اعاده ثقب اذون البنت اللي بالغلط فيدوني

[Roty]

قوة بنات

بنات انا شلت تراجي بنتي لانها مو مضبوطه وصارلها الحين تقريبا 5 شهور وليلحين ماراحت اثر الثقب ولا قضيت اذونها
انا احاتي ان مايروح الاثر لانها صايره نقطه باينه

شرايكم منو عادت ثقب الاذن وراح الاثر القديم

ووين اروح اي صيدليه ابي احد شاطر

 

[engnera]

يروح وثقبي فوقها

 

[@ام يوسف@]

ااااب

 

[Roty]

Up up

 

[ساشا]

نطري الثقب يتسكر بعدين المسكينه سويلها واحد ثاني

 

[noo7a]

الثقب راح يروح
بس شكثر المده مادري والله
بس انشالله قريب عشان تكشخينها بالعيد بالتراجي

 

[Roty]

مشكورين حبايبي

 

["*آآآنؤؤؤقهـ*"]

عادي شكثر اعادو الثقب لاتحاتين

روحي صيدلية دلال اللي برقعي ممتازه

 

[Roty]

مشكووورة نق نق
الله يرزقج بالذريه الصالحين امين
عاجل غيرر اجل امييين

 

[- BambeNo -]

عادي يالغلا بنت خالتي صارلها جي ورجعوا
ثقبوها بالمكان الصحيح واختفى الاولاني
الله يحفظها لج..

 

[ديانا سبنسر]

مع البنات الله يخليها لج

 

[ام عفاف الكويت]

عمري جم لج مخليه عليها الترجيه
لانه يبي لها وقت شوي ان كان مخليته فتره طويله
اما لو بو جم شهر نطري شوي ويصكر
الله يخليها لج يارب وتلبسينها تراجي عرسها

 

[Roty]

بعد عمري ماقصرتوا حبايبي منورين

 

[رتبه دبلوماسيه]

مع الايام راح يتسكر وعادي تسوين لها ثاني انا جربت في بنتي

 

[*ماي الورد*]

اكو دكتورة بالسالمية عيادتها اسمها سلفا شحيبر اهيا اللي تثقب الاذون بنفسها
*

 

[أميرة طفولتي]

حبيبتي انتبهي لازم وحده شاااااااااطره
قبل لا تثقب تتاكد ان فعلا تسكر القديم
ونصيحه لا يكون الثقب اليديد جريب من القديم وايد


انا للاسف لمن كنت صغيره نفس السالفه
سوولي واحد انزل من الثاني بشكل ملحوظ
لمن انطرت علي امي عساس التأم
ودتني صيدليه السماح الي بالسالميه
وشافتني قالت اي تسكر اكيد
وثقبت بالصوبين قريب من الفتحه الاوليه
جان يتبطلون على بعض
فصارت الفتحه كبيره
الحين صاير مو نقطه لا خط
وما اقدر البس اي تراجي لازم بوطباقي وخفيفه

فصبري عليها حبيبتي
يروح الاثر كلش ملش
وتوكلي على الله

 

[Roty]

بعد عمري اميره ماقصرتي اي والله حسبي الله علا اللي سوا الثقب باااط جبدي حدي تضاايقت
خلاص بنطر عليها

 

[PuPa^^SWeeT]

أنا ثقبتها 3 مرات


والحين انشالله باجر بروح للمرة الرابعة

لأنها تلعب بالترجية


بس برمضان ماقدر اروح الصبح يحوشني هبوط

فا باجر بروح و انشالله ماتلعب بالترجية قبل العيد


بس ترا اترووح و لاتبين