اشلون علاقتج مع مرت اخوج؟

[كي كي]

مشاركة: اشلون علاقتج مع مرت اخوج؟

افا يام لمى انا اجامل عاد انتي اكثر وحدة بالدنيا تدري ان انا ما اجاملها وحبي لج غير الله يتمم علينا وعليج السعادة ويرزقج من رزق الحلال ماتمنين يامرت خيو
بعدين انا استغرب من الناس اللي يناجرون حريم اخوانهم يااختي سعادتها من سعاده اخوج وسعادة اخوج راده على الكل والله قولوا امين يسعد اخواني ويرزقهم من حيث لا يعلمون
يارب ياكريم

 

[غدير^الجنان]

مشاركة: اشلون علاقتج مع مرت اخوج؟

مرة اخوي ماتدري عني ولا ادري عنها مع انها بنت عمي!!!!!!!!

حتى بناتها اللي انا عمتهم مايعرفوني ولاشفتتهم....

واخوي مطاوعها ما اييبهم لي

قبل الزواج كانت خوش بنت بس تزوجت (ضمنت الريل) ولا جنها تعرفني


حتى عرسي ماحضرته على قولتها مصدعه


عذر اقبح من ذنب

 

[ريان]

مشاركة: اشلون علاقتج مع مرت اخوج؟

انا اخوي ليلحين مااا تزوج بس انشالله ان تزوج نحط مرته باعيونه ثنتين ونغمض عليهاا هذا المفروض الى يصير انا ماشالله خالاتي جذي مع مرت خالي يدهينه لا تنكتين قايمين فيه قومه مو طبيعيه وهي تستاااهل حتى لو خالي ضيق خلقها تلقون خالاتي وامي يعصبون عليه ما يرضون عليها والحمدالله الكل يمدح فينا واشلون نعامل مرت خالي على قولتهم اذا الحموات وايد الله يعين الجنه بس احنا المعادله معانا انعكست ولله الحمد

 

[Maltesers]

مشاركة: اشلون علاقتج مع مرت اخوج؟

مرت اخوي تهبببببببببببببببببببببببببل وانه حيل ميانه معاها .. وعلى طول مع بعض وما شالله عليها اخلاق

وما اقول الا الله يهون عليها ويقومها بالسلامه .. لأأني بصير عمه بعد جم شهر

 

[سنا الفضه]

مشاركة: اشلون علاقتج مع مرت اخوج؟

الحمد لله ان مرة اخوي سنعه وبنت ناس وشايفه خير وكثر مااقول عنها سنعه فهي بمعنى الكلمة سننننننننننعه الله يتمم عليها ويسعدها اكثر واكثر اصلا احنا ساعات نخاف نسولف فيها جدام الناس اخاف ينضلونها وتتغير علينا
وانا وايد اقتدى فيها بعلاقتي مع خالتي ام زوجي ومايجي منها الا السنع الله يتمم علينا

 

[جكورة]

مشاركة: اشلون علاقتج مع مرت اخوج؟

غدير الجنان ههههههههههه حلوه مصدعه صج ماعندها سالفه..
والباقي الله يتمم عليكم يارب الخير...

 

[الكرملين]

مشاركة: اشلون علاقتج مع مرت اخوج؟

اختي كي كي مرات مرت الاخو هي اللي تبي المشاكل بس تضمن الريال تبدا مخططاتها وبلاويها

 

[كي كي]

مشاركة: اشلون علاقتج مع مرت اخوج؟

صح اصابع الانسان مو سوا ولكن كلن يعمل بتربيته (( الوحدة على ماتربت عليه ))
اي والله ان كانت بيت اجاويد فتلقين محلى قعدتها وقومتها واللي لج عليها الله يبعدنا عنها والحمد لله

 

[الاسطورة]

مشاركة: اشلون علاقتج مع مرت اخوج؟


انا ما عندي مرت اخوو

 

[الـفـجـر الـبـعـيـد]

مشاركة: اشلون علاقتج مع مرت اخوج؟

انا عندي اخوان اثنين الله يخليهم لنا يارب وكلهم متزوجين الله يسعدهم

علاقتنا اوكي عاديه ومستقره الحمدلله حتى لو في شغلات مني مناك

مو عاجبتنا <<< حموله بعد هههههههه بس مالنا شغل اهم شي اخواني

راضين وعاجبهم الوضع ومتهنين واحنا ان شالله مو مقصرين بشي ..

 

[MaYoOoma]

مشاركة: اشلون علاقتج مع مرت اخوج؟

انا مرت اخوي وااااااااااااااااااااااااااااااااايد طيبه وحبوووووبه وعلى نياتها واحبها واااااااايد ماتصورون شكثر .. الحمدالله الله رزق اخوي بهالبنت

 

[شهد_الكويت]

مشاركة: اشلون علاقتج مع مرت اخوج؟

انا لحد الحين ما عندي مرت اخوو لان اخواني اصغااار واحد 16 واحد 20 الله يرزقهم ابنات الحلال الي يريحونهم ويسعدونهم يا رب لان اخواني حيل طيبيين ويستاهلوون بنات نفسهم

 

[أغلى حبيبه]

مشاركة: اشلون علاقتج مع مرت اخوج؟

انا مثل فروحه النطيحه ومادري منو اختها مالت عليهم

بس مرت الصغير تهببببببل وانا ماارضى عليها حتى لو اخوي غلطان اصف معاها

 

[سبائك]

مشاركة: اشلون علاقتج مع مرت اخوج؟

السلام عليكم.......انا للحين اخواني صغار ما عرسوا
بس حبيت اسالكم بنات شرايكم بالحموات الي يحطون في بالهم انهم يغيرون حريم اخوانهم على كيفهم؟؟؟؟؟؟؟؟؟؟؟
يعني انا مره قريت موضوع في منتدى ثاني وحده كاتبه تقول ان مرت اخوها ياهل بزر على قولتها تفشل ما توايه.......لان امها فرنسيه علشان جذي ما تعرف السنع والاصول وشقتها دايم عفيسه وما تعرف تدخل المطبخ؟؟؟؟؟؟؟؟
علشان جذي ناويه تكلمها وتوعيها فشرايكم بهالتصرف؟؟؟؟؟
الصراحه انا اشوفه لقافه شكو تكلم المره وريلها موجود هذا تدخل بحياتهم الشخصيه.......صح ولا انا غلطانه؟؟؟؟؟

 

[أم خآلد]

مشاركة: اشلون علاقتج مع مرت اخوج؟

انا علاقتي بمرت اخوي زينه واحلى من الخوات واسرارنا مع بعض واربع وعشرين ساعه مقابلين وجيه بعض بكل شي

 

[جاي مخدر]

مشاركة: اشلون علاقتج مع مرت اخوج؟

انا مرت اخوي تهبل اعتبرها مثل اختي واكثر طيبه و حبوبه و حليوه

الله يخلينا حق بعض و عسى الله لا يغير علينا