اشلون اشوف الفيديو فى الyoutube مرة وحدة بدون توقف؟؟؟؟؟

[Featured Lady]

السلام عليكم
حبيباتى ابى تساعدونى
انا عندى الايكو لزين
ومع هذا فى بعض القطات فى برنامج ال youtube اذا حاولت اشوفها تطلع شوى وتوقف وبعدين تكمل .... فهمتونى يعنى مااقدر اشوفها مرة وحدة
فهل هناك برنامج انزله يمكنى من مشاهدة اللقطات مرة واحدة
انا مرة شفت عند وحدة هذا البرنامج ويطلع لها ايقونه فوق الشاشة مكتوب عليها ((اعتقد )) داونلود وتضغط عيها وينزل على جهازها وتشوفه مره وحدة وطبعا انا استحيت اسالها
فياليت تقولون لى شنو هذا البرنامج ؟؟؟ واشلون انزله ؟؟؟
وشكرا للجميع​

 

[Swan]

تقدرين تنطرينه لما يخلص من التقطيع بالكامل وينتهي الفيديو وبعدين تسوين له اعاده راح يطلع لج كامل بدون تقطيع
او انج تسوين له داون لود وطريقتها انج لما تأشرين على شاشه الفيديو راح يطلع لج مربع صغير فوقه مكتوب عليه Download this video
ضغطي عليه راح يطلع لج مربع الداون لود نطريه لما يخلص وشغليه

 

[Featured Lady]

مشكورة سوان
بس انا مايطلع لى المربع اذا اشرت على الشاشة

 

[Swan]

يطلع مستطيل صغير فوق شاشه العرض
جربي ضغطي اكثر من مره لأن ساعات ما يطلع من ضغطه وحده
شوفي انا صورته لج اللي محدد بالاحمر

 

[معكرونه أسبكتى يم يم]

حبوبه عشان يطلع عندج هالمربع اللى تقوله swan لازم يكون عندج الرال بلير رقم 11

 

[عالي مستواها]

نزلي آخر نسخة من الريل عشان تقدرين تسوين داونلود للمقاطع وتشوفينها بدون تقطيع

بس السرعة هي العامل الوحيد اللي يخلي المقطع شغال بدون ما يأطش على قولة أخوننا اللبنانيين

 

[*بسبوسه*]

على حسب اشتراكج بعد اذا اشتراكج قوي راح يشتغل من دون تقطيع

 

[عسولة ودلوعة]

انا مع بسبوسة

لما كنت اشبك على البيت
كل المقاطع تمشي شوي شوي
وتطلع روحي ولا يكمل واسكرة

لما شريت دبليو نت
أوف ارتحت وااااااااااااااااايد