اشلون تلقيتي خبر وفاه الشيخ

[حبنا الله عليه]

الوالدة متعوده تطالع صباح الخير ياكويت

طبعا اهي بطلت التلفزيون وانصدمت وعلى قومتي مريتها بالصاله

وكان الخبر يتكرر على الكويت وجميع القنوات

أستغفر الله العظيم اسودت الدنيا بوجيهنا وبجي وحالة

الله لايعيد الشــر

ويرحمة ويحلله ويجعله بأعلى درجات الجنان

اللهم آمين

:eh_s(2): :eh_s(2): :eh_s(2):

 

[حبيب قلبي]

احنا اتيينا اتصالات من الفجر ونسكر الجهاز بوجهم واخرتها رد ريلى
واشوفه فز من نومه اشفيك مافيك مارد على عاد حسيت جان اقوله الشيخ توفه قالى اييه موتقولين حق احد لم يذيعون الخبر

 

[ضوى العيون]

انا ماكنت بالكويت كنت ادرس برة وصلني الخبر بمسج طبعا ما تأكدت فتحت التلفزيون ولا اشوف صج وطبعا سيدة رحت السفارة

 

[أغلى حبيبه]

الفير ييه مسج حق ريلي
ماسمعه الا يقول لا حوله ولا قوه الا بالله

قلتله شصاير قال الامير توفى

والتلفزون لي الحين ماقالو شي

بجيت بجي جنه اول يوم غزو استغفر الله

وقبل الساعه 6 طرشت مسجات حق اللي اعرفهم

والكل مو مصدق

الله يرحمه برحمته​

 

[norema-sarto]

صباح الخير يا بنات...
تذكرون ذاك اليوم .. اليوم اللي مر علينا وكأننا بحلم .. وبدون إستيعاب صار كل شي.. صار اللي عمرنا ما توقعنا إنه يصير .. وبسرعة .. كان التعب ظاهر عليه ..بس كان يصبر على بلواه ..
كنت متعودة لما أقوم من النوم أفتح التلفون على طول .. عشان أعرف منو اللي داق علي وشنو المسجات اليديدة اللي مستلمتها... بس بهاليوم قعدت الساعة 5:45 الصبح وغسلت ولبست على شان الدوام وطلعت من البيت رايحة السيارة ... وأنا قاعدة أسخن السيارة (لأنا كنا في الشتا ) فتحت تلفوني ... إنصدمت ... ولا فوق 10 مسجات ومس يو...وعقب ما بطلت المسج .. طلع تلفون بيت أمي ..إخترعت.. لأن أمي وقتها كانت تعبانه وتوها طالعة من المستشفي .. قلت الله يستر ... أكيد في شي .ولا مو متعودين يدقون علي الساعة 3 الفجر...على طول دقيت عليها .. وقلت لها شفيكم ..شنو صاير .. أمي فيها شي.. جان تقول إختي ... لأ ... الشيخ جابر توفي .. لا تروحين الدوام ..حداد 3 أيام ....
وجان أصعد فوق ..وريلي نايم ..قعدته وقلتله الخبر.. وعلى طول فتحنا التلفزيون عشان نصدق الخبر... وطول ما إحنا قاعدين نشوف...مو مصدقين ..حتى يوم الدفن ....الله يرحمك ..الله يرحمك ويغمد روحك الجنه يا جابر الخير ​

 

[ضحكة الدنيا]

انا قعدت من النوم الا الخبر جدامى بالتلفزيون وقعدت افكر من الصدمه ومو مصدقه صج الخبر او لا
الله لايعيد ذيج الايام​

 

[دهن عود مبخر]

رحمة الله عليك يالغالي..
جعل الجنه مثواك ياجابرنا..
ياللي لاقبلك صار ..
ولا عقبك بيصير احد..
كنت سهرانه واتابع مسلسل عالكويت وجريب الاربع او الاربع ونص...
قطعوا المسلسل وحطوا قرآن..وقلبت كل القنوات الثانيه اتاكد شسالفه..و ماكو شي..
نغزني قلبي...
والبيت كلهم نايمين.. صليت الفجر عقبها..وقمت اتزهب للدوام ..
طلعت اسخن السياره ..ودخلت البيت ولا اخوي بوجهي .. وامي تبجي..
حسيت باللي بيقولونه.. هني مريت باللي كلنا مرينا فيه لمن سمعنا ان الغالي توفى.. وفعلا صار عندنا عزا بالبيت..
فقدنا عمود البيت ..فقدنا الاحساس .. فقدنا الحبيب والابو ..اللي من فتحنا عيونا على الدنيا نردد اسمه ونبوس صورته..


يالله ارحم شيخنا يالله يارب العبادي
انت وحدك من عطانا وانت وحدك من خذيت

اللهم اغفر لجابر ياإله لك ننادي
نرتجي تسمع دعانا ولا نعارض ماقضيت

 

[عجيد الريم]

اللهم أرحمه واغفر له وعافه واعف عنه واكرم نزله ووسع مدخله ..

اللهم نقه من الذنوب والخطايا كما ينقى الثوب الأبيض من الدنس ..

والله اني مب مصدقه ان سنه كامله مرت على وفاته جنه توفى أمس ....