اشلون اجبرها عالدفع

[jen2n]

السلام عليكم شلونكم شخباركم شمسوين

بنات باختصار ابي حقي

اتفقت وانا وزميلتي نتحاطط على مبلغ معين

بعدين قالت انتي دفعي بعدين اعطيج

ولما دفعت وخلصت وقلت لهم جم تحط

ما يت وقالت لج هاج قام اتماطل وتضيع الصقله

وانا ماني عارفه الحين اشلون اجبرها على الدفع؟

 

[جنون العاطفه]

للاسف مافي شي يثبت لكن كلميها ممكن تعطيج اوو دخلي احد بالموضوع
والله مايضيع حقج ي رب

 

[KOKO_284I]

كوني صريحه معاها وقوليلها ابي افلوسي واذا اتخاذلت اتكونين عرفتي ان ما تصلح للصداقه صراحه

 

[* ليــــدي *]

قوليلها متى تردين فلوسي ..
اللي مآيستحي منج لاتستحين منه

 

[سوسو حبيبتى]

امبييه موقف لاتحسدين عليه

صدق المثل لما قال ( لما تسلف حد فلوسك خليه يبوس ايدك .. لانك لما هاتيجي تاخدهم هاتبوس رجليه


الله يعينك صراحه

انا اتحطيت ف الموقف دة كتير وبغبائي عمري مااتعلمت

اخر مرة كان مبلغ كبير وكانوا ناس محترمين واغنياء وفضلوا يماطلوني

واتصل واطلب ولاحياه لمن تنادي

اخر شي اتصلت بيهم قلت لهم فلوسي عند ربنا وحسبي الله ونعم الوكيل فيكم انا مش مسمحاكم ف الفلوس

والله قوويه الدعوة ...بس برضو لاحياه لمن تنادي

 

[بحر الرمال]

عندي طريقه لئيمة شوي
كل ماتشوفينها قاعده وسط مجموعه بنات سأليها عشان تتفشل و تردهم لج
تعمدي احراجها لان هالاشكال ماينفع فيهم الا جذي

 

[Patcholli]

عزميها عندج بالبيت علبونه جمعه عاديه وبين السوالف قوليلها شصار على الفلوس اذا تعذرت وقالت مو ساحبه قوليلها مستعجله عليهم الله يخليج وطلعي معاها خل تسحبهم بالكي نت جدامج لاتستحين من شخص ماستحى منج

 

[حبي بيرين]

ماازيد على اللي قبلي بشئ الصراحه احسن شئ وشوفي لما تصرحينها راح تعرفين ليه ماتدفع ممكن الاخت مامعها حاليا

 

[||سمّـني روحك||]

..

زي ماقالو البنات صارحيهاا

 

[ديمــــــــــه]

اكررره هالنوعياات .....اذا طلبتيها وحسيتيها مابترجعها نهاائي تحسبي بوجهها ويمكن تخاف وترجعهم
الله يعينك

 

[*kim*]

عندي طريقه لئيمة شوي
كل ماتشوفينها قاعده وسط مجموعه بنات سأليها عشان تتفشل و تردهم لج
تعمدي احراجها لان هالاشكال ماينفع فيهم الا جذي

طريقة حلووووه صج صعبه اطبقها بس عجبتني

 

[عادت ذكرياتي]

الله يعينج صراحة

 

[بنوته-توته]

يووو اكرهه اللي جذي
نفسج انا من سنه تقريبا ووللحين ماشفت فلوسي

 

[PuPa^^SWeeT]

نطري لين تنزل الرواتب و ردي قوليلها


قوليلها متى انشالله اتردين فلوسي



ترا محتاجتهم عندي مشكلة هالشهر



واذا تماطلت ساليها جدام الناس علشان تنحرج


ومرة ثانية لاتقبلين تدفعن عن احد


اهلج صديقاتج الclose حيييل اايي ا



اي وحدة ثانية no way

 

[chee$e cake]

عادي كلميها بأسلوب حلو يحرجها و ما يغلط عليها يعني

فلانه حبيبتي بخصوص الدفع و الله انا دفعت لج و ناطرتج تدفعين لي حتى انا عندي مصاريف و مشاغل بخلصها

و من هالحجي و اسلوب حلوو ما اتوقع في شي عيب او حرام او يضايق يعني انتي قاعده تطلبين حقج و باحلى اسلووب و ان شاء الله تدفع لج بسرعه يارب و ما تماطل بالسالفه . .

 

[lala2]

الله يعين علي هالاشكال
ذكرتيني بصديقتي كانت تبيع لاختها بضاعه ويجون الحريم بيتها ويشترون
وشرت منها حرمه اغراض ومرت فترة وما دفعت وتوهقت رفيجتي وتطرش عليها والحرمة تعذر وراحت رفيجتي ودفعت لاختها من جيبها
وبعد مدة هالحرمة اللي شرت من رفيجتي صار عندها بضاعه تبيعها
عاد شسوت رفيجتي....
راحت شرت منها اغراض بقيمة اللي اخذته ولما خلصت قالت : ام فلان ترا هذول بثمن الفلوس اللي عليك جدام الحريم وطلعت وهذيك المرة برد وجها وماردت... اعجبتني !!!!