اشعة الصبغة hsg تجاربكم

[ابدا يالغالي مانساك]

مدري تنصحون اسويهااااا بناااات
شكلي تحمست من ردودكم الحين شنو ال يقنع زوجي

 

[فديت من سماني]

انا الدكتور يقول تسويها الوحده بعد سنه و زياده لانها تتعب

 

[حرم زوجي]

بنات انا بسويها اليوم بالعرف ب110 مع بنج دكتورتي قالتلي انها تعور والله كريم حددي خايفه بس يارب

 

[د.أطفال]

والله يا ابووودة انت ما شاء الله حصل عندك حمل قبل فالدكتور مالك متطمن ان أنابيبك بإذن الله اوكي
غالبا يطلبونها للي ما حملت أبداا أو الي حصل عندها حمل خارج الرحم لنهم يخافون يكون حصل التصاق او شي

بنات وايد حملو بعدها انا سويتها الشهر اللي طاف و متفائلة
على أي حال سألي دكتورك الدكاترة عالأيام يبون من يذكرهم.. ترا انا قلت للدكتور ابي اسويها هو كان يبي اكمل كم شهر عالمنشطات بعدين ..بس انا اصريت

 

[حرم زوجي]

انا سوتها اليوم الساعه10 وكنت مبنجه بس حاسه بعوار للحين وينزل مني دم وقطع صغيره وخيوط بس قالي الدكتور مافيها شي كل شي سليم بس ليش الدم ماوقف والقطع اللحم من وين

 

[تعبت ياذالصباح]

انا سويتها بمستشفى الفروانيه وحملت ثاني شهر يارب لك الحمد

 

[عسل حدي]

لازم اروح حق دكتوري ثاني يوم دوره عشان اقوله بسويها ولا علدي اروح اي وقت
باني ناطره المسعده تنزل تاريخ١٣ وعقبها ودي اسوي اشعة الصبغه شتشورون علي اروح مع الدوره ولا بعد ولا قبل

 

[nhafez]

احسن روحي ثاني يوم من الدورة لدكتورتج عشان تحط لج موعد للأشعة لان لازم تسوينها يوم 7 او ثامن يوم من الدورة عشان يكون عنق الرحم للحين مفتوح وموفقه والله يسهل عليج

 

[عسل حدي]

الله يسلمج حبيبتي

 

[عسل حدي]

السلام عليكم ..
انا سويتها بعد علاج بالمقويات دام سنة بدون فايدة والحمدلله سويتها بالسلام ب100 بدون بنج بغيت اموت من الالم واايد تعبتني .. بس الالم كله برد وراح بفضل الله لانها سويتلي مثل فتحت الانانبيب وحملت
والله يرزق كل من يبي الذرية وعليج بالدعاء ( يامن سمعت زكريا بالمحراب اذ ناداك ربي لاتذرني فردا وانت خير الوارثنين وسمعت ايوب اذ دعاك ربي اني مسني الضر وانت ارحم الراحمين )

حبيبتي منو دكتورج بالسلام

 

[جولينار]

اخاف

بنات اوصفو لي الاشعة وكيف تتم

مثل السونار الداخلي ؟؟

 

[د.أطفال]

عادي وايد سهلة حبيبتي يدخلون شي مثل السونار الداخلي بعدين يدخلو مادة سائله ويصورون اشعة وبسسسس
بإذن الله تحملين بعدها يارب

 

[عسل حدي]

بسويها ناطره الدوره تنزل تاريخ ١٣

 

[آلزينْ مُلكيْ]

اممممم ذكرتووني فيها وبعوارها خخخخ بخرع اللي ما سوته لوول

انا خوافه وبجيت اصلا لووول
بس وقت حقن المادة اهي اللي تعور بس عوار تحمليينه دقايق ويخلص
شلون بتحملون وتولدون وانتو تخافوون
فكري انه فيه شي اكثر عوااار وتعب من اشعة الصبغة

سكلوجية
عسل
ابووودة

سووها عشان تطمنون لا اكثرر
والله يرزقناا يارب

 

[آلزينْ مُلكيْ]

اخاف

بنات اوصفو لي الاشعة وكيف تتم

مثل السونار الداخلي ؟؟

يا الخوااافة
اي مثل السوناار بس الفرق انه فيه مادة يتم حقنها بالانابيب
وتحسين فيها وبسس دقايق وتخلصين
توكلي علي الله وسويهاا

 

[عسل حدي]

شجعتني خلاص مآذني ماي بسوقها اول ما تنزل الدوره

 

[د.أطفال]

الله يرزقكم زيرزقني
انا كتبت الموضوع قبل لا اسويها.. الحمدلله سويتها واشعتي سليمة بس ما حملت اول شهر

 

[عسل حدي]

انشالله هالشهر حامل