اشلون تلقيتي خبر وفاه الشيخ

[ابوس ترابج ياكويت]

مرااااااااااااااااااااااااااااحب


اشلونكم يا احلى كويتيات ..

ما اطول عليكم ..

كل وحده تدخل اتقول لنا اشلون تلقت خبر وفاه الامير ؟؟

 

[on line]

وعليكم السلام
انا بالنسبه لي صراحه كنت حلمانه بنت اختي معطتني عبايه سوده
ويوم قعدت من النوم ماشوف الا رساله عظم الله اجركم بالامير
برساله بس طبعا مثل الصاعقه مومصدقه ولي يومج موحاسه انه مات
الله يرحمه

 

[عرووووس الكون]

الله يرحمه ويغفر له

انا كنت نايمه جت امي وبلغتني انصدمت

قبلها بيوم مرت عمي تحلمت انها تمشي بسيارتها بخط سريع فجاه صادفة زحمه وقفت تسأل قالولها جسر الكويت طااااااااااااااااااااح

تقول حيل كانت خايفه من هالحلم وسبحاااااااان الله

 

[*ستايل*]

انا كنت نايمه وقعدنى زوجى وعلمنى
اول ماقالى جان اقوله لا اشاعه ماصدق .....
من كثر الصدمه موووومصدقه
الله يرحمك يالغالى ويسكنك الجنه يارب .......​

 

[ANGELICA]

الله يرحمه وينور قبره امييين

انا كنت البس بروح الدوام شوي اسمع شهقه قويه قلت ابيه شالسالفه شفيهم
بس مو تحت تأثير النوم قلت الظاهر عمتي داعمين سيارتها بالليل او شي:eh_s(10):
واخوي بلغها وانصدمت<< تخاريف الصباح الباكر:eh_s(1):

شوي ويجي دوري للشهقه:eh_s(2):

اخوي الصغير طق الباب وطلعتله وقلت خيررر


قال لا تلبسين ولاتلروحين الدوام الشيخ جابر توفى:eh_s(16): :eh_s(2):
عقبها انصدمممممممممممممممممت وبعد فتره استوعبت وعبرت عن ضيقي

وكنا كل العايله ملتمين وعماتي مرونا وكله مجابلين التلفزيون

واكثر وحده كسرت خاطري جدتي لما تبجي وتمسح دموعها بلفعها:eh_s(11):


الله يرحمه ابونا الغالي مابعده احد

شوي ولا يجي دوري

 

[ii DareeN ii]

الله يرحمه ويوسع قبره ويحلله ويغفرله استغفرالله
ياني الخبر عن طريق مسج ولا من برا لكويت كنت ليلحين ماشتغل والنومه قلت معقوله اكيد اشاعه كالعاده لان هم كانت تطلع اشاعات وفاه امراء وملوك
طلعت من غرفتي شفت يدتي تبجي والكل مغلق عرفت ان صج والله ان ماحسيت بهالحساس الا بالغزو نفس احساس الغزو قعدوني من النوم قالولي العراق دشت وهالمره اميرنا راح احساس جنه الواحد ضايع اطالع التلفزيون ابجي ادش كويتيات اشوف حجي البنات ابجي اطلع الشارع الدنيا غير الدنيا والسما غير السما والله ان الديره كانت حزينه صج ادش الجمعيه اسمع القران ابي ابجي اشوف بنات مراهقات يضحكون ماتحمل كان ودي اكفخهم احساس ان حتى الصخر بهالديره كان يبجي على فراقه عسى الله يرحمه كان غير صج كان ابونا كلنا​

 

[أوركيد]

الله يرحمه ويحلله ويمتعه بالجنان وشوفة الرحمن ..

وصلني الخبر الصبح وآنا اتزهب مع عيالي للدوام..اتصلت علي حماتي ..

خفت من التليفون هالوقت ..وانصدمت من الخبر ..رحت على طول بطلت التلفزيون جني مجذبة الخبر ..

إلا أنس الرشيد ينعي الشيخ ...يوم ,,عمري ماراح أنساه

الله يرحمه ويغفرله ويجازيه عن أهل الكويت كلهم كل خير

 

[عرووووس الكون]

قلبتوا الموااااااااااااااجع


الله يرحمه ويتجاوز عنه وايسر حساااااابه اللهم اميييييين

بنااااااااااااااات ادعوا له اللي تحبه صج تدعيله
ادعوا له بظهر الغيب هذا ابونا وصج تيتمنا يوم رااااح

 

[بنت جابر الأحمد]

الله يرحمه ويسكنه فسيح جناته

كان علي امتحان أحياء، وخاااااااااايفة منه حدي

قعدت الصبح والبيت كان هادي لأول مرة، إخواني يمرون يدامي بهدووووووء ومالهم خلق أحد وأحس أن الدنيا ظلمة ورحت عند أمي أشوف التلفزيون مسكر استغربت أمي ساكتة وأبوي إخواني، أبوي فتح تلفونه وأمي قاعدة تقرا رسالة من تلفونها، وفجأة قالت الشيخ جابر ماااااااااات قلت شنوو لا تلقينه واحد ثاني، ووصلت مسج لأبوي وقاعد يطالعني لأن البيت يدرون أني أكثر وحدة في البيت أتكلم عنه وأمووووت فيه، فتح أخوي التلفزيون ووزير الإعلام ينعي الشيخ جابر، قعدت أبكي بكي وما هديت إلا بعد ثلاث أيام
والله اليوم هذا ما ينسي

 

[سفرجل]

انا قعدت من النوم علشان اروح الدوام
وانا قاعده البس بطلت تلفوني واول مره ابطله الصبح قلت يمكن اختي والده الحين
ماادري يالي احساس انه بيوصلي رساله وفجأه توصلي رساله من اختي انصدمت قلت اكيد والده ولا انصدمت قالتلي لااتروحين الدوام بابا جابر اتوفى
اناااااااا اهنيييييييييييي ماصدقت بطلت التلفزيون جان ابجييييييييي بجييييييييييييي جان يقعد ريلي مخترع يقولي اشفيج قلتله الخبر ماصدق بس يوم شاف التلفزيون انصدم بس بجييييييييييييييت بجيييييييييييي غصب سكتني
بس لي يومكم هذا لمن اشووف صووورته اقول بعدعمري وبعدجبدي مكانه خالي يقولي ريلي منو هذا معصب قلتله بابا جابر جان يقولي ايييييييي اي والله مكانه خالي


بس والله مااااااااااااااااااااراااااااااااااااح ننساه هذا ابونا

 

[[]نهاوند[]]

الله يرحمه ويغفرله ويسكنه الجنة

اختي كنت نفاس وانا كنت نايمة عندهم قمت الصبح على طقطقة عيالها كانوا يتريقون بالصالة وبيروحون للمدرسة ايامها امتحانات

الصغار راحوا وبقت الكبيرة كانت تبي تروح ولا يدق التلفون انا قلت اكيد في شي طلعت اختي الثانية داقة كلمتها بنت اختي جان تصكر التلفون وتقولي الأمير توفى قلت انا على طول افتحي التفزيون خلنا نتاكد واول ما فتحنا سمعنا الخبر​

 

[ابوس ترابج ياكويت]

انا سمعتكم وما قلت لكم اشلون دريت ..

كنت قبلها بيوم سهرانه كان عندي امتحان ومانمت الا بليل والصبح مالي خلق لحد دخل اخوي علي حسيت فيه شافني فتحت عيوني جان يقولي الامير توفى صوتكه كان مخنوق ويضحك نص ضحكه لان شافني تخرعت وعيوني تغلقت بالدموع طلعت من داري حتى مالميت شعري سالت ابوي اللي اكدلي الخبر..

الله يرحمه ويغفرله وعسى قبره روضه من رياض الجنه

 

[بنت الايطالية]

الله يرحمه ويسكنه فسيح جناته ويجعل قبره روض من رياض الجنه
انا قعدت للدوام والا اسمع صوت عمى عالى بالصاله وقلت وانا نازله اشوف شنو السالفه والا تتصل على زميلتى بالدوام وقالتلى الخبر المشئوم
ولما سألت خالتى قالتلى ايه وتاكدنا من التلفزيون الله يرحمه

 

[al7noona]

انا كنت نايمه وعلي امتحان الفتره الثانيه وكنت بمر رفيجتي ونروح المدرسه جان ادق علي رفيجتي وتقولي ماكو امتحان انا انصدمت قتلها ليش قالتلي الامير توفى انا ما صدقت نزلت قعدت اهلي وفجينا التلفزيون وشفنا الخبر
الله يرحمه ويسكنه فسيح جناته

 

[شجووون]

الله يرحمه ويغمد روحه الجنه ان شاء الله

انا كنت قايمه بروح الدوام ولا يقولولي خواتي ان ماكوو دوام الشيخ توفى

 

[ام خماس]

يا الله ذكرتوني بيوم جدا كئيب

كان عندي دوام الصبح وقعدت من النوم بروح اغسل اول ما بطلت باب الدار الا امي بوجهي وشكلها يخرع قلتلها يما شفيج جان تقولي واهي تبجي وين رايحه مافي دوام ابونا توفي جابرنا عطاج عمره وكلام يقطع القلب جان اروح اركض علي التلفزيون مو مصدقه وانا البس نظاره وما اشوف من غيرها رحت لزقت بالتلفزيون ويوم قريت الخبر امبييييه قعدت ابجي والله الموقف هذا ما انساه بحياتي كلها كان صعب وكل ما اتذكر الموقف اتدمع اعيوني كأن تو صاير وليومكم هذا انا مو متخيله ان الشيخ جابر متوفي يعني احسه عايش وكل ما اسمع اغنية جابر ابونا من عمر عرفناه اقعد ابجي عليها

 

[زلابيا]

كنت توني قاعده حق الدوام اشوف تلفوني ولا شكثر داقين وشكثر مسجات جان اخترع!!

يوم قريت ان الشيخ توفى ماصدقت عبالي اشاعه

الله يرحمه ويغفر الله ووسع عليه في قبره :eh_s(2):

 

[}{داشـه عرض}{]

كنت نايمه ودقت على رفيجتي وقعدت ما رديت عليها،حيل استغربت وخف دريت انه في شي موعوايدها تدق على هالحزه،وبعدها دقت رفيجتي الثانيه وهم ما رديت، وقلبي كان حيييل يعورني، وبعدها دزولي مسج وقالولي،وطبعا كااانت صدمه..........

الله يرحمه ويغفر له..​

 

[أخت رضاب]

مثل ماتلقيت خبر الغزو. كنت أطالع من الدريشة أشوف الطلاب رادين بيوتهم وضايق خلقهم . الله لا يعيد هذا اليوم.

 

[$الـــحـــلاوه$]

انا قعدت من النوم لانه كان عندي امتحان علوم فاينل

وشفت تلفزيون الكويت حاطين قران وامي وخواتي قاعدين مستغربين
يقولوون من الساعه 4 حاطين قران ماندري شسالفه الظاهر صاير شي
رحت لبست وجيت اتريق
ولا حطو الاخبار
من ساعتها ودموعنا ما وقفت

الله يرحمك يابابا جابر وينور لك قبرك يااارب