اطباق اسماك منوعه

[شاطىء الذكريات]

اطباق اسماك متنوعه تفتح النفس بالصور​

​

طبعا معروف على شان ريحة الزفر تروح لازم نتبل السمك بالملح والليمون من ربع الى ساعه وبعدين نغسله ..

وعلى شان مايتسلخ السمك عند القلي نغمسه بالدقيق قبل القلي ..​

​

​

=1=​

​

نبدأ بسم الله بالكبسه ( كبسة سمك بالكاري ) ​

​

​

​

المقددير :

سمك شعري او هامور او بياض + بصل مقطع صغييروثوم مبشور + طماطم مقطع صغير +

كزبره خضرا مفرومه نص كوب + رز مغسول ومصفى + كاري + بهرارات صحيحه ( لومي . دارسين .
ورق غار. هيل . فلفل اسود .عود ) .​

​

الطريقه :

بعد ماينشف السمج نتبله بالكاري والكمون والملح ​

​

​

نحمره نصف تحميره ونتركه يصفي زيته ​

​

نحط الزيت بالقدر ونحمرالبصل والثوم كالعاده ونضيف الكزبره والطماطم والكاري والبهارات الصحيحه والملح ونحكم لين يتسبكون ​

بعدين نحط السمك فوقه ونحط مويه فايحه تغطي السمك ونغطي القدر لين يستوي السمك شي ربع ساعه .​

​

بعدين نضيف الرز فوقه ونزيد المويه لين تغطي الرز ونقدمه

والأفضل نطلع السمك قبل نحط الرز ونحمره بالفرن زي كبسة الدجاج ..

وخلال مالرز يستوي نسوي الزبيب ونعبيه لومي اسود ​

​

​

ونحطه على الكبسه .​

​

((2))​

فيوتشيني بالفيليه :​

المقادير :​

​

فيليه سمك مقطع مكعبات

فيوتشيني

فلفل أخضرشرايح
جزر مبشور >> حسب الرغبه
بصل مقطع صغير وثوم مفروم
زبده
مايونيز2ملعقه
جبن سايل 2 ملعقه
علبة كريمة خفق
بهارات ( فلفل ابيض + كزبره + اوريغانو + صلصة صويا معتدله + ماجي ) ملح ​

​

الطريقه :

نسلق المكرونه بمويه وملح وملعقه صغيره زيت

نسيح الزبده ونضيف لها البصل والثوم ونحمرهم ونحط الفلفل
ثم السمك ثم الجزرونتركهم لين يتسبكون
وبعدين نضيف الجبن والمايو ثم الكريمه والبهارات
نصفي المكرونه ونحطها على الخلطه
والنتيجه ​

​

​

​

((3))​

الصياديه :​

​

نجيب سمك والأفضل كنعد نتبله ​

​

ونحمره بالزيت ونتركه على ورق يسحب الزيت ​

بعدين نجيب قدر أو تاوه ونحط فيها زيت وبصل مقطع وشوية ثوم( للرغبه)

ونحمره لين يصير بني غامق ونحطه بالخلاط مع شوي مويه وبهارات وملح

وبعدها نجيب بصل حلقات ونحطه بقدر ونحط عليه جزء من السمك للنكهه يعني واللي يحط كل الكميه عادي ​

​

نحط الرز المغسول فوقه ونغطيه بالخلطه السودا اللي قبل شوي سويناها ​

​

ونغطي القدرلين يستوي الرز ونكبسه ونحط فوقه السمك الباقي ونزينه ونقدمه​

​

​

​

وبالعااااااااااااااااافيه ع قلوبكم​

 

[ABEER FLOWER]

ماشاء الله

وصـفـات شـهـيـه

يعطيج ربي ألف عـافيـه

: )​

 

[نداااوي]

الله

يخزي العين

شكله كتير طيب

يسلمووو دياتك

 

[أتراب]

الله يعطيج العافيه
​

 

[نفـــائس]

الصياديه صادتني شكلها عجيب وطعمها اكيد اعجب

جعل هالاديات ماتمسها النار

 

[ترجمة احساس]

تسلم ايدج عالمجهود الرائع

 

[جارة القمر]

مشكوووووووووووووووووووره

علي نقل الموضوع

 

[ام دليار]

تسلم أيدك

 

[قمر الكويتية]

صج أطباق تفتح النفس

تسلم إيدك
و بارك الله فيك

 

[ام عمار]

مشكورة حبيبتي

 

[احنا عشقناها]

مشكووووووووووووووووورة


تسلم الايادي

 

[مجنونة بس عاقلة]

مشكورة تسلم ايدج