اشلون نحترم القانون وهذي حكومتنا

[cat_q8]

القرارات الحكومية كلها في تخبط والكويت ماشية على البركة
الله يحفظ ديرتنا ويهدي حكومتنا وينور بصيرتها

 

[جےـود الحےـزن]

مع احترامي الشديد لارائكم لكن انا ضد انهم يشيلون الدواوين لان من البداية اسمحوا لناس والواحد قام يأخذ من السلفيات ويبني والصراحة احنا دوانيتنا مكلفة علينا تقريبا7000 مو حرام يعني يكسرونها ويشيلونها من اللي بعوضنا والدوانية لا مسكره الشارع وارتدادها مو كبير وموسعة علينا والمشكلة كنا مأخذين اذن من البلدية لما بنينها لكن انا مع تعديل بعض جوانب القرار مثل الدوانية اللي شكلها يفشل ما تدري اهي دوانية ولا حوش غنم او اللي مسكرة عالشارع والرؤية مو مبينه او اللي ما في قدام بيتها مسافة وغصب طيب احط دوانية
صج انا اختلف عن رايكم بس الاختلاف بالراي لايفسد للود قضية

 

[عالي مستواها]

بنات البلدية حاطين بالشوارع إعلانات فيها طريقة اتصال " ايميلهم ورقم التلفون "

ياليت اللي عندها الإيميل الخاص حق الشكواي تحطه هني تكفون

والله حدنا متأذين من جارنا محوط على الأكو والماااكو

اف صج إن لم تستح فافعل ما شئت

 

[بنت شرق]

اختى العزيزه المشكله مو بالحكومه المشكله بالناس الى تحكم النواب الى يمثلون الشعب والواقع ما يمثلون الا انفسهم ومصالحهم وفضايح النواب انكشفت طلع ماكو واحد شريف كل واحد يدور على مصلحته ومصلحته قبيلته واخر شى يفكر بالشعب الى وصله للمجلس الحكومه اطلع قرارات لكن محد ينفذ الواسطه منتشره بالديره والفساد متغلغل داخل المؤسسات ليش نلوم الحكومه ليش احنا يالشعب الى وصلنا هالنوعيه من النواب الى المجلس ما نحاسبهم واخيرا اكتشفنا ان فى نواب ولائهم مو للكويت لدول ثانيه واهو يمثل الشعب فى مجلس امه كويتى

اتمنى من الله ان يحفظ ديرتنا من كل شر