اشكناني للخدم

[ام يوسف 2007]

واااااااااااااااااااااااااااااي خرعتوني

اناطالبة منهم خدامة اندنوسية وباجي يوم وتوصل الله يستر بس

 

[ثلاثينية]

اشكناني مكتب فاشل بالدرجه الاولي واخوي عنده تجربه مريره وياهم يخيلوا اخذ منهم شغاله ورجعها لانها ما تشتغل عدل وقالوا له في واحد يبيها وبنحول على الكفيل اليديد........ وتخيلوا بعد 4 سنوات يتصل الكفيل اليديد على اخوي ويبيه يحول الاقامه لانه يبي يسافرومضطر ياخذ الخدامه معاه
طبعا اخوي طق على راسه لانه يعتبر مخالف وعليه غرامه ... ومازالت قضيتهم في المحكمه
وانا قدمت عند مكتب الصفران وطلبت فلبينيه وقالت لي الموظفه انه مدربه وشغل عدل ,,, وصار لها يومين لايعه جبدي ولا تعرف تسوي اي شي .. ووصخه حشاكم وما تعرف كوعها من بوعها وانا مضطره اتحملها واعلمها

 

[kitten-85]

امبيييييييييييييييييه بنات خرعتوني امبييييييييييييييه صج جص ضاق خلقي .......
قبل سنتين وشي كنت طالبة خدامة من عندهم فلبينية يت بس قعدت عندي 5 اشهر بالظبط وبعدين وديناها المكتب لعدة اسباب: من اول يوم يت عندنا وهي منفسة وعافسه ويهها يبتها قبل ولادتي بجم شهر ولمن ولدت وكان صايرلها 3 اشهر مرات اذا مسكت ولدي تكرمون وقت الي انا بروح الحمام او بصلي اشوفها كله عافسه ويهها ومنفسه .. معني والله معاملتها احسن معاملة وماكنت اخليها تشيل ولدي الا لضرورة ...... بعدها شوي شوي قامت تبوق وبس اكتشفنا سييييييييييييدة من غير ما تحس وديتها ببيت اهلي وشلت قشها كله وحطيته بالسيارة وييه ريلي خذاها وذلفها المكتب ... وصرخوا عليها وزفوها وغصب اعترفت وببرود ومو هامها وااااااااااااااااااااااي على قولة ريلي كلش مانزلت منها ولا دمعة وولا خافت عين قوية يقول بالمكتب الفلبينية الي تصرخ عليها شريرة وصوتها عالي وصراخها يوصل لي آآخر الشارع يقول انا اخترعت وهذي ولا هامها !!!!....... بعدها بدللها طلبنه وحده ثانية فلبينية من نفس المكتب ... وقعدت شهرين ونص لي 3 اشهر بدون خدامة وولدي كان صغير عمره شهرين بس لمن وديتها المكتب توهقت حيييل كان وراي جامعة ودوام وولدي صغير كليتها عدل ...... والحمدلله بعدها يت خدامتي الي الحين من يت وههي دفشة واااااااااايد دفشة تطامر وتراكض عالدري مثل اليهال وتدزز لمن تمشي اهيي اسلوبها جذيه معناها مو من القرى ولا غجرية !!! وطبعا والله والله والله ايدها ثقيلة وحااااااااااارة ما يمر اسبوع الا وكاسرة لها شي مره كاسرة ريل الدفاية !!! مرة كاسرة تحفة !!! مرة صحون !!! مرة قلاسات !!! لوعت جبدي وغير جم بدي وشيلة حرقتهم !!!! بس الي مصبرني عليها انها وااااااايد زينة مع ولدي وهذا الاهم عندي تلاعبه وتعلمه انجليزي ... وهو يحبها بعد فكنت وااااااايد اطوف لها وخصوصا لاني كنت ادرس بالجامعة وما ابي اتوهق وكل شوي يايبتلي خدامة وطالبة يديدة ... بس لازم كل شهرين مسويتلها سالفة وتنطقر وتنفس وبس برد المكتب ومن هالقبيل وبعدها الله يهديها بس كنت طول الوقت احاتيها تعر علي ومداريه خاطرها عشتوا ما يبقى هدايا ما يبقى شي ما اعطيها كله عشان ولدي عندها وانا بالجامعة بس طبعا اوديها بيت اهلي معاه ... الحمدللة على كل حال بس توها قبل شهر خلصت سنتينها ومددنالها سنتين بعد معنى ما كان ودي تقعد عندي لان واااااايد تعر لازم لازم بين فترة والثانية من نفسها تنطقر وتعر بس اقول بدام علمتها ودربتها على ايدي وتعبت عليها واااااااايد على ما علمتها الاصول والاتيكيت وعلى شغل البيت وتعرف شنو الي الي انا ابييه ما عندي استعداد كل شوي مدخلتي وحدة يديدة بصراحة ومادري شلون تطلعي فماسكة مينوني احسنلي وان شالله الله يهديها يااااااااااااااارب وتصير خوش وحده السنتين اليايين ......

 

[عسولة الكويت]

مكتب اشكناني زباااااااااااااااله انحاشوا عنه يلوع الجبد والخدم اللي يجيبهم موصاحيين لي تجارب مريرة معاهم الله يقطعهم

 

[كويتية هيبه]

يمكن ليش لا
الصراحه انا وايد يعجبني هالمكتب وخذيت منه خدامه اتهبل قعدت عندي سنتين ونص
مو شرط بنات ترا

 

[MoonDiamond]

الله يعين.. الخدم حظوظ والمكتب له تاثير عالخدامه..

 

[ضحكة الدنيا]

انا بعد تجربتى مع هالمكتب فاشله
وخدامتى الفليبينه بعد ست اشهر سوتلى سالفه وتبى تسافر

زين بنات نبى مكاتب خدم زينه نتعامل معاهم

 

[برونزية رشيقة]

انا بعد تجربتى مع هالمكتب فاشله
وخدامتى الفليبينه بعد ست اشهر سوتلى سالفه وتبى تسافر

زين بنات نبى مكاتب خدم زينه نتعامل معاهم

فيه موضوع منفصل عن المكاتب : اسمه مكاتب الخدم بين الزين والشين !!!!

.. دوريه في القسم

 

[b6o6a]

عيل احنا تجاربنا مع هالمكتب ناجحه لوول

 

[sa7ab]

الخدم حظوظ

بس للاسف اغلبيه اللي قاموا اييون ويشتغلون مو زينين اختربوا
مايندره ليش

وانا هن تجربتي وحرمت بعدها اطلب منهم

ماطولت شهر وانحاشت بس بهذلتها شهر وانا لاطعتها بالمكتب عندهم عشان تتأدب كنت بسفرها عشان لا تتفلسف وتقول ابي بيت فيه اجازه وتلفون بس اخر شي يوم ردولي فلوسي كااامله قلت اوكي اتنازل عنها وطلبت وحده ثانيه من مكتب ثاني


طلعت انا مو اول وحده تنحاش خدامتها من مكتبهم شكيت بعمري مع ان والله اسبوع شفتها وخدامتي علمتها واسبوعين كنت بمستشفى مسويه عمليه واسبوع كنت ما اقدر اتحرك وبيت اهلي وبس رديت البيت انحاشت تقول انا مو زينه معاها

هذي خطط يا منها تبي تروح بيت معين او من المكتب الله العالم والله يفكنا من شي اسمه خدم استغفر الله

 

[فروحة الكويتية]

فاااااااااااااااشل

 

[Abady2005]

صراحة ماجربتهم ومو كلهم موزينين
بس سمعتهم موشي .
يقولج يجيب الخدامات تقعد عندج شهرين وتنحاش
في مكتب الامان بحولي عجيييييب وثقة .
وفي مكتب العبدالجادر عند قصر دسمان .
هذول اللي سمعتهم بالنسبة لمجتمعي اوكي
والخدامة حظ
والله يوفقج وتلاقين الخدامة اللي تسرج ... وتبرد كبدج

 

[مشاعر أمرأه]

صراحه مكتب فاااااااااااااااااااااشل

وكلامي عن تجربه

ماانصح احد ياخذ منهم لانهم نصابين

 

[سما الكويت]

يرفع للافااااده

 

[nono78]

الخدم هابيلي هبه

يقعدون 5 اشهر وينحاشون او مانبي نشتغل

اففففففففف الله يعينا

 

[بنتq8]

عمري مكتبهم زفت مثل ما قالوا البنات مبرمجين خدمهم فتره ويتحاشون مره عمي كانت مقدمه عندهم اندونسيه وانحاشت ونحشت الاولي معاها

روحي مجمع الرميح اللي بحولي تحت كله مكاتب خدم

 

[جوكاندا]

أنا عن تجربة يبت خدامة أندونيسية من عندهم قعدت معاي 5 سنوات وقالت تبي تسافر لأمها وبعدين سافرت أبو ظبي من سنتين وليلحين تتصل علي تبجي تبي ترجع لنا وتسأل عن عيالي 4 الله يخليهم يحبونها وتحبهم وهي تشتري لهم إذا طلعنا
بس الصراحة أول سنتين يننتني أشوف عندها موبايلات وصور وحركات وبعدين سنعتها عدل صارت تصلي وتخاف
وعقبها يبت من نفس المكتب وحدة أندنيسية الله لا يطيحكم بمثلها غبااااااء ووصاخة ولوعة جبد وشوي شوي تجذب واستعباط لا واكتشفنا إذا ركبت السيارة تدوووخ وتزوع الله ياخذها ما نتهنا بطلعة كلششششش ، صرنا نخليها في البيت أو إذا اضطرينا نطلعها زوجي يعطيها حبوب اللوعة علشان بس نوصل مشوارنا
بس تدرون يا بنات تنزف زف مني ومن زوجي أكثر بس ولا فكرت تنحاش مع إنه أم زوجي انحاشوا من عندها 3 خدامات ويقولون لها انحاشي تخاف وين تروح إهي عمرها 18 سنة
بس الله يصبرنا ويصبرها وتقعد لا نحسدها واتوهق