اشلون اخلي شخصيه عيالي قويه ....؟؟؟؟؟؟

[~ ورد الجوري ~]

مرحبااااااااااااااااااا



خواتي انا وحده عصبيه وبسرعه اي شي يرفع ضغطي وعلي طول صراخ واهواش اذا شفت شي من عيالي ماعجبني مثل اذا وصخوا غرفتهم او صار لعبهم كله اصوات عاليه بس لاحظت ماعندهم شخصيه يستحون ماعندهم جراه لرد اذا احد غلط عليهم


لاحظت بصراحه اللي امها هاديه وعادي عندها عيالها يزعجون مايزعجون شخصيتهم قويه خصوصا بنات اللي مدلعات زيااااده انا اذا بدلع بحدود البنات الي اشوفهم طلعاتهم وتسوقهم بكيفهم مو كيف امهم واتوقع الام عاجبها وراضيه ...انا طلعاتي وتسوقي بكيفي ولا مره شفت وحده من بناتي قالت يمه بنروح السوق او ليش ماطلعونا احتتتتر

انا بنظري الدلع يخرب البنت وتمرد علي امها وشافه ماعندها رقيب ممكن عادي تغازل وهذا اكثر شي اخافه علي بناتي حتي النت ناااااااادر اخليهم يمسكونه لكن اللي اعرفها 24 ساعه بناتها نت مادري شلون ماتخالف عليهم وفي نقطه لاحظت بناتي مو نفس هالبنات اللي تطلب من مطعم او بقاله ليش هل اهو خوف مني او ضعف منهم ؟؟؟

ابي تساعدوني شلون اقوي شخصيتهم بنفس اللحظه لو يبون يخربوط وراهم رادع وخوف مني !!!!​

 

[قمر بيت أبوها]

وش الفايده انك تختارين ملابسهم علي كيفك وطلعاتهم علي كيفك ندري امهم بس الام ترشد مو تستعبد
آسفه بصراحه بس ذكرتيني ببنات جيران امهم اسلوبها تحكم باستعباد اكسرت نفس بناتها ماعاد خاطرهم بشي
يمر العيد مايتشرون من البرود والانكسار والبنات يقدمون علي وظايف وهم ماتحركوا والسبب امهم ودك بناتك يصيرون كذا
المدلعه من صغرها الدلع المحدود طبعا مو المصاخه تكسر ارقاب الناس ماتسمح لاحد يغلط عليها وتكبر ويكبر معها هالشي لانها عارفه وراها امها وابوها فهمتي بس اللي امها وابوها يكسرونها تنكسر حتي من ابسط شخصيه
لاتزعلين بس جد مااحد الصراحه صراحه يالغلا

 

[[ نور عيني ]]

كلام قمر عين العقل ،

 

[~ ورد الجوري ~]

قمر تسلمين وفعلا خايفه يكونون بناتي نفس بنات جارتكم ابي لهم كلمه يردون بالوقت المناسب يدافعون عن نفسهم مو يقعدون يبجون لان ماعرفوا يردون ولا يتنحون مايدرون شنو يقولون انا ما ابيهم متمردات مايستحون لا اقل شي ابي لهم شخصيه قويه خاصه فيهم

 

[قمر بيت أبوها]

عطيهم الضوء الاخضر
اذا جت فرصه واحد طقهم امسكي بنت مع يدها لا تهاوشينها ولا تصارخين ووديها لما اللي طقوها وخليك واقفه قولي طقيها خوذي حقك من غير ماتدخلين انتي
طبعا مو تخلينهم كل يوم كذا بس اعطيهم الضوء بهالموقف وهم راح ينفذون فيما بعد
واذا طلعتي لسوق قولي انااحس هالفستان يناسبكم انتم وش رايكم مو تجبرينهم
خليهم ياخذون قطعه شينه ولا حتي ماتنلبس وعلقي عليها بعد مايلبسون بمناسبه قولي ياحبيبتي انا زعلت عليك تدرين ليش
لان فلانه قالت لبس بنتك مو تفكير كبير خليها تحس ان فيه تفكير كبير حق الاباء والامهات وان الاطفال تفكيرهم صغير
انا مااحب اسلوب الحصر احب الخيارات مع الاطفال قولي لو ازعجتوا ماراح اطلعكم باجازه الاسبوع راح اطلعكم مثلا الاثنين بس
ولو ماجبتوا درجات زينه بالمدرسه راح انقلكم لمدرسه ثانيه بناتها مو حلوين ومعلماتهم يضربون انتم اختاروا يالدرجات الزينه يالمدرسه الشينه
اتمني افدتك من خبرتي البسيطه مع الاطفال

 

[ToOoTi]

انا مقدرة خوفج اختي ومالومج .. الزمن شوي يخرع
وبالنسبة لبناتج .. اي شي سلبي كنتي تقولينه توقفين نهايئا عنه ( انتي فاشلة - غبية من الكلمات هاذي ) وتحطين كلمات ايجابية بدالها عشان تصير عندهم ثقة
واهم شي لاتخلين حواجز بينج وبينهم ولا رسميات حيل .. خليهم اذا احتاجوا احد انتي اقرب لهم
ولا تعصبين حاولي تستغفرين وتعدين لي العشرة .. مره مرتين بيصير بالج وسيع .. انا متفهمه خوفج عليهم بس عطيهم حرية وفهميهم حدود الحرية .. وعلميهم الصح والغلط

وبعدين فديتج تبينهم يخافون منج ؟ ليش ... علميهم الخوف من الله اول شي وصدقيني هذا بروحه كافي .. لاتنفرينهم منج عشان خوفج

وانصحج تقرين كتب عن شخصية الطفل ..

وان شاء الله أكون فدتج

 

[الآ انا]

امديحها دايييما وقولي يها انتي حلوه وجذي
وعطيها فلوس بالسوق وقولي لها اشتري الشغله الفلانيه على ذوقج وانتي انطيرها واذا جابت قولي لها حححلوو
وخلييها على كيفها
واهم شئ التشجيع

 

[~ ورد الجوري ~]

انا بناتي مو صغار اكبر وحده 11 واصغرهم سنتين يعني كل واحد بينهها وبين اخوها تقريبا سنتين .....همممم الولد شلون اقوي شخصيته اكبر واحد 6 سنوات

 

[noor salam]

السلام عليكم حبيبتي اولا قوة الشخصية هي بالرد المنطقي و الحكمة
قوة الشخصية بتحقيق النجاح و الصمود لتحقيق النجاح قوة الشخصية بالحياء و ليس الوقاحة
قوة الشخصية باستثمار الوقت و ليس في ضياعة

عيالج اذا وسخوا الغرفة او البيت علميهم ان النظافة من الايمان وليس بالقوة و الضرب و الخناق
اذا ازعجوج بالصوت العالي فهذا نابع من رد فعلك اتجاههم لانك تصارخين عليهم وبهذا الفعل فانهم يريدون لفت انتباهج

 

[أميرة-]

الموضوع بسيط مو أنتي متحكمة بكل شي يعني خذي رايهم شرايكم بنطلع اليوم وين تبونا نروح .. افتحي موضوع نقاش وخذي رايهم وناقشيهم .. خليهم يختارون لبسهم ورفيجاتهم بس انتي تراقبين حتى النت مايمنع يشبكون بس انتي حاطه قانون مثلا النت وقت الامتحانات ممنوع عقب الساعة 9 ممنوع اذا ما حلو واجباتهم ممنوع يعني هالقوانين ماراح تأثر على ثقتهم بالعكس تخليهم يعملون لج حساب ويحترمونج

 

[خطوتي حلمهم]

اتفق مع كلام نور سلام ​