اشرايكم بكواية البخار--منو جربهاااا

[*ام ديم*]

هلا بنات

ابي اسأل عن كواية البخار هل هي عمليه او لا .. شفت بالنت ماركات اشكال والوان واسعار غاليه ورخيصه وشي عادي وشي للسفر
واحترت صراحه
ابي شي عملي والاهم كوي زين ومحترم وماركه زينه مو طقه وتخرب
شتأيدون
حقت السفر زينه؟؟
ولا العاديه الي تشبة المكنسه فيها خرطوم طويل
ولا اقعد عالمكواه العاديه ابرك لي :bbbiu:

 

[am-7awra'a]

الصراحة انا جربت الكوايه البخار وايد حلوه وزينة
بس بصراحة مو عملية بعني ماكو غنا عن الكواية العادية

 

[حلوة رغم الحزن]

الصراحه انا مجربه الكوايه
روعه روعه
عند اليوسفي والغانم
حلوين واسعارهم روووعه

 

[cat_q8]

واااايد زينه واكثر استخدامي عليها بس هم ماستغنى عن الاوتي

 

[*ام ديم*]

am-7awra'a
مشكووووووووره على ردك


حلوة رغم الحزن
حبيبتي شنو اسم الماركه وشلون عمليه سريعه يعني ماتصبب ماي؟
ومشكوووووره

cat_q8
مشكووووره وليه ماتستغنين عن الاوتي --ممكن تشرحين لي

 

[دانه وسط الموج]

روووووووووووووووووووووووووووووووعه عن تجربه

ونسيت الكوايه العاديه

اشتريها وانتب مغمضه

 

[دمعة تفاؤل]

حلوووووووووووووووهـ انا قعدت يمكن 6 شهووور بدونها بغيت اطق


صرااحه مااالي غنى عنها

وكل اللي استخدمتهم من الرثعاااااان

حلووووووووووين والمااااي ما يصبصب


بس هم مالنا غنى عن الاوتي

في شغلاااات ما يتفع ضربهم الا بالاوتي

 

[paraka]

أنا مجربة من الرثعان بصراحة وايد زينة .. بس مو حق كل شي يني تنفع حق الشيفونات أو الستان أو الحراير إذا كنت إتخافين يحترقون بالأوتي العادي .. وحق البدل والجاكيتات والأشياء إلي صعب إنها تنكوي عادي ، ومثل ماقالو البنات مالج غنى عن الأوتي العادي بصراحة الأثنين ضروري إنهم يتواجدون بكل بيت.

 

[^^دموع الكويت^^]

انا عندي كواية بخار هدية من خالتي (ام زوجي ) الله يرحمها وبرحمته ....

وايد زينة وسريعه انا مخليتها حق تي شيرتات زوجي

اما البنطرونات لازم الاوتي العادي

 

[farawla_q80ia]

انصحج وبشدة بالاوتي البخاري مو الوقافي لا اوتي العادي بس يكون فيه بخار توة نازل يديد في الغانم تقريبا 2800 وات قوتة

 

[(( أم نــونــا))]

حلوه انا كنت مجهزتها مع جهازي يوم اتزوج لاني بصراحه مااستغنى عنها

بس هم بعد مااستغنى عن الاوتي

بس اكثر كويي على البخار واسرع

 

[*ام ديم*]

مششكووورييين جميييعااا ماقصرررتواا بس محد عطاني اسم الماركه - ابي احسن ماركه وماتصبب علي وعمليه وماتتعبني وكويها زين وماتخرب بسرعه= شروط تعجيزيه مو ؟

 

[sHa6o0ra]

مووووووووووووووووووووزينه كلش كلش لاتشترينها

انا شريتها اذكر كانت غاليه واختربت وموعمليه وانتي تكوين فجاه يخلص الماي وماتقدرين تحطين ماي لين يبرد لان راح يطشر واهو حار وقعدي نطري وبعدين ثقييييييييييييل يكسر ايدج مومثل العادي الي بدون ماي
والشغله الثالثه انتي توج متزوجه ؟؟ اذا توج متزوجه مردج بتييبين خدامه وبتلعن خير الاوتي ييبيلها اي نوع رخيص وخفيف وسهل لانها راح تخربه
انا شكثر انصحوني بالبدايه بس ماسمعت الكلام
وبعد شغله انتي لما تكوين يبيعون بالجمعيات فيه شغلات خاصه رش حق الملابس عشان مايخترب الخام مو مثل الماي يخرب الهدوم ,, واذا حطيتيه باوتي البخار راح تتكون مثل الملاح داخل ويخترب
خليه عنج عن تجربه موزين

احسن ماركه حل االاجهزه الكهربائيه بشكل عام اهيا بوش وبعدها براون ,, اهم شي اخذي الي مكتوب عليها ماتلصق على الهدوم

 

[دنيا الحسايف]

بالعكس اتهبل واستخدامها سهل وسعرها موغالي يمكن بــ19 اوبــ29 من الرثعان
ومكتوب عليها كروان واحنا نكوي كل شي فيها حتى الجينزات والعبي والبدل كل شي

 

[وردة-الكويت]

صراحه كوايه البخار روعه وعن تجربه اخذي الي جنها مكنسه والحلو فيها انج تحطين مع الماي العطر الي تحبينه راح يلزق في الهدوم

ومنها تعطرين ملابس وغرفه الاوتي

موفقه

 

[ياشايل الظبى]

عندى بس ما حبيتها ... كله استعمل الاوتى

 

[فيروزه]

الي مو حلو فيها ان لازم معاي احد يمسك الملابس
جربت العلاق بس ما نفع

 

[laura mercier]

شنو الرثعان؟؟محل؟؟وين؟؟::080402ask_prv:

 

[FAUCHON]

اي والله شنو الرثعان؟؟؟

 

[ثلاثينية]

انا استخدم نوعين من الكوي
اولا : الاوتي العادي بس على بخار طبعا وهذا اخذته من الغانم ويهبل وسعره 36 دينار وطبعا هذا للفنايل الداخليه ومكسرات الرياييل وحق القطن
وثانيا: البخار للي نشوفه في المحلات هذا يهبل لانه مايخرب النطلونات او التونزات والبلوفرات ,,, واحيانا اغسل الستاره بالبيت بس تنشف اعلقها وبعدين اكويها بالبخار ... طبعا روعه