اشسالفة الزيادة السنوية لمدرسة الرؤية

[In Geneva]

مساء الخير خواتي

مو ملاحظين المدارس الخاصة عموما تزيد بين الفترة والثانية الرسوم السنوية

الرؤية زادت الرسوم للسنة الياية بعد

هذي ثالث سنة يزيدون الرسوم

لا وألغوا الخصم ال 10% للإخوان يعني مثلا الأخ الثاني أو الأاخت اللي بصف 11 رسومها للسنة الجاية 2740 يكون الخصم اذا كان 10% حوالي 270 دينار
لكن ألحين الخصم ما يكون 270 راح يكون بس 150 يعني باقي الخصم 120 دينار خلاص ألغوا

ليش هاللي قاعد يصير سنويا زيادة
والتعليم الخاص ما يسوي شي كلش لأن مطلعلهم قانون سامح لهم بالزيادة ورافع لهم نسبة الرسوم

وما أشوف كثير يتكلمون أو يعارضون يمكن لأن في ناس جهات العمل تدفع لهم

والمدارس ضامنة إنها تستلم مستحقاتها حتى لو ارفعوا

آنا بعرف الازمة العالمية ليش ما أثرت على رسوم المدارس ؟؟؟

ولا ايشرايكم بالزيادات السنوية للمدارس شي طبيعي اللي يصير ؟؟؟؟؟؟؟؟؟؟

 

[قناديل الخير]

اي والله صحيح كلامج اغلب المدارس الخاصه هذا طريقتهم كل سنه اسعار جديده

 

[Accepted]

اييي و الله انا بعد استغربنت ليش شالوا ال 10 % ؟ 150 ما تسوي شي الله يهديهم كل المدارس الخاصه تعطي اقل شي 10 %
و ودي اعرف شنو جهات العمل الي تدفع حق عيال موظفينها على شان اقول حق ريلي ينتقل لهم :dddds:

 

[mr000]

والله حتى احنا العالميه الأمريكيه زادوا الرسوم اليوم رحت بدفع حق ولدي حق حجز المكان للسنه اليايه ألا غريد 9صارت الرسوم 3187.... يعني انتوا أرحم جان غريد11 أقل من 3000 شنسوي ملزومين ندفع ماراح نطلعه عقب ماوصل لي هالرحله... وعلى سالفة الوظايف اللي تدفع آنا لاحظت أنه أغلبهم يدفعون حق اللي مو كويتيين يعني أخوي يشتغل بقطاع خاص الشركه تدفع حق الهنود واللبنانيين والاجانب اللي معاه وهو يدفع حق بنته من معاشه مارضوا يدفعون له حتى بالدفاع يدفعون حق الأجانب وديوان المحاسبه والماليه والخطوط الكويتيه يدفعون حق بعض الوظايف مو كلهم بس يحددون مدارس يعني الغانم والتكامل موعلى كيفه الأبو يختار أي مدرسه... والله مدرستنا متروسه مصريين وسوريين ماجنها من المدارس الغاليه الله يسلم وظايفهم الللي تدفعلهم

 

[ام _خلودي]

بنات بغيت اعرف جم رسوم الكى جى 1 و الكى جي 2