بسم الله الرحمن الرحيم
الموضوووووووووووع منقووووووووووول للامآنه
>>>>
وطبعآ طريقة آلفوطهـ الي بعرضهآ لكم مره مريحه
وان شآء الله مارح تحسوو بأنو في شي يحك بالغرز
ودي الفوطه بعض المستشفيات يعطووها للحرمه لما تولد
وانا قريبتي نصحتني فيها تقول افضل بكثير من الفوط العاديه ومريحه
وتقدري تتحكمي بالسماكه وبالحجم الي تبغيه
بحيث انو لو تبغيه سميك تخليه طبقتين او ثلاثه او طبقه وحده على حسب رغبتك
بس عن نفسي خليتوو مشكل
نصوو طبقتين من القطن للآيام الاولى من النفاس ..
والنص الثاني طبقه وحده من القطن للايام الاخيره ..
وكمان قريبتي بتقول انو بالايام الاخيره يكون الدم قليل مره
وكانت تاخد القطنه وتقصها بالشكل الي يريحها ووماكنت تضايق او تحس انو في شي من تحت
ودحين بعرض لكم الطريقه بالصووور
الاشياء الي تحتاجيها (للفة قطن + للفة شاش + مقص )
والقطن والشاش تشوفيها بالصيدليات الطبيه وانا من المدينه واخدتها
من صيدليه ( العيينه الطبيه ) بسلطانه
وهنا شكل القطن
شوفو سماكة القطن
وبعدين شوفو العرض الي يناسبكم وقصووه
::
::
..وبعدين نبداء بالخطوه الثانيه ..
::
::
هنا صورة الشاش
وبعدين حطي الفوطه ع الشاش بدا الشكل وانا حطيت 2 فوق بعض
عشان السماكه وللايام الاولى وسويت نص الفوط بطبقه وحده للايام الاخيره من النفاس
وبعدين طبقي الربع الي طالع من الشاش ع الفوطه
اقصد الوصله الي باليمين زي كده تصيرر
وبعدين لفووو الفوطه بالشاش طبقتين يكفي وبعدين قصوو الشاش
وهنا الشكل النهااااائي
وحابه اضيف شوية نصائح
لما تدخلي الحماااام وقبل ماتخرجي نشفي نفسك من تحت مزبووط
ولاتخلي في نقطه مويه وولاتخلي المكان رطب ووافضل شي المناشف الورقيه
زي حق المطبخ عشان ماتتقطع وفي مناشف ورقيه من سانيتا
غير معطرره قريت عنها بالنت
وانتبهو في مناشف ورقيه ووفي مناديل ورقيه وانتي خدي المناشف
ودا صورتو
ومن خلال بحثي بالنت عن الاهتمام بفتره النفاس
وخصوصآآآ اغراض العطااار ووشفت اشياء عجبتني
والبنات مدحوهااا ..}
وكتبتها بورقه وان شاء الله بعدين بروح العطار واشتريها
وحابه افيدكم بالاشياء الي بسويها ان شاء الله
اولآ هذي الخلطه لـ 20 يوم الاولى وتنظف الرحم
وهي عباره من :
كوب حلبه + نص كوب حبه سوداء غير مطحونه + فنجال حبه حلوه مطحونه
ملعقه كبيره قرنفل مطحون
وتحطيه ببرطمااان وكل يوم بالصباح تاخدي مقدار ملعقه طعام وتحطيه
مع الحليب وتحليه بعسسل .. وهالخلطه الـ 20 يوم الاولى بالنفاس وبالصباح ..
ثانيآآ اللهوم وتسمى (( بالخمس فناجيل )) فائدتها تبعد الرطوبه والمويات وتستخدم اخر 10 ايام من النفااااس
ومكوناتها :
محلب + كمون + عويدي + رشاد حب + فلفل اسود
وكلوو مطحون ماعداا الرشاااد يكون حب والمقدااار قد فنجان القهوه من كل نوع
وتجمعيه بعلبه خاصه ويستخدم مرتين ..
قبل الفطور وقبل العشى وطريقتها تاخديها ع الريق وتشربي وراه على طول حليب دافي
واذا عندك بواسير يفضل انك تاخدي نص فنجال عويدي ونص فنجال فلفل اسوود
ثالثآ قشر القهوه ينظف الرحم ويطرد الاوساخ ويشيل الكرووشه
وهي معروفه عند اهل الجنوووب
ومكوناتها : قشر قهوه مقدار قبضة اليد تحمسيه ع النار وبعدين تحطيه بالغلايه
وتضيفي عليه 6 او 7 تمرات للتحليه وشوية سكر اذا حابه
واذا تشربيه بدون تحليه برضوو افضل ..
وتضيفي عليه قرفه مجرووشه او ممكن تاخدي عود قرفه وتكسريها بالغلايه بدون طحن
وتخليه يغلي لمده 15 دقيقه وبعدين تقفلي النار وتحطيه بالترمس الخاص
ولاتنسي تجهزي الزنجبيل الطازج المبشور مقدار ملعقه او حسب الرغبه وتحطبه بالترمس
وبعدين تصبي عليه قشر القهوه
وتشربيه مثلآ العصريه مع تمرة النفاس وهي تمره زي المعجون
طريقة تمرة النفاس ..
مكوناتها :
تمر معبوط الي هو المعجون + اصبع زبده + رشاد
وتطحني الرشاد بكميه بسيطه يعني اقل من ربع كيلو
وبعدين تذوبي الزبده ع النار واذا كانت التمره كبيره اقسميها من النص
واستخدمي نصها ووبعدين حطي الرشاد فوق التمر وصبي فوقو الزبده
شوي شوي واقعدي اعجني فيه لين يتماسك وبعدين كوريها زي الكوره
وحطيها ببرطمان خاص وكليه مع قشر القهوه او بالفطور وبأي وقت
وممكن تعملي كميه كبيره ووتحطيه بالفريزه وكل ماتبغي تطلعيهاا وتسخنيه بالمكرويف
والحلبه كويسه للظهر وممكن تسويه مع حليب او بمويه مغليه
بس لسى ماخدت الطريقه وينفع بالعشره الايام الاولى فقط
لانو بالايام الاخيره ممكن ترخي الرحم وافضل نوع حلبة القصيم
شاي النفاس
وتشربيها كل يوم لمدة اسبوعين
مكوناتها :
قرفه ونعناع وزنجبيل وكمون تعمليه مثل الشاي
وتوضع بترمس
وغسول الارطا ويستخدم من عاشر يوم
ومكوناتها :
تاخدي مقدار قبضة اليد من اعواد الارطا وتحطيه بقدر عليه لتر مويه
ووتغليه مع شويه ملح خشن وملعقه كبيره ممسوحه من قشر الرمان المطحون
وبعدين تحطيه بطشت وتضعي الطشت بالافرنجي وتقعدي عليه 10 دقايق
ولازم يكوون دافي موو حاااار ولا بااااارد
وكمان المره كويسه للتشطيف بس ماعندي طريقتها ولاادري متى افضل وقت لاستخدامها
::
ولاتنسي الفلفل الاسود تحطيه مع الاكل لانو ينظف الرحم ويقويه
::
وفي كمان الكبوو وهي التبخير من تحت
بس لازم تكوني حريصه وبعد التبيخر تلبسي بسرعه الفوطه وتلمي نفسك وتلبسي طويل
وتدفي .. والافضل تعمليه قبل النوم
وهي تنشف الماء والاوساخ والافضل يستخدم بالايام الاخيره من النفاس
ومكوناتها :
قشر البصل + كمون + فلفل هواء + محلب + مره + حبه سوداء + خوا جوا
ووتجيبي مبخريه وتحطي فيها جمره افضل من الفحم الي يولع ويطفي بسرعه
وتبخري من تحت لمده 10 الى 15 دقيقه وبعدين تلبسي الفوطه وتتدفي
وتشربي شي دااافئ
::
لكن متردده من فكرة التبخير من تحت لكن بفكر ..
::
واذا عجبكم الموضوع وحابين تنقلوه لموقع تاني
انا راضيه وماعندي مشكله ..
بشرط تدعولي بتمام حملي وربي يوفقني مع زوجي ويسهلي دراستي
مع حبي ..
منقووووووووووووووووول
