jen2n شوفي اختي بشرح لج الطبيات شرح ممفصل
بالنسبة للطبيات على عدد الايام
يتم حسب الطبيات من بداية السنة يعني من 1 يناير الى نهاية السنة يعني 31 ديسمبر
لج بالنسبة 15 يوم براتب كامل يعني بدون خصم
والـ 15 يوم الثانية يعني من اليوم 16 الى يوم 30 يتم فيها خصم نصف يوم ,, شلون نحسب النصف يوم انا بقولج وخل اضرب لج مثال " ولنفترض معاشج 1000 دينار ,,,, نقسم 1000 تقسيم 30 يوم اللي اهيا عدد ايام الشهر ,, يطلع الناتج 33 دينار ,,, يعني يوميتج 33 دينار ,,, طريقة حسب النصف يوم يعني نقسم 33 تقسيم 2 ,,,,, يعني يوميتج 16 دينار ونص
يعني كل يوم تغيبنه من يوم 16 الى يوم 30 يتم فيهم خصم 16 دينار ونصف
والـ 15 يوم الثالثة يعني من يوم 31 الى يوم 45 يتم فيهم خصم ثلاث ارباع اليوم يعني تقريبا 25 دينار خصم
بالنسبة للتاثير على الامتياز شوفي عزيزتي اذا غبتي اكثر من 15 يوم بالسنة فصعب تحصلين على امتياز ولا يحق لج الحصول على الاعمال الممتازة الا بصعوبة حيل ,,, ملاحظة( بالواسطة كل شي يصير )
اما اذا اخذتي 15 يوم واقل فممكن تحصلين على امتياز وانتي عارفة مديرات المدارس صعب يعطون امتياز بسهولة الا اذا انتي مجتهدة حيل وعدد ايام غيابج قليلة في السنة يعني نقدر نقول 7 8 9 10 ايام بالسنة
اعيد شرح مسالة الطبيات
اذا اخذتي بالسنة اربع طبيات وكل طبية ثلاث ايام يصير المجموع 12 يوم معناته يبقى لج 3 ايام للحد المسموح اللي اهوا 15 يوم بالسنة
واذا اخذتي 12 طبية وكل طبية يوم واحد نفس الشيء يعني يبقى لج 3 ايام للحد المسموح اللي اهوا 15 يوم بالسنة
فالعبرة بعدد الايام بالطبيات لا بعدد الطبيات
توضيح : الترقية بالاختيار من درجة الى درجة تعطى من قبل ديوان الخدمة المدنية للموظف اللي ياخذ على الاقل مرتين امتياز متتالية ومو شرط يعني مو كل موظف ياخذ امتياز مرتين ورى بعض معناته لازم يعطون الموظف امتياز بس انا اقصد اذا ارادوا ان يعطونه ترقية لازم يكون ماخذ امتياز مرتين ورى بعض
ولنفترض موظف على الدرجة الرابعة وتم اعطائه ترقية بالاختيار وصار الدرجة الثالثة خلاص ما يصير يعطى ترقية بالاختيار وينتقل للاولى حتى لو اخذ اربع سنوات امتياز ورى بعض لازم ينتقل للدرجة اللي بعدها بالاقدمية يعني يصير بالدرجة الثانية بالاقدمية وبعدين ممكن ينتقل للاولى بالاختيار او بالاقدمية
وتحياتي لج ولكل الاخوات اتمنى تكوني استفدتي وفهمتي وهالكلام مرجع لكل شخص يجهل هالامور اتمنى تفيده
ولا تنسوني ولا تنسوني من دعائكم
