اشلون اقنع ريلي شقول وشسوي

[الاسكريم]

الله يشفية

 

[meen_ana]

سافرو بالسيارة اذا يخاف من الطيارة تقدرين تروحين العمرة ولا دبي بالسيارة

 

[om Firas]

الله يشافيه يارب

 

[shosho26]

الله يشافيه ما اقدر الومه انا نفس الاحساس يصيبني اذا ركبت الطياره وسنه عن سنه يزيد اختنق من الخرعه بس باس قوي وقت السفر يفز قلبي وبالرده اتحسف الله يشافينا كلنا انا اول اسافر عادي ولا يهمني مره وحده كانت تصارخ من قمه راسها بالطياره والمضيفين اخترعو بس يراكضون انا مت من الخوف اثاريها فرنسيه بيعاريه شافت اللي يمها مطلع مبايله خافت قامت تصرخ ان الطياره بتطيح فينا من عقبه بدا خوفي وكل ماله يزيد

 

[tmtmt]

انا نفس حالته وزياده
اهستر بالطياره وابجي واصارخ وانادي المضيفات والحاله حاله <<<<<< دعله وهم تسافر

رحت عند دكتور قالتلي عنه وحده بالمنتدى يزاها الله خير
اسمه ( عصام الانصاري )

عطاني حبوب نوعين
ورتبلي جدول متى اخاذهم وشلون

ماشاءالله ركبت الطياره ماجني انا
ريلي استاااانس اول مره يسافر معاي ومايتفشل

ونمت طووول الرحله ماقمت الا قبل لا نوصل بنص ساعه تقريبا

وحتى مصورني وانا نايمه وخاشه الصوره من كثر ما انا مو مصدقه اني نايمه بالطياره وهاديه

وعلى فكره خذيت حبوب الدنيا من قبل من الصيدليات
ومن تايلند نهاااائي مافادوا معاي
الا حبوب الدكتور

ويقول ان علاج هالحبوب
مو مؤقت يروح الخوف

بس ماكملت عليهم لني نويت احمل
وقالي مايصير

كتبتلج قصة حياتي
بس لني حاسه بمعاناته

 

[tmtmt]

بس حاولي تغيرين الروتين

روحوا البحرين بالسياره
حتى دبي ممكن بالسياره اذا تتحملون
قطر بالسياره

حجزي شاليه
فنادق اهني بالكويت

مثلا المارينا يومين وسكروا تلفوناتكم
وروحوا المجمع وتعشوا بالكافيهات الي بره
تغيرون وجنكم مسافرين ...

 

[دلوعة صلوح]

والله مادرى بس الله يشفى يارب.

 

[كويتية نايس]

حبيبتي عادي انا قبل كنت اخاف من الاصنصير عشان بيتنا اصنصير وانحبست فيه
قامو خالاتي كل شوي يركبوني اصنصير ليما تعودت وراح الخوف

 

[Miss.6Mo7]

آلحل ب آلموآجهه وبـس مآكو حل ثآني

 

[المدينه]

الله يشفيه

 

[دلوعة أبوهآ]

الله يشافيه يارب
بس لازم يروح دكتور نفسآني احسن له عشآن لاتزيد معاه هالحآله

 

[swanyway]

فية من قرايبنا يخافون من الطيارة و حالتهم صعبة

راحوا للطبيب ووصف لهم حبوب خاصة للي عندهم فوبيا من أشياء معينة , يعني قبل مايركبون الطيارة بنص ساعة ياكلونها و الحمد الله روقوا وارتاحوا و لاتأثروا امي بنفسها كلتها و لا خافت

واذا ابتديتي تسافرين معه روحي دول قريبة + خطوط قوية ومضمونة ومريحة +تتاكدين ان الجو مافيه مطبات وحوسة بوجهتكم

 

[نـعـومـه]

غريبه اول عادي الحين لا !!!!

اللي فيه فوبيا اماكن المرتفعه يكون من زمان موفجأه

 

[خلطات المذهله]

نفس المشكله
زوجج يعاني اكيد لتضايقينه لاني اتنرفز لما احد يعلق علي مخاوفي

اكيد عاني صدمه بطفولته سببت له الخوف
انا عن نفسي طحت من مكان مرتفع وتعقدت

 

[مناير ...!]

الله يشفيه

 

[غلاتي غلا]

زوجي فيه فوبيا الاقلاع
ومع هذالك يسافر خوش فوبيا ها
بس ياكل حبتين بنادول نايت تخدره وقت الاقلاع

 

[عسولة 2]

والله يختي انا اعاني من نفس المشكله اقل شي اذا دشيت مجمع تلاقيني ارجف مثلا هذاك اليوم رحنا الافنيوز صعدنا فوق والحواجز هناك قزاز تشوفيني ماسكه عيالي واركض وراهم مثل المينونه دايما يصير فيني هالمواقف وريلي يهاوشني بس شسوي فيني عقده مو طبيعيه من الاماكن العاليه من يوم كنت صغيره ومادري شسوي الله يعينج ويعيني

 

[Beyoncee]

انا ما اقدر انصحج لانى خوافه من الاماكن المرتفعه والعاليه
والله يحوشنى هبوط والدم يتيبس بعروقى من الخوف
الشكوى لله
الله يرفع عنه ان شاء الله

 

[ابعد واستريح]

طيب انتي روحي واشرحي حالته للدكتوووور احسن لج

 

[گـحِـلْ |~]

واحد من قرايبنا كذا
حتى الحج راح بسياره ماقدر

ماراح يرضى يعالج شي طبيعي, , عادي لاتضايقين نفسج
اهم شي لا تحسسينه ان هالشي مو عاجبج بروحه متضايق