارضاء الناس غاية لا تدرك
بعض الرياجيل ما يحبون يسفرون حريمهم حتى لو تدفع التكاليف كلها مثل وحده من رفيجاتي من تزوجت ما وداها لا شهر عسل ولا بطيخ وماتت واهي تقوله اسفرك على حسابي وما كو فايدة احمدي ربج انه ما عنده مانع يسفرج
وحرام قدري ظروفه
واذاكلش قولي له ادفع بشرط تقاسطني اياهم من معاشك واذا على الناس قولي لهم كيفي زوجي واحب ادلعه مثل مايدلعني قولي اصلا انا مسويتها مفاجااة له ما قصر يا ما عطاني وعطاني )))جذي حريهم بس اهما شدراهم
الله يوفقكم

 

[كراميلا مرة]

اذا حيل ودك في السفره عطيه نص المصاريف واتكلي على الله

 

[جروح القصيدة]

مشكورييييييين بنااااااااات

 

[جروح القصيدة]

والله مادري ماني عارفه شلون بتصرف


اففففففففففففففففف

اهوا مشكلته مؤمن بمبدأ المشاركة لأن اخوانه جذي مع حريمهم وكله من امه انا اعرف تفكيرها

ان المره لاااااااازم تساعده لا وتدفع اكثر منه بعد !!!!! امحق تفكير والله

امه مااااااااادية وفيها بخل ، الظاهر طالع لها ؟ لوول

 

[احساس قباني]

شهر عسل وبفلوسي لا والله مااروح حتى لو استانستي هناك راح تكون غصه بقلبج وبعدها راح يقزرها كل شي يقول

ادفعي معاي

:eh_s(15)::eh_s(15)::eh_s(15):

...

 

[نوووور الشمس]

اب

اب

اب

 

[*caramel macchiato*]

يقول المثل ((ولدج على ماتربينه ....وزوجج على ماتعودينه)) انتي توج عرووس وقاعد يقولج ساعديني ودفعي...عيل بعدين شنو راح يقوول ....!!!راح يخلي كل شي عليج ...اعيال وبيت وسفر وجمعية ....بحجة ان الحياة مشاركة ....!!

يعني شهر العسل المفروض اهوا الي يصرف من إلى ...لا تعودينه ...وهم في شغله ثانية مهمة ...اسراركم لاتطلع بره باب داركم ...مايصير كل حجوة راح قالها حق امه وخواته ....في اسرار بين الزوجين المفروض ماتطلع ...!!! عوديه على طبعج ...بالكلمه الطيبة طبعا ...ماقولج لا تشاركينه ...بلعكس الحياة الزوجية مشاركة واخذ وعطا...بس شي يطلع منج ...انتي الي تبادرين ...ومو اهوا الي يحدج .....

مادري انا هذا رايي...وطبعا يظل ان لكل ريال اسلوب معاملة يختلف عن الثاني....

 

[كويتيه كلي ذوق]

اذا ضروفه الماديه ماتساعد انه يشيل تكاليف السفرة كلها فساعديه زوجج مافيها شي المهم تستانسين وحبيبتي والله علشان وناستي اقط فلوس شعلي من حجي الناس انشالله يتكلمون لي باجر انتي تدرين ريلج ماعنده لاتحملينة فوق طاقتة ​

 

[ام مهاوش]

شسالفه ليش اتكبرون الموضوع وتعطونه اكبر من حجمه
اذا انتي قادره شاركي زوجج مافيها شي النص بالنص انتي تدرين فيه على قد حاله وانتي موظفه اذا ما استانستي بفلوسج عيل ليش تقومين من النوم الصبح وتتعبين وتروحين الدوام تصرفين فلوسج على شنو مثلا!!!
انا اقول حطو مع بعض وسافرو السفر يرد الروح ويعطيج حافز لي سنه وراه واللي بتحطينه من الفلوس انتي اللي بتستانسين فيه بتسوقين وبتغيرين جو
بعد الريال ماقصر قالج انا بحاول باللي اقدر عليه وانتي اذا تقدرين ساعديني عشان نسافر واذا ماتقدرين مو ضروري تسافرين
ترا في رياييل مقتدرين ماديا بس لعانه مايبون يسفرون حريمهم
وحتى اذا اهله درو انج دافعه النص ترا مافيها شي موعيب ولا غلط اصلا كل فلس المرا تصرفه على بيتها يعتبر صدفه لها
استانسي الحين قبل لاتحملين وتيبين ياهل باجر تزيد المصاريف والمسؤوليات

 

[يرخصلك كل غالي]

شهر عسل وبفلوسي لا والله مااروح حتى لو استانستي هناك راح تكون غصه بقلبج وبعدها راح يقزرها كل شي يقول

ادفعي معاي

:eh_s(15)::eh_s(15): معااها قلباً وقالباً

 

[Om_Ksha]

استخيري حبيبتي بكل شي تحتارين فيه
السالفه مو سالفه سفر السالفه مساله مبدا
هل اذا تنازلتي الحين باجر بقط عليج كل شي ويقزرها ؟؟؟ ولا شلون




الريال اذا بغا شي يقدر يدبر فلوس من تحت الارض

 

[reham123]

انا اقولج صبري لا تسوين روحج ميته عالسفر ..واذا سالووج قولي ماودي اسافر ليلحين وما احب بالصيف كله خليجين احب وقت ثاني ...لان قوية سالفة ال 500 دينار رايحه عمرة ؟؟ ولا بطلع المهر من جبدج ...صرفي بالكويت ..وصح كلام اغلب البنات ابنك على ماتربيه ورجلك على ماتعوديه ...اساعده واحنا بنص الطريج مو اوله ...توج عروس استانسي

 

[جروح القصيدة]

حيرتوني

 

[** باربي **]

حاااولي فيه انج ما تدفعين قوليله مااااعندي وبسافر

عشاان لا يتعود عليج طول العمر بعد


بس اذا صج ما عنده مو يتبيخل ويبيج تدفعين

دفعي هالمرة بس عشان وناستج

هالايام ما تنعاد

باجر حمل وولادة ويهال تشفقين عالسفر وما تقدرين