اصعب احساس ):

[الغنج والدلع]

صباااحو عرايس
شلونكم مع التجهيز والاسوقه لووول الله يعينكم
اصعب احساس تعيشه العروس لماتملج وتعتقد عرسها قريييب لووول وتنطر وتنطر وابو الشباب ولاعلى باله والمشكله البعض يقعد وبعدين يجونج فجأه يلا العرس بعد شهر لييش البنت مو من حقه تاخذ وقتها الكافي وتتجهز على الراحه
والله انا اطالب انه من يحدد تاريخ العرس العروسه نفسها وبالاتفاق مع المعرس مو اهوا يحدد بكيفه

يلا بنوتات كل وحده تدخل تقول لنا شنو اصعب احساس واصعب موقف مرت فيه من فتره الخطبه لين بعد الزواج ابي تفااااااعل

المايك لكم
احترامي وتقديري

 

[فـديـت ^-^ روحـي]

هذا بالضبط اللي صار لي

يعني عانيت معاناة موووووووووطبيعيه

مرات اقول ملج علي ونساني ومرات اقول يمكن مغصوب لان خذا سنه ونص يالله حدد

والمشكله يوصلج حجي من الحريم انهم يبونه بالشهر الفلاني

وأهل زوجي ؟؟؟؟؟؟؟ ما عطونا خبر

وآخرتها دقت تلفون قبل اسبوع تقول ترى حددنا بشهر 9 يعني باقي اقل من 6 شهور وعذرها انهم مالقوا حجز

وهم تعذرت بتأخر علينا بالمهر !!! @_@

صدمه يعني انتو شنو ماتستحون مو كفايه معلقيني سنه ونص واحنا ساكتين امبييييه صج حروني

يعني مادري متى بتجيب المهر بس ورويسج لا أطلع كل سواتهم فيني من عيووووووووووونه

الله يهداج قلبتي المواجع وخليتيني افضفض واطلع عن الموضوع الأساسي وانا ما احب افضفض بالمنتدى

 

[الغنج والدلع]

هههههههههههههه لا حبيبتي فضفضي وانا بفضفض معااااج وانا بعد نفس الحاله وليلحين نسمع حجي بس ماشفنا شي الله يسهل يارب
المهم انه تحدد وان شاءالله تكونين احلي عروس يارب

 

[فـديـت ^-^ روحـي]

^

آميييييييييييين و أجمعييييييييييين

بس اللي يقهرني لما أشوف العروض حيييييييل تشوق ودي أشتري مثل معرض العطور

وهم بعد آخاف ينزل سعر الذهب فجأه شنو راح أسوي بالله عليج وانا ماعندي مهر

شفايدة تحديدهم دامهم ما جابوا المهر فيني البجيه من القهر حمولتي عليهم بروووووووود مو طبيعي

صج أهم ما قالوا لكم متى بيحددون ؟؟؟

 

[الغنج والدلع]

لووووول نفس حالتي الله يعين لا ماقالو ليلحين ): بس انا ماادري احس شهر 9 ان شاءالله
انا رفيجتي كانت ملجه معاي والحين يوهم وقالولهم العرس بعد شهر لوووول الله يستر اخاف يسير فيني جذي قمت اوسوس واهوجس

 

[ạ7ạśêś ~]

لووول شـ قول عني انا ملجت وبعد شهر صار عرسي تخيلي
انا عبالي بعد رمضان طلع بعد شهر ومع هذا مهري خذيته متاخر
بس ترى مو منهم حرااام يعني المهر لم يتاخر مو منهم
مثل ما صار في ريلي تاخرت من البنك
وعسى ربي يوفق الكل يارب

 

[مطيريه ستآيل]

ياربي عاد كله ولا هالمواقف البايخه


لما ما تدرين متى عرسج ويدقون ويصدمونج

أنه بعد شهر لا وفووق كل هذا مو جايبين لج المهر


أنا الحمدلله بعد ملجتي بشهر دقوا وقالو العرس شهر 11

والحمدلله عندي وقت والمهر بيجيبونه بعد أسبوع وناطره معاكم

الله يصبرنا بس تدرون لا تخلونها بقلووبكم طلعوها من عيونهم بعد العرس


ههههههههههههههه


الله يووفقكم ويتمم عليكم بخير يالغاليات

وخوووش موضوع والله تسلمين حبيبة قلبي

 

[توته وزيتونه]

الله يتمم عليكم يارب وانا بعد نفسكم كملت سنه على الملجه وللحين ماتحدد العرس ويبون ب2012 بشهر 10 لان اهو قاعد يجمع للعرس مايبي قروض وهالسوالف يعني على مايصير العرس اكون كملت تقريبا سنتين ونص على الملجه بس مابيدي شي غير اني اتفائل ويارب يابنات تكون كل تأخيره وفيها خيره خلونا نتفائل <<غصب تونس عمرها ههههههههههه

 

[وينج يا غناتي]

احساس صعب

حسيت فيه بيوم من الايام ،
كنت في قمة التوتر والضغط النفسي وبس كنت افكر



والاحساس الاصعب
لم يقرب عرسج
يصير فيج
ضيقه
ضغوطات
عصبيه

الله يعييينا بس ، ويوفقنا ويتمم علينا.

 

[أميرة زوجي أنا]

الله يسهل أموووووووووووووووووورنا وصلووووو على النبي

 

[الغنج والدلع]

اي والله يابنات خلونا نتفائل عاد انا من اول ماملجت مشتطه خلطات وعنايه واهتمام لماشفت السالفه طولت قلت لما يحددون العرس كل شي بسويه لمايحددون العرس الله يستر من العرس لووووووول

 

[الغنج والدلع]

نورتوا الموضوع بمروركم الله يوفقكم ياعرايس
عاد كل وحده تدخل تكتب لنا اصعب احساس+ اصعب موقف مرت فيه من الخطوبه لين الزواج يلا ياحلوات ابي تفاعل

 

[توته وزيتونه]

هههههههههههههههههه والله ضحكتيني على انج مشتطه ذكرتيني بنفسي انا جذي حتى خيمة السونا شريتها وحمامات وحالتي حاله لوووول بس الحين وقفت خلطات واطقطق بالسونا بحلل فلوسها غميضه تظل طايحه بس يالله ماعليه ننطر وكل تأخيره فيها خيره يااارب وعسئ ان تكرهوا شئيا وهو خيرا لكم احنا متضايقين ان مطول بس ان شالله يكون فيها خيره لنا

 

[توته وزيتونه]

اممممم اصعب موقف مادري احس ماقدر اقول بس اهو كان ان صارت مشكلة علئ تحديد العرس وجذي بس الحمدلله عدت علئ خير

 

[سفيره الاهات]

عاد انا وش اقوول !!
باقي 3 شهور
وماجابوا المهر
ينتظرون البنك
يلا اهم شي التوفيق

 

[M!ssq89]

وي نفس حالتي بعد والله

ملجتي كانت من ٨ اشهور

وقبل العرس بشهرين عطوني المهر /:

ما خذيت راحتي كلش بالتجهيز احس تجهيزي

بسرعه بسرعه

 

[إأبك إنـأ إبيك]

من حزب آلطمـآشـه ..<< يـآلله ألله يوفقكم ... ومـآيعدئء الاسبؤؤع آلــ^-^ـه محدد ..

 

[سمر^_^]

آخخخخخخييييه فتحتي بآب

ايوالله المفروض احنآ اللي نحدد العرس والله لو بيدي جآن اجلته سنه جدآم بعد

بس على قولتج ابو الشبآب مستعيل لله يعين

 

[كلي لكـ]

امممممممممممم اصعب احساس لما اقعد مع اهلي وادري اني بعد فتره ماراح اقعد معاهم هالقعده
واني ماراح انام بالصالة بحضن امي من تعب الدوام
واني ماراح اتهاوش مع اخوي كل يوم عشان يوديني السوق واشتري اغراضي لوووووووووووووووووووول


بس اذا على العرس انا حددوه لي بعد شهرين ونص من الملجه
امي دقت عشان تقولهم وين شقتي ومتى العرس عشان حكم وظيفتي لان دوامي بالروضة اللي عند بيت اهلي و الشقه بمنطقه ثانيه بعيده عن منطقتنا لازم اطلب نقل

وقالو لها متى العرس و احسهم تفشلوا وقالولها هالاسبوع بنجيب المهر لووووووووووووول

امي قويه ههههههههههه

 

[Laidy n3ooma]

الله يعيييينكم ويتمم عليكم