اشلون تحل الابله هالحاله؟؟؟؟؟؟

[fri2010]

السلام عليكم يا احلى ابلات في العالم :eh_s(7):

اكيد لاعت جبدكم من مواضيعي

بس كل يوم افكر بسالفه وما عندي احد بالبيت يفهمني :bbbiu:

فماكو الا انتو :eh_s(11): مو عارفه من غير هالمنتدى شنو راح اسوي:eh_s(16):

المهم بغيت اقول لكم

لو دخلت الناظره او رئيسه القسم او الموجه بالحصه

والصف كان نايم ومو محضر

بهذي الحاله المعلمه شنو تسوي واشلون ترقع الموضوع وتخلي الصف يتفاعل معاها

واذا نست الابله معلومه مهمه بسبت اهمال الطلبه

اشلون تحل هالحاله؟

 

[zqertya]

اول شي اذا كانت رئيسة قسمج حليوه بتقولج متى اتيي الموجهه يعني محضره قبل هههه اما اذا رئيسة قسمج دشت خووو عادي يعني مع الوقت ماراح تستحين منها ولا تنحرجين اما الناظره عادي سوي الي عليج ومالج شغل باحد واصلن انتي مع الوقت راح تعرفين البنت الشاطره ولا كسلانه وصدقيني اذا احد ياااهم لاتخافين راح يصحصحون واذا الحصه نايمه سوي مسابقة بنص الحصه عشان يصحون هذي المعلومه سمعتها من موجهه

الله يوفقج انا بالنسبه لي بكل حصصي مبدعه وانا بدنيه والحمدالله اليهاال يناقزون بالحصه اصلن لازمني طريقه اسكتهم هههههههه

 

[fri2010]

ايييه بس اذا ماكانت رئيسه القسم حليييوه ودشت علي اهيا والناظره والموجهه فجأه

وانا اكون محضره ومضبطه شغلي بس البنات اذا كانو مو محضرين والا مذاكرين

شنو اسوي معاهم ؟ واشلون اخليهم يشاركون!

جذي انا اللي بفتشل وينقص ويهي مو اهم

 

[سدددن]

فري

انت بدرسين ثانوية

يعني بنات كبار

من اول حصه طلبي منهم يحضرون

عاد بعقولهم باوراق كيفج.

و كل شيء محسوب بالدرجات فيخافون و يحضرون دايما
افتري عليهم اول الحصه شوفي ااذا محضرين و? ? و دفتر الدرجات معاج خصمي على اللي ما حضرت

او ساليهم باول الحصه اساله مفاجاه عن الدرس راح اتعرفين منو حضر ومنو لا

و مع الوقت بيتعلمون البنات

 

[بنات حواء2]

فراي باسلوبج تقدرين تشوقينهم علحصه
حتى بنبرة الصوت و النظرات
انا طالباتي كانوا طول الحصه يردحون من التشوق
و كنت استحدم اسلوبي في جذب انتباهم و اذا حسيتي ان الصف نام استخدمي نبرة الصوت مره عليها مره وطيها
انا احس نفسي شاطره بجذب انتباه الطالبات بهشي
ممكنكون الوسيله حلوه و جاذبه لانتباهم لاكن ماراح يكون لها قيمه اذا انتي ماعرضتيها باسلوب مشوق

 

[المـــــها]

صح كلام ام زنوووووب

 

[ذكريات عشاق]

احسن طريقة واللي راح اسويها راح اطلب منهم تحضير لكل حصه ويكون على ورقة خارجيه وعشان اتاكد ومااظلم احد راح اخذ منهم الاوراق بنهاية الحصة
وبجذي اكون عرفت منو محضر ومهتم ومنو مو محضر
ومستحيل اخليهم يبطلون الكتاب الا اذا انا طلبت منهم

 

[fri2010]

اوكي حلوة طريقه تحضير بورقه بس الموجهه ما تقول شي!!

 

[ذكريات عشاق]

لاب لاعكس لانه شي ايجابي وبيساعد البنات على التحضير والمراجعه
وهذا صفج انتي تتصرفين فيه

 

[لف ليدي]

اب اب

 

[randomy]

يحليلكم يا مدرسات الاجتماعيات

عيل احنا شنسوي مدرسات الرياضيات

لا تحضير ولاغيره تلقينهم فاجين حلوجهم والبقاره كلها ماتطلع الا جدام الموجهه لوووووووووول

الله يعين بس

 

[fri2010]

مشكورين بنات يعطيكم العافيه ما قصرتو