اشرايكم بكواية البخار--منو جربهاااا

[شموخ العجمية]

رثعان محل الالكترونيات

 

[sweetmama]

وايد مفيده حق العبي والشيلات شاريتها من اول التسعينات من محل الراشد للادوات الكهربائيه

 

[فراشه ورديه]

توني داخله بكتب نفس الموضوع وبسالكم عن كواية البخار

بنات اللي اتعرف اكثر تفيدني انا ابيها لملابس عيالي المدرسه تنفع

لان من يوم خدامتي راحت وانا ايدي انكسرت من كوي ملابس المدرسه ولا باقي الملابس مو مشكله اوديها المصبغه

بس ملابس المدرسه يوميا وصعب اوديهم للمصبغه

اللي تقدر تفيدني تنفع كواية البخار لملابس المدرسه وتكويهم عدل

 

[فوشية]

الصراحه تخلى عبايتى جنها جديده وتحلفين انهااااااااااااا كوى موبيت؟؟

ما استغنى عنهااا لشيلتى وعباتى للجامعه رووووووووووووووووعه وماتتعفس وانظف من الاوتى

 

[meen_ana]

ان شاء الله راح اشتري منها حق العبي ووالتي شيراتات والشيلات

 

[بنوته جامعية]

انا استخدم البخار حق العبي واللفات وساعات ملابسي العادية
بس لازم تكوين بالطول (( يعني فوق تحت )) بس .... واذا كويتي يمين ويسار الماي يطلع من راس الاوتي . البخار
ولازم تترسينها على الاقل كل اسبوع ويكون الماي تقريبا اكثر من النص

وانا اغسلها حوالي كل اسبوعين واذا ما غسلتيها مع الوقت ما راح يكون صعب تشغيلها او عشان الوصخ تكود دااخل

بس احسها مريحة وتقدرين تكوين على الملابس اللي فيهم نقسات وزري وسوااالف...وما تحرق الملابس وهذا احسن شي



وتقدرين بعد تكوين المفارش وهي على الطاولة بدون ما تشيلينهم



ادري اني سويت دعايه .... هههههههههههههههههههههههههههههههههه
وادري اني وايييد طولت بس عااادي صح ؟؟؟؟

خخخخخخخخخخ

 

[اكوامارين]

وايد زينه وريحتني وايد بكوي العبي والشيلات والبدل الي فيهم نقش وشوارفسكي وماتحرق وطبعا ملي غنى عن الأوتي العادي بس هم فيه بخار حق الأقطان والبجايم

 

[*ام ديم*]

مشششكوريين يابنااات الف افف شكر
ماقصرتوا صرااحه
ابي الله يعافيكم اسم الماركة الزينه عطوني براون ولا كونير مين احسن
ابي اسم الماركه
ومشكوريين

 

[*دانة الخليج*]

من كلامكم قررت اشتريها على الصيف الياي باذن الله

مشكوورين

 

[ام صوغة]

شخباركم حلوات الصراحة انا رايي غير انا جربتها بس مو عملية شفت مالي غنى عن الكواية العادية سرت وعطيتها لاختي حسيتها بس تكوي قمصان النوم الملابس الحرير بس...

 

[*ام ديم*]

هلا بناتاعتذر عن التأخير
وبصراااحه
ماقصرتواا
بس ايش الماركه الزينه؟؟

 

[أساور]

ماعجبتني مو عملية

 

[ثلجة باردة]

بصراحة انا استخدمها حق القمصان والعبي اللي فيها وايد تفاصيل لانها عمليه وايد
يس اكيد مانستغنى عن الاوتي العادي حق الملابس الصغيرة وهالشغلات

 

[ثلجة باردة]

أنا اللي عندي ماركتها princess بصراحه اهي هديه معطيني اياها ناس
بس اعتقد انها رخيصه مو غاليه وايد وبصراحه وبصراحه وايد زينه

 

[*ام ديم*]

الصراحة انا جربت الكوايه البخار وايد حلوه وزينة
بس بصراحة مو عملية بعني ماكو غنا عن الكواية العادية

هلا بنات
الففف الف شكر لكم ماقصرتوا
بس ماحد نصحني بماركه معينه :cxxxp:

 

[ظلال القرآن]

اذا قصدك البخار الكبيره الي مثل المحلات الوقافي
يهبل بس لازم تاخذين شي زين من الغانم اخذته ب35 دينار روعه وانا مخصصته حق بدلاتي والعبي يحافظ على العبايه وتصير جنها يديده ولا يصير فيها لمعه يعني باختصار اوهو الاوتي الامثل للعبايات والبدلات الحرير والشيفون
واذا قصدج الاوتي البخار العادي شريته بس لين الحين ما جربته اختي جربته تمدحه تقول حتى لجنزات المعفسه يكويها بكل سهوله وشريناه من المعرض من واحد صيني ب 10 دنانير

 

[^^ام ميمي^^]

روووووووووووعة وما اقدر استغنى عنها انا بعد شاريتها من عرسي مع تجهيزي واللحين صارلها 5 سنوات وما اقدر استغنى عنها العبايات والملافع والبدلات اللي فيهم كسرات ومن هالسوالف ماتصلح الا بالبخار وملابس السهره والحراير والشيفونات كلة بالاوتي البخار اللي مثل المكنسه وبالعكس انا اترسه ماي ويقعد مده طويله ومتى ما احس ان قل الماي اترسه مره ثانيه

وعمري ماحسيت بحرارتها وتهبل واي شيء من الملابس اعلقة بعلاق واضربها اوتي بالبخار

 

[^^ام ميمي^^]

وبعض المرات لما اطلع ملابسي اللي مضروبه اوتي من الكبت القى مثلا فيهم جفسه من الكبت او من تحت اشوي متعفسه على طول اشغل البخار واضربها على الماشي اسرع وعملي اكثر

وشريتها من اليوسفي تقريبا ب 24 دينار
وتصلح حق ملابس الياهال المدرسة وحق كل شيء

 

[!! الواصليّـــــة !!]

انا ما استغنى عنهااا

بس عيبها انج لازم تسوين اوتي للبدله قبل لاتلبسينها بساعات .. لأن اذا كويتيها ولبستيها ع طول تتعفس البدله لأن البخار يعفس الخام بسرعه ..

بس صج صج مريحه

 

[نكهة عسل]

منتج كويتي 100% ممكن اعرف ماركة الكوايه البخار الي عندج ومشكورة علي الافادة