اشلون نحترم القانون وهذي حكومتنا

[مشتاقة لأمي]

كلنا شايفين الأعلانات عن إزالة المخالفات على اراضي الدولة والوعيد لمن لايلتزم بإزالة التعديات وهذا حق للدولة .

رغم انه جاء متاخر والخبل والصاحي مواطن ووافد قام يبني ويحوط باراضي الحكومة لا وبعضهم يؤجر . منهم بنغالي وما نلومه .

قلنا من آمرك قال من نهاك؟

الزبدة بشارعنا دووايين الدنيا واحد حديقة راقية وديوانية تجيب العافية شالها الأسبوع اللي طاف والعمال للحين يعدلون ويشيلون .
جارنا الثاني ديوانيته شوي عليها جاخور ناقصها تيس وخروف لوعة ماله نية يشيل وجات تصريح الحكومة بالصبر شهر لحد مايلاقون مخرج بايخ وهي كعادتهم دفع رسوم مثل 100 فلس للمتر بالسنة وقولوا مشتاقة ماقالت !!!!

وهذي دعوة للأخوة الوافدين عندي ارتداد قبال بيت جيراني اللي بآخر الشارع بحوطها وبخلي فيها شاليهات متنقلة باسعار رمزية بدال الشقق اللي تدفع لكم الحكومة عنها بدال ايجار 400 دينار بالشهر <<<< دخلت المواضيع ببعض.

وينك يابابا صباح الفساد قلت ماتشيله بعارين والحين ماتشيلها اكبر ناقلات بالعالم .الحكومة يبي لها حكيم يعطيها طراق تصحصح وتنتبه أن الكويت ليست الماضي فقط ولكن الحاضر والمستقبل.

قلبي يعورني إذا قريت هالقرارات لأنها تدل على ضعف في بعض اركان الحكومة وبيت ضعفت اركانة يطيح الله يحفظ الكويت يارب.

 

[غَـنْـجَـى و دَلـوعْ]

قلبي يعورني إذا قريت هالقرارات لأنها تدل على ضعف في بعض اركان الحكومة وبيت ضعفت اركانة يطيح الله يحفظ الكويت يارب.

اي و الله صدقتي يا مشتاقة لأمي بس الحمد لله احنا و أهلنا ما حسينا بهالمشكلة يمكن لأنهم ماشين عالقانون مايلخبطوش

 

[مرت ريلي]

كلام كبير، ولكن في محله
صدقتي اختي يعطيج العافية

 

[~ miss NERD ~]

صدقتي اختي
مشكوووره

 

[softlady]

هذا شي بسيط

مشاكل الديره اكبر






بعد قلبـ قلبكمـ

مع تحياتيـ SOFTLADY



.

 

[^وجد قلبي^]

الله يعين ..

هذا شي هين ..

في مشاكل ماتنحل الا بمرسوم اميري وقانون جديد او تعديل قانون .. واحنا دستورنا جااااااااااامد

 

[كريستال ليدي]

هذا شي بسيط

مشاكل الديره اكبر






بعد قلبـ قلبكمـ

مع تحياتيـ SOFTLADY



.

انا معاج سوفت ليدي

 

[blue diamond]

صح كلامج حبوبه
والغلط كله من الحكومة اول شي ما امنتعهم من البداية وبعد ما حطو الديوانيات واعدادهم كبيره مو صغيره قالوا بنشيل الديوانيات
استانسنا قلنا الحكومة أخيرا بتطبق شي آخر شي أجلوا عشان كرمال عيون بعض الناس @@!!!!!!!!!!!!!!!!

 

[jasmine_flower]

ايه والله صدقتى وينهم من زمان يايين الحين بيطبقون القانون

 

[@تركواز@]

مشكورة

 

[Miss Princess]

والله ابتلشت فيكم الحكومة اذا ما عجبكم شي صحتوا واذا طبقوا القرار هم صحتوا
احمدوا ربكم على النعمة اللي انتو فيها وعلى حكومة آل الصباح
حرية وخير ونعمة وكل ما طرى على بالكم من كلام موزون او خبال مكود قلتوه ولا حسيب ولا رقيب
اصحوا واحمدوا ربكم على النعمة اللي انتو فيها
كل الناس يحسدونكم شوفوا حتى بالمنتديات الخليجية يغبطونكم على النعمة

 

[مشتاقة لأمي]

منوا قال ما حمدنا ربنا على النعمة ؟؟؟

بالعكس شيوخنا ما منهم الا كل خير ولا تلخبطين الأوراق .القوانين في الكويت من اكثر القوانين العالمية التي تحفظ حق الإنسان ولكن الحكومة لم تساعد في تطبيقة ، وهذا يتمثل في اللي يمثلونها من وزراء ، كل من هب ودب طلع فتوا ووافقوه وكل من طلع قانون قالوا له زين بعد شوي لا تحسفنا.

القرار الصحيح اللي فيه خير للبلد يجب أن يطبق وراس الحكومة مرفوع صح ولا انا غلطانة ، يعني عضو باني ديوانية اكبر من بيته وهدد وقال ...قالوا نصبر شوي ، وين حق اللي يحترم القانون؟؟؟

ابناء دول الخليج ما يخلون كلمة مايقولونها في قوانينهم وشيوخهم وحكوماتهم في المنتديات العامة وفيه منتديات تبجلهم .

واحنا ما سبينا نطالب الحكومة تكون صارمة في اتخاذ القرار .

 

[نداوي]

اللي عنده واسطه يدوس على القانون للاسف هذا الي حاصل

 

[زيـنـه]

الحل سهل بس تطبيقه صعب نوعا ما

الارتداد من املاك الدوله و اللي يبي يستفيد منه خل يدفع رسوم رمزيه مثل الشاليهات و يستفيد من المساحه جدامه .. سواء ديوانيه او حديقه بس .
يعني مو يحطون شبرات للاجار و الا لخدمهم .
و اللي ما يبي يدفع ما يشوف شر يزيلون شغله و رسوم الازاله عليه .

سووها سالفه كبيره .. و اهي بسيطه جدا .

 

[@غالية@]

شكرا ياسمو ولي العهد علي هالقرار المنصف وشكرا يا اعضائنا الكرام علي وقفتكم المشرفه ضد قرار

أسرة الصباح حنونين ورحومين على شعبها والشعب يستاهل أكثر وبحلالهم
اللي يبي يطبق القانون يطبقه على ربع مغنيه ويطبقه على حرق العلم يسفارتنا
بليبيا ويطبقه على الشاليهات والشويخ .........

خل يطبقون القانون على الكبار قبل الصغار

والشعب يستاهل أكثر ​

 

[غنوة ستايل]

وينك يابابا صباح الفساد قلت ماتشيله بعارين والحين ماتشيلها اكبر ناقلات بالعالم .الحكومة يبي لها حكيم يعطيها طراق تصحصح وتنتبه أن الكويت ليست الماضي فقط ولكن الحاضر والمستقبل.

.

ممكن تحددين بالضبط الطراق اللي تبين تعطينه لمنو بالضبط ؟؟؟؟؟

 

[pretty sarona]

والله انا اشوف ان في ضغوطات كبيرة على الحكومة اهي اللي خلتهم يتجاهلون القرار ولا قبل فترة كان القرار في عزة وكانوا يتوعدون الكل القريب قبل البعيد بس مادري شاللي ياهم و عفسهم !!

 

[عالي مستواها]

والله تبين الصراحة

في ناس ما تنعطى وجه .. من عذر الحكومة فيهم

بحارتنا فيه ساحة يلعبون فيها الجهال كورة شكبرها والله ارض تطرد فيها الخيل .. راح واحد من جيرانا وحوطها بشينكوا وزرع جنه أرض من حلال ابو اللي خلفوه لا وبعد مده قسمها نص مصافط ونص حديقة فيها خيمة ودوانية يعني أرض أكبر من بيته

مو حراااام ؟!

واللي يبط الجبد انه السالفة لها سنين وبنين محد كلمه ولا قاله شي وغيره هم ناس من جيرانا بنفس الحارة هدموا البلدية عليهم اللي بانين شينكوا مع انه مخالفة أصغر حييل من الأولي اللي محوط براحه كاملة

أنا وحده أقول لازم الحكومة تكون اكثر موضوعية وحزم بهالموضوع عشان ما يتساوى اللي يستحي ويمشي على القانون مع الحرامي اللي اشكره مخرب منظر وبايق أرض مو من حقه

ولو يحطون فيها ضرايب يكون احسن بعد عشان خلاص اللي ياخذ يكون دافع من حلاله .. صدقيني إن حطوا ضرايب الكل بيخاف ويحترم القانون

لانه فيه ناس تخاف ما تستحي

 

[مشتاقة لأمي]

الحمدلله

بدأ عملية الإزالة على الكبار قبل الصغار ، وكان عيال الشيخ جابر الله يرحمة من اوائل من قام بعملية الإزالة واحترام القانون وتطبيقة قبل كل شي .

اللي يحر الكاريكاتير اللي يقول القانون قضى على أجمل عادة كويتية وهي الديوانية.<<<<<يتصيدون بالماء العكر

بابا اللي مو قادر يفتح ديوانية ببيته مو لازم .
فقدت الديوانية مكانتها صار بالشارع الواحد عشر دواوين ليش عسى ماشر؟؟؟؟
اشلون بيتجمع اهل المنطقة ويتعارفون ويتناقشون باحوال الديرة ويسمعون اخبار بعض إذا كل واحد بديوانه مع 5 هنود ( قهوجية) وكم واحد يجي يلعب كوت بوسته ويمشي؟؟؟؟؟؟؟؟؟؟؟؟

ومثل ماقالت عالي مستواها الحبيب اللي محوش على المنطقة ، ماعليه من أحد زين ماأجرها !!!!!

 

[Katkota_46]

هذي نهاية كل من يتعدى على املاك الدولة ..